భారత్-ఇంగ్లండ్ మధ్య మూడో టెస్టు ప్రారంభమైంది. ఈ మ్యాచ్లో టీమిండియా ఏకంగా 4 మార్పులతో బరిలోకి దిగింది.
భారత్-ఇంగ్లండ్ మధ్య మూడో టెస్టు ప్రారంభమైంది. ఈ మ్యాచ్లో టీమిండియా ఏకంగా 4 మార్పులతో బరిలోకి దిగింది.
భారత్-ఇంగ్లండ్ మధ్య మూడో టెస్టును చూద్దామని ఎదురుచూసిన ప్రేక్షకుల నిరీక్షణకు తెరపడింది. సిరీస్లో ఎంతో కీలకమైన ఈ మ్యాచ్ ఇవాళ స్టార్ట్ అయింది. రాజ్కోట్ ఆతిథ్యం ఇస్తున్న ఈ టెస్టులో టాస్ నెగ్గిన భారత కెప్టెన్ రోహిత్ శర్మ తొలుత బ్యాటింగ్ ఎంచుకున్నాడు. పిచ్ బ్యాటింగ్కు అనుకూలంగా ఉండటంతో ఈ నిర్ణయం తీసుకున్నామని టాస్ సమయంలో హిట్మ్యాన్ తెలిపాడు. తుది జట్టులో 4 మార్పులు చేశామని చెప్పాడు. కొత్త కుర్రాళ్లు ధృవ్ జురెల్, సర్ఫరాజ్ ఖాన్ ఈ మ్యాచ్తో అరంగేట్రం చేయనున్నారని అన్నాడు. ఆ తర్వాత ఇంగ్లండ్ సారథి బెన్ స్టోక్స్ మాట్లాడుతూ.. ఒకవేళ తాము టాస్ గెలిచినా ముందు బ్యాటింగ్కే దిగేవారమని చెప్పాడు. ఇక, ఈ మ్యాచ్ మొదలవడానికి ముందే ఇంగ్లండ్ తమ ప్లేయింగ్ స్క్వాడ్ను ప్రకటించింది. ఆ టీమ్లో కేవలం ఒకే ఒక మార్పు జరిగింది. యంగ్ స్పిన్నర్ బషీర్ స్థానంలో స్పీడ్స్టర్ మార్క్ వుడ్ టీమ్లోకి వచ్చాడు. భారత జట్టు ఈ మ్యాచ్లో ఏకంగా 4 మార్పులతో బరిలోకి దిగింది.
మూడో టెస్టులో టీమిండియా ప్లేయింగ్ ఎలెవన్లో నాలుగు మార్పులు చోటుచేసుకున్నాయి. గత రెండు టెస్టుల్లో ఆడిన వికెట్ కీపర్ కేఎస్ భరత్ స్థానంలో కొత్త కుర్రాడు జురెల్ టీమ్లోకి వచ్చాడు. అలాగే శ్రేయస్ అయ్యర్ ప్లేసులో సర్ఫరాజ్ ఖాన్ ఛాన్స్ దక్కించుకున్నాడు. జురెల్, సర్ఫరాజ్కు ఇదే అరంగేట్ర మ్యాచ్ కావడం విశేషం. దినేష్ కార్తీక్ జురెల్కు టెస్ట్ క్యాప్ ఇచ్చి టీమ్లోకి ఆహ్వానించాడు. సర్ఫరాజ్కు లెజెండరీ స్పిన్నర్ అనిల్ కుంబ్లే క్యాప్ ఇచ్చాడు. వీళ్లతో పాటు మరో రెండు మార్పులు జరిగాయి.
వైజాగ్ టెస్టులో ఆడిన పేసర్ ముకేష్ కుమార్ స్థానంలో హైదరాబాదీ మహ్మద్ సిరాజ్ను రీప్లేస్ చేశారు. అలాగే ఆల్రౌండర్ అక్షర్ పటేల్ ప్లేసులో రవీంద్ర జడేజా తుదిజట్టులో చోటు దక్కించుకున్నాడు. మిగిలిన ప్లేయర్లు అందరూ అలాగే ఉన్నారు. కాగా, పిచ్ బ్యాటింగ్కు స్వర్గధామమని టాస్కు ముందు పిచ్ రిపోర్టులో లెజెండ్ అనిల్ కుంబ్లే అన్నాడు. ఇక్కడ పేసర్లకు కాస్త మద్దతు ఉంటుందని, కానీ స్పిన్నర్లకు ఎలాంటి హెల్ప్ దొరకదని చెప్పాడు. పిచ్పై బౌన్స్, స్వింగ్కు ఛాన్స్ ఉందన్నాడు. ఈ మ్యాచ్ ఐదు రోజులు జరిగే అవకాశం ఉందన్నాడు. మరి.. ఈ మ్యాచ్లో టీమిండియా ప్లేయింగ్ ఎలెవన్ విషయంలో మీరేం అనుకుంటున్నారో కామెంట్ చేయండి.
భారత జట్టు (ప్లేయింగ్ ఎలెవన్):
రోహిత్ శర్మ (కెప్టెన్), యశస్వి జైస్వాల్, శుబ్మన్ గిల్, సర్ఫరాజ్ ఖాన్, రజత్ పాటిదార్, ధృవ్ జురెల్, రవీంద్ర జడేజా, రవిచంద్రన్ అశ్విన్, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్.
ఇదీ చదవండి: వీడియో: క్రికెట్ చరిత్రలోనే విచిత్రమైన ఘటన! రూల్‌ ప్రకారం..
Sarfaraz Khan and Dhruv Jurel making their Test debut.
Many congratulations to both of them! 🇮🇳 pic.twitter.com/IqqEmFdiC1
— Mufaddal Vohra (@mufaddal_vohra) February 15, 2024
In – Sarfaraz, Jurel, Jadeja and Siraj.
Out – Iyer, Bharat, Axar and Mukesh. pic.twitter.com/SvNn6YUwro
— Mufaddal Vohra (@mufaddal_vohra) February 15, 2024
