కొత్త కెప్టెన్‌ సూర్యకుమార్‌కు షాకిచ్చిన పాండ్యా! బయటపడ్డ విభేదాలు?

టీమిండియా ప్రస్తుతం శ్రీలంక పర్యటనలో ఉన్న విషయం తెలిసిందే. మూడు టీ20ల సిరీస్‌ ఆడేందుకు కొత్త కెప్టెన్‌ సూర్యకుమార్‌ యాదవ్‌ సారథ్యంలో యంగ్‌ టీమిండియా లంకకు వెళ్లింది. ఈ నెల 22న భారత జట్టు లంక గడ్డపై అడుగుపెట్టి.. ప్రాక్టీస్‌ కూడా మొదలుపెట్టింది. ఈ జట్టుతో కొత్త హెడ్‌ కోచ్‌ గౌతమ్‌ గంభీర్‌ కూడా ఉన్నాడు. సోమవారం లంకకు చేరుకున్న టీమిండియా.. నెక్ట్స్‌ డేనే తొలి ప్రాక్టీస్‌ సెషన్‌ నిర్వహించింది. హెడ్‌ కోచ్‌గా గౌతమ్‌ గంభీర్‌కు, అలాగే పూర్తిస్థాయి టీ20 కెప్టెన్‌గా సూర్యకుమార్‌ యాదవ్‌కు ఇదే తొలి ప్రాక్టీస్‌ సెషన్‌.

అయితే.. స్టార్‌ ఆల్‌రౌండర్‌ హార్ధిక్‌ పాండ్యా శ్రీలంకలో కొత్త కెప్టెన్‌ సూర్యకుమార్‌ యాదవ్‌ను అవమానించినట్లు వార్తలు వస్తున్నాయి. కొత్త కెప్టెన్‌గా తొలి ప్రాక్టీస్‌ సెషన్‌కి ముందు సూర్యకుమార్‌ యాదవ్‌ నిర్వహించిన టీమ్‌ హుడిల్‌కి హార్ధిక్‌ పాండ్యా రాలేదంటా.. తన స్థానంలో కెప్టెన్సీ తీసుకున్న సూర్య నిర్వహించే టీమ్‌ హుడిల్‌లో పాల్గొనడం ఏంటంటూ.. డ్రెస్సింగ్‌ రూమ్‌కే పరిమితం అయినట్లు తెలుస్తోంది. ఈ ఘటనతో సూర్యకుమార్‌ యాదవ్‌, హార్ధిక్‌ పాండ్యా మధ్య విభేదాలు ఉన్నట్లు వార్తలు వస్తున్నాయి.

తొలి ప్రాక్టీస్‌ సెషన్‌కి ముందు నిర్వహించిన హుడిల్‌లో పాండ్యా పాల్గొనకపోయినా.. తర్వాత ప్రాక్టీస్‌కి వచ్చాడు. కొత్త హెడ్‌ కోచ్‌ గంభీర్‌తో తన బ్యాటింగ్‌ టెక్నిక్స్‌ గురించి చర్చించి.. అనంతరం బ్యాటింగ్‌ బౌలింగ్‌ ప్రాక్టీస్‌ చేశాడు. ప్రాక్టీస్‌ ముగిసిన తర్వాత చివర్లో మరోసారి నిర్వహించిన టీమ్‌ మీటింగ్‌లో పాండ్యా పాల్గొన్నాడు. కెప్టెన్‌ సూర్య మాట్లాడుతుంటే.. పక్కన ఉండి విన్నాడు. కానీ, ఉదయం జరిగిన టీమ్‌ హుడిల్‌లో ఎందుకు పాల్గొనలేదో కారణం తెలియరాలేదు. అయితే.. రోహిత్‌ శర్మ తర్వాత టీ20 కెప్టెన్‌ పాండ్యా అవుతాడని అంతా భావించారు. కానీ, చివరి నిమిషంలో సూర్య కెప్టెన్‌ అయ్యాడు. ఈ విషయంపై పాండ్యా కాస్త కోపంగా ఉన్నట్లు తెలుస్తోంది. మరి ఈ విషయంలో మీ అభిప్రాయాలను కామెంట్ల రూపంలో తెలియజేయండి.

Related News