టీమిండియా స్టైలిష్ బ్యాటర్ శ్రేయస్ అయ్యర్ గాయంతో బాధపడుతున్న సంగతి తెలిసిందే. దీంతో ఇంగ్లండ్తో జరుగుతున్న చివరి మూడు టెస్టులకు ప్రకటించిన స్క్వాడ్లో అయ్యర్కు చోటు కల్పించలేదు.
టీమిండియా స్టైలిష్ బ్యాటర్ శ్రేయస్ అయ్యర్ గాయంతో బాధపడుతున్న సంగతి తెలిసిందే. దీంతో ఇంగ్లండ్తో జరుగుతున్న చివరి మూడు టెస్టులకు ప్రకటించిన స్క్వాడ్లో అయ్యర్కు చోటు కల్పించలేదు.
ఇంగ్లండ్తో రెండు టెస్టులు ఆడేసిన టీమిండియా.. మూడో మ్యాచ్కు రెడీ అవుతోంది. రాజ్కోట్ అతిథ్యం ఇవ్వనున్న మూడో టెస్టుకు ముందు గ్యాప్ దొరకడంతో మన ప్లేయర్లు అందరూ రెస్ట్ తీసుకుంటున్నారు. విశ్రాంతి తీసుకొని వచ్చి మూడో మ్యాచ్లో బజ్బాల్ బెండు తీసేందుకు ప్లాన్స్ చేస్తున్నారు. అయితే సిరీస్లోని మిగిలిన మూడు టెస్టులకు ఇప్పటిదాకా సెలక్టర్లు టీమ్ను ప్రకటించకపోవడంతో అందరూ దాని కోసం ఆసక్తిగా ఎదురు చూడసాగారు. విరాట్ కోహ్లీ, రవీంద్ర జడేజా, కేఎల్ రాహుల్ కమ్బ్యాక్ ఇస్తారా? లేదా? అనే దాని కోసం వెయిట్ చేశారు. ఎట్టకేలకు ఇవాళ టీమ్ను ప్రకటించిన సెలక్టర్లు జడ్డూ, కేఎల్ను స్క్వాడ్లో చేర్చారు. పర్సనల్ రీజన్స్ వల్ల సిరీస్ మొత్తానికి కోహ్లీ దూరమయ్యాడు. అయితే అనూహ్యంగా స్టైలిష్ బ్యాటర్ శ్రేయస్ అయ్యర్కు టీమ్లో చోటు దక్కలేదు.
వైజాగ్లో జరిగిన రెండో టెస్టు టైమ్లో వెన్ను నొప్పి తిరగబెట్టడంతో అయ్యర్ కొంత ఇబ్బంది పడ్డాడు. దీంతో అతడు మిగిలిన సిరీస్లో ఆడటం అనుమానంగా మారింది. అనుకున్నట్లే సెలక్టర్లు ప్రకటించిన జట్టులో అతడికి చోటు దక్కలేదు. అయితే ఇక్కడే ఓ ట్విస్ట్ ఉంది. శ్రేయస్ ప్రస్తుతం ఫిట్గా ఉన్నాడట. మ్యాచ్లో ఆడేందుకు అతడు సిద్ధంగా ఉన్నాడట. కానీ అతడ్ని కావాలనే తప్పించారని వినికిడి. ఇంజ్యురీ తర్వాత టెస్ట్ టీమ్లోకి రీఎంట్రీ ఇచ్చిన అయ్యర్ స్కోర్లు 4, 12, 0, 26, 31, 6, 0, 4 నాటౌట్, 35, 13, 27, 29గా ఉన్నాయి. చివరగా 2022లో బంగ్లాదేశ్తో జరిగిన టెస్ట్ మ్యాచ్లో అతడు హాఫ్ సెంచరీ బాదాడు. ఆ మ్యాచ్లో తొలి ఇన్నింగ్స్లో 87 పరుగులు చేసిన అయ్యర్.. రెండో ఇన్నింగ్స్లో 29 పరుగులతో నాటౌట్గా నిలిచాడు.
బంగ్లా సిరీస్ తర్వాత ఇప్పటిదాకా అయ్యర్ బ్యాట్ నుంచి కనీసం ఒక్క హాఫ్ సెంచరీ కూడా రాలేదు. దీంతో ఇంగ్లండ్ సిరీస్కు ముందు రంజీల్లో ఆడాల్సిందిగా అతడ్ని ఆదేశించింది టీమిండియా మేనేజ్మెంట్. దీంతో రంజీ ట్రోఫీ-2024లో భాగంగా ఆంధ్రతో జరిగిన మ్యాచ్లో బరిలోకి దిగాడీ ముంబైకర్. ఆ మ్యాచ్లో 48 పరుగులు చేయడంతో పాటు 145కు పైగా ఓవర్లు ఫీల్డింగ్ కూడా చేశాడు. దీంతో ఇంగ్లీష్ టీమ్తో సిరీస్కు ఫుల్గా ప్రిపేర్ అయినట్లు కనిపించాడు. కానీ గ్రౌండ్లో దిగాక మాత్రం ప్రభావం చూపలేకపోయాడు. మొదటి రెండు టెస్టుల్లో కలిపి 104 పరుగులు మాత్రమే చేయగలిగాడు. ఈ క్రమంలో తాజాగా ప్రకటించిన భారత జట్టులో అతడికి చోటు దక్కలేదు.
గాయం కారణంగానే అయ్యర్ను తీసుకోలేదని చాలా మంది అనుకున్నారు. కానీ పెర్ఫార్మెన్స్ సరిగ్గా లేని కారణంగా అతడ్ని సెలక్టర్లు పక్కన పెట్టారని క్రికెట్ వర్గాలు అంటున్నాయి. ‘ఇంజ్యురీనా? ఛాన్సే లేదు. బెన్ స్టోక్స్ను అయ్యర్ రనౌట్ చేసిన తీరు గుర్తుంది కదా! అతడు కంప్లీట్గా ఫిట్గా ఉన్నాడు. అయితే బ్యాటర్గా మాత్రం టీమ్కు ఏమాత్రం ఉపయోగపడటం లేదు’ అని ఓ స్పోర్ట్స్ వెబ్సైట్తో మాట్లాడుతూ ఒక బీసీసీఐ అధికారి కీలక వ్యాఖ్యలు చేశారు. టీమ్ మేనేజ్మెంట్ అతడు రన్స్ చేయాలని కోరుకుంటోందని.. కానీ అలా జరగడం లేదని ఆ ఆఫీసర్ తెలిపారు. అందుకు తగ్గట్లే టీమ్ ప్రకటన సమయంలో కోహ్లీ, జడ్డూ, రాహుల్ గురించి ప్రస్తావించిన బీసీసీఐ.. అయ్యర్ దూరం కావడానికి గల కారణాలను మాత్రం చెప్పలేదు. మరి.. అయ్యర్ను సెలక్ట్ చేయకపోవడంపై మీ అభిప్రాయాలను కామెంట్ల రూపంలో తెలియజేయండి.
Shreyas Iyer was cleared for selections, but he was dropped by the management. (Espncricinfo). pic.twitter.com/boADmKdx9B
— Mufaddal Vohra (@mufaddal_vohra) February 10, 2024
