Ishan Kishan: పాపం ఇషాన్ కిషన్​.. సెలక్టర్ల చేతిలో టాలెంటెడ్ ప్లేయర్ బలి!

ప్రతిభకు తగిన ప్రోత్సాహం అందితే వచ్చే ఫలితాలు మామూలుగా ఉండవు. టాలెంట్ ఉన్న ఆటగాళ్లను ప్రోత్సహిస్తే అద్భుతాలు చేసి చూపిస్తారు. ఒక ప్లేయర్​ను పైకి తీసుకురావాలన్నా, కిందకు పడేయాలన్నా అది సెలక్టర్ల చేతుల్లోనే ఉంటుంది. అరకొర టాలెంట్ ఉండి సరిగ్గా పెర్ఫార్మ్ చేయకపోయినా సెలక్టర్ల అండతో గట్టెక్కే ఆటగాళ్లు కొంతమంది ఉన్నారు. అదే టైమ్​లో చాలా ప్రతిభ ఉన్నా, వచ్చిన ఛాన్సుల్ని వినియోగించుకొని పెర్ఫార్మ్ చేసినా అణచివేతకు గురయ్యే ఆటగాళ్లూ ఉన్నారు. ఇప్పుడీ లిస్టులో చేరాడు భారత స్టార్ వికెట్ కీపర్, బ్యాట్స్​మన్ ఇషాన్ కిషన్. హార్డ్ హిట్టింగ్ ఎబిలిటీస్​తో పాటు అద్భుతమైన వికెట్ కీపింగ్ నైపుణ్యం ఉన్న ఇషాన్​కు మరోసారి అన్యాయం జరిగింది. సెలక్టర్ల చేతిలో ఈ టాలెంటెడ్ ప్లేయర్ బలయ్యాడు. ఆఫ్ఘానిస్థాన్​తో త్వరలో జరగబోయే టీ20 సిరీస్​లో ఇషాన్​కు చోటు దక్కలేదు.

ఆఫ్ఘాన్​తో టీ20 సిరీస్​కు 16 మందితో కూడిన స్క్వాడ్​ను ప్రకటించారు సెలక్టర్లు. అయితే ఇందులో ఇషాన్​కు స్థానం దక్కలేదు. టీ20ల్లో రెగ్యులర్ ప్లేయర్ అయిన ఈ లెఫ్టాండ్ బ్యాటర్ కంటిన్యూగా పెర్ఫార్మ్ చేస్తున్నాడు. తనకు వచ్చిన అవకాశాలను సద్వినియోగం చేసుకొని అద్భుతమైన ఇన్నింగ్స్​లతో జట్టు విజయాల్లో కీలకపాత్ర పోషిస్తున్నాడు. అలాంటి ప్లేయర్​ను ఆఫ్ఘాన్​ సిరీస్​కు ఎందుకు ఎంపిక చేయలేదో అర్థం కావడం లేదు. అతడ్ని ఎందుకు తీసుకోలేదో కనీసం రీజన్ కూడా చెప్పలేదు. టీ20 ప్రపంచ కప్​కు ముందు భారత్​కు ఇదే లాస్ట్ టీ20 సిరీస్. ఇందులో అతడ్ని ఆడించలేదంటే మెగాటోర్నీలో తీసుకోబోమని ఇన్​డైరెక్ట్​గా హింట్ ఇచ్చినట్లే. దీంతో మరో టాలెంటెడ్ ప్లేయర్ కెరీర్​ను సెలక్టర్లు నాశనం చేస్తున్నారని సోషల్ మీడియాలో నెటిజన్స్ సీరియస్ అవుతున్నారు. పాపం ఇషాన్ టాలెంట్​ వృథా అవుతోందని కామెంట్స్ చేస్తున్నారు.

ఈ మధ్య కాలంలో సెలక్టర్లు ఇలా చేయడం ఇదే ఫస్ట్ టైమ్ కాదు. వన్డే వరల్డ్ కప్​ ముందు అక్షర్ పటేల్ విషయంలోనూ ఇలాగే వ్యవహరించి విమర్శల పాలయ్యారు. వన్డే ప్రపంచ కప్​-2023కి ముందు వరకు స్పిన్ ఆల్​రౌండర్ అక్షర్ పటేల్​ను అన్ని వన్డే సిరీస్​ల్లోనూ ఆడించారు. బ్యాట్​తో విలువైన రన్స్ చేస్తూ, లెఫ్టార్మ్ స్పిన్​తో కీలక వికెట్లు తీస్తూ టీమ్ విజయాల్లో కీలక పాత్ర పోషించాడు అక్షర్. ఆసియా కప్-2023​లోనూ అతడు రాణించాడు. అయినా గాయం సాకు చూపి రికవర్ అయిన అక్షర్​ను వరల్డ్ కప్​కు దూరం పెట్టారు. అతడి ప్లేస్​లో 50 ఓవర్ల ఫార్మాట్​కు చాన్నాళ్ల నుంచి దూరంగా ఉంటున్న సీనియర్ స్పిన్నర్ రవిచంద్రన్ అశ్విన్​ను సెలక్ట్ చేశారు. ఇప్పుడు ఇషాన్ కిషన్ విషయంలోనూ సెలక్టర్లు ఇలాగే వ్యవహరించడంతో తీవ్ర విమర్శలు వస్తున్నాయి.

కంటిన్యూగా పెర్ఫార్మ్ చేస్తున్న కిషన్​ను ఇలా అకస్మాత్తుగా పక్కన పెట్టడం, ఎందుకు తీసుకోలేదో రీజన్ కూడా చెప్పకపోవడం దారుణమని నెట్టింట అభిమానులు కామెంట్స్ చేస్తున్నారు. అయితే మెంటల్ ఫెటీగ్ (మానసిక అలసట) కారణంగా ఇషాన్ ఆఫ్ఘాన్ సిరీస్​కు దూరంగా ఉండాలని డిసైడ్ అయ్యాడని కొందరు అంటున్నారు. అయితే ఇందులో ఎందులో ఎంత నిజం ఉందనేది తెలియదు. కానీ నెటిజన్స్​తో పాటు ఇషాన్ ఫ్యాన్స్ మాత్రం సెలక్టర్లపై సీరియస్ అవుతున్నారు. కిషన్​కు న్యాయం చేయాలని డిమాండ్ చేస్తున్నారు. మరి.. ఇషాన్ విషయంలో సెలక్టర్లు వ్యవహరిస్తున్న తీరుపై మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: IPL 2024: ముంబై ఇండియన్స్​కు భారీ షాక్.. మ్యాచ్ విన్నర్ దూరం!