IND vs ENG: వీడియో: ‘లగాన్’ షాట్​ను కాపీ కొట్టిన రూట్.. కానీ బుమ్రా దెబ్బకు..!

బజ్​బాల్​ క్రికెట్​తో దూసుకెళ్తున్న ఇంగ్లండ్ జట్టు.. భారత పర్యటనలోనూ దీన్నే ఫాలో అవుతోంది. ఇదే ఫార్ములాతో ఆడి టెస్టు సిరీస్​లోని మొదటి మ్యాచ్​లో విక్టరీ కొట్టింది. కానీ ఆ తర్వాత నుంచే అంతా తారుమారైంది. రోహిత్ సేన సంప్రదాయక శైలిలోనే ఆడుతూ కాస్త దూకుడు పెంచడంతో ఇంగ్లీష్ టీమ్​కు ఏం చేయాలో పాలుపోవడం లేదు. బజ్​బాల్​ అంటూ ఎడాపెడా షాట్లు కొడుతున్న పర్యాటక జట్టు బ్యాటర్లు కొంత మేర సక్సెస్ అవుతున్నప్పటికీ.. ఆ షాట్లే వారిని పెవిలియన్​కు చేరుస్తున్నాయి. క్రికెట్ బుక్ షాట్స్ ఆడటంలో ఆరితేరిన స్టార్ బ్యాటర్ జో రూట్ కూడా ఇదే పంథాలో నడుస్తూ వరుసగా ఫెయిలవుతున్నాడు. మంచి టెక్నిక్, గేమ్ అవేర్​నెస్ కలిగిన రూట్.. అనవసర షాట్లకు ప్రయత్నించి వికెట్ పారేసుకుంటున్నాడు. మూడో టెస్టు తొలి ఇన్నింగ్స్​లో అతడు కొట్టిన ఓ షాట్ వైరల్ అవుతోంది. ‘లగాన్’ మూవీ సీన్​ను రిపీట్ చేశాడతను.

బాలీవుడ్ కల్ట్ క్లాసిక్స్​లో ఒకటిగా నిలిచిపోయిన చిత్రం ‘లగాన్’. స్టార్ హీరో ఆమిర్ ఖాన్ యాక్ట్ చేసిన ఈ ఫిల్మ్ అప్పట్లో బ్లాక్​బస్టర్​గా హిట్​గా నిలిచింది. హిందీ అర్థం కానివారు కూడా ఈ మూవీలోని ఎమోషన్​తో, క్రికెట్​తో కనెక్ట్ అయ్యారు. క్రికెట్ నేపథ్యంగా సాగే ఈ ఫిల్మ్​లో గురన్​మామ్రే అనే క్యారెక్టర్​ కొట్టే ఓ షాట్ బాగా ఫేమస్ అయింది. వికెట్లకు అడ్డంగా నిలబడి బాల్​ను తన కంట్రోల్​లోకి తీసుకొని అతడు ఇంగ్లీష్ బౌలర్లను ఊచకోత కోస్తాడు. ఇప్పుడు అదే షాట్​ను భారత్​తో మ్యాచ్​లో రిపీట్ చేశాడు జో రూట్. కానీ ఏం లాభం పేసుగుర్రం జస్​ప్రీత్ బుమ్రా దెబ్బకు అతడు పెవిలియన్​కు చేరక తప్పలేదు. 40వ ఓవర్​లో బౌలింగ్​కు వచ్చిన బుమ్రా.. అప్పటికే రూట్​ను తెగ ఇబ్బంది పెడుతున్నాడు. వరుసగా మంచి డెలివరీస్​ వేస్తూ ఇంగ్లీష్ బ్యాటర్​ను కట్టిపడేశాడు. ఈ క్రమంలో ఏం చేయాలో తెలియక వికెట్లకు అడ్డంగా నిలబడి రివర్స్ స్వీప్ కొట్టేందుకు ప్రయత్నించాడు రూట్.

ఆఫ్ స్టంప్​కు బయట బుమ్రా వేసిన బాల్​ను రివర్స్ స్వీప్ కొట్టాడు రూట్. బాల్ బాగానే కనెక్ట్ అయినా సెకండ్ స్లిప్​లో ఉన్న యశస్వి జైస్వాల్ దాన్ని వదల్లేదు. తన వైపునకు వేగంగా దూసుకొచ్చిన బాల్​ను క్విక్​ హ్యాండ్స్​తో అందుకున్నాడు జైస్వాల్. ఏమాత్రం భయపడకుండా బాల్​ను పర్ఫెక్ట్​గా అందుకోవడంతో బుమ్రా సంబురాల్లో మునిగిపోయాడు. రూట్ ఎల్​బీడబ్ల్యూనో లేదా బౌల్డ్ లేదా కీపర్ క్యాచ్ అవుతాడేమో అనుకుంటే ఇలా డిఫరెంట్ షాట్ కొట్టి వికెట్ పారేసుకోవడం కాస్త షాకింగ్ అనే చెప్పాలి. బజ్​బాల్​ ప్రవేశపెట్టక ముందు వరకు క్లాస్ బ్యాటింగ్​తో అలరిస్తూ వచ్చిన రూట్.. ఆ తర్వాత నుంచి దూకుడుగా ఆడేందుకు ప్రయత్నిస్తూ చెత్త షాట్లతో ఔట్ అవుతున్నాడు. అతడి డిస్మిసల్ వీడియో నెట్టింట వైరల్ అవుతోంది. దీన్ని చూసిన నెటిజన్స్ ‘లగాన్​’ షాట్​ను బాగానే రిపీట్ చేశాడని.. కానీ బుమ్రా ముందు ఇవేవీ పని చేయవని కామెంట్స్ చేస్తున్నారు. మరి.. రూట్ వింత షాట్​పై మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: IND vs ENG: వీడియో: జడేజాకు రోహిత్ వార్నింగ్! ఇక్కడ అది కుదరదంటూ..

JAISWAL WITH A STUNNER AT SLIP…!!! 🔥 pic.twitter.com/nCQlQ9RoZu

— Mufaddal Vohra (@mufaddal_vohra) February 17, 2024

#WATCH : Joe Root was trying to play the shot like ‘Guranmamare’ played in Movie Lagaan.#JoeRoot #ENGvcNED #ENGvsNED #CWC2023 #CWC23 #England #Netherland #ICCCricketWorldCup23 #CricketWorldCup #Lagaan pic.twitter.com/xcW2ouVbtv

— upuknews (@upuknews1) November 8, 2023