వరల్డ్ కప్ హీరో హార్దిక్ పాండ్యాను ఇప్పుడు అంతా సూపర్ స్టార్లా చూస్తున్నారు. మెగాటోర్నీతో అతడి మీద ఉన్న నెగెటివిటీ మొత్తం పోయి.. ఫుల్ పాజిటివిటీ వచ్చేసింది.
వరల్డ్ కప్ హీరో హార్దిక్ పాండ్యాను ఇప్పుడు అంతా సూపర్ స్టార్లా చూస్తున్నారు. మెగాటోర్నీతో అతడి మీద ఉన్న నెగెటివిటీ మొత్తం పోయి.. ఫుల్ పాజిటివిటీ వచ్చేసింది.
వరల్డ్ కప్ హీరో హార్దిక్ పాండ్యాను ఇప్పుడు అందరూ సూపర్ స్టార్లా చూస్తున్నారు. మెగాటోర్నీతో అతడి మీద ఉన్న నెగెటివిటీ పోయి.. ఫుల్ పాజిటివిటీ వచ్చేసింది. పొట్టి కప్పు ఫైనల్ మ్యాచ్తో అతడు సూపర్ స్టార్గా మారిపోయాడు. అలాగని పాండ్యాకు ముందు నుంచి క్రేజ్ లేదని కాదు. గత కొన్నేళ్లుగా భారత జట్టు విజయాల్లో తన వంతు పాత్ర పోషిస్తూ మంచి పాపులారిటీ సంపాదించాడు హార్దిక్. అయితే ఐపీఎల్-2024 టైమ్లో భారీగా విమర్శలు ఎదుర్కోవడం, ట్రోలింగ్కు గురవడంతో అభిమానుల్లో అతడి మీద నెగెటివిటీ పెరిగింది. కానీ టీ20 ప్రపంచ కప్లో బ్యాట్తో, బాల్తో సత్తా చాటడం.. ఫైనల్ ఫైట్లో క్లాసెన్, మిల్లర్ను ఔట్ చేసి మ్యాచ్ను టీమిండియా వైపు తిప్పడంతో హార్దిక్ క్రేజ్ డబుల్ అయింది. అతడ్ని అందరూ ప్రశంసల్లో ముంచెత్తుతున్నారు.
భారత్ కప్పు గెలుచుకోవడంలో కీలక పాత్ర పోషించిన హార్దిక్ను అన్ని రంగాలకు చెందిన ప్రముఖులు ప్రశంసల్లో ముంచెత్తుతున్నారు. సూపర్బ్గా ఆడావంటూ మెచ్చుకుంటున్నారు. ఈ తరుణంలో ఓ రష్యన్ మోడల్, నటి అతడ్ని పొగిడింది. మమ్మల్ని గర్వించేలా చేశావంటూ కామెంట్ చేసింది. ఆమె పేరు ఎలెనా టుటేజా. భారతీయులంతా టీమిండియా విజయంపై ఎంతో గర్వపడుతున్నారని ఆమె తెలిపింది. హార్దిక్తో తనకు మంచి అనుబంధం ఉందని.. ఇద్దరమూ కలసి గతంలో ఓ యాడ్ షూట్లో పాల్గొన్నామంటూ దానికి సంబంధించిన ఓ ఫొటోను ఆమె షేర్ చేసింది. భారత జట్టుతో పాటు పాండ్యా కూడా తమను గర్వపడేలా చేశాడని ఈ పోస్ట్కు ఆమె క్యాప్షన్ జత చేసింది. ఎలెనా ఇన్స్టా పోస్ట్ ఇప్పుడు వైరల్గా మారింది.
ఎలెనా పోస్ట్ చూసిన కొందరు నెటిజన్స్.. హార్దిక్కు ఆమెకు మధ్య ఎఫైర్ నడుస్తోందని అనుమానాలు వ్యక్తం చేస్తున్నారు. స్పెషల్గా పాండ్యా గురించి పోస్ట్ పెట్టిందంటే వాళ్ల మధ్య ఏదో నడుస్తోందని కామెంట్స్ చేస్తున్నారు. ఇదిలా ఉంటే.. వరల్డ్ కప్ ట్రోఫీతో స్వదేశానికి వచ్చిన హార్దిక్.. ఆ విజయాన్ని కొడుకు అగస్త్యతో కలసి సెలబ్రేట్ చేసుకున్నాడు. కుమారుడ్ని హత్తుకొని ఎమోషనల్ అయ్యాడు. అయితే ఈ సెలబ్రేషన్స్లో పాండ్యా భార్య నటాషా లేకపోవడం చర్చకు దారితీసింది. వీళ్లిద్దరూ విడిపోయారనడానికి ఇదే నిదర్శనమని నెటిజన్స్ అంటున్నారు. ఇదే తరుణంలో హార్దిక్తో కలసి దిగిన యాడ్ షూట్ ఫొటోను మోడల్ ఎలెనా పోస్ట్ చేయడంతో వాళ్లిద్దరూ రిలేషన్లో ఉన్నారనే రూమర్స్ ఊపందుకున్నాయి. కెరీర్ పరంగా హ్యూజ్ సక్సెస్తో అందరితో ప్రశంసలు అందుకుంటున్న హార్దిక్.. పర్సనల్ లైఫ్ వల్ల మాత్రం పదే పదే వార్తల్లో నిలుస్తున్నాడు.
