Gautam Gambhir: కోచింగ్ ఇవ్వడం కాదు.. ముందు ఆ పని చెయ్! గంభీర్​కు మాజీ క్రికెటర్ సజెషన్!

టీమిండియా నయా కోచ్ గౌతం గంభీర్ ఎరా రేపటి నుంచి మొదలవనుంది. శ్రీలంక సిరీస్​తో అతడి ఫస్ట్ ఎసైన్​మెంట్ స్టార్ట్ కానుంది. ఇరు టీమ్స్ మధ్య శనివారం తొలి టీ20 మ్యాచ్ జరగనుంది. ఈ మ్యాచ్​కు సంబంధించి​ అన్ని ఏర్పాట్లు పూర్తయ్యాయి. కొన్ని రోజుల ముందే లంకకు చేరుకున్న మెన్ ఇన్ బ్లూ.. ముమ్మురంగా సాధన చేశారు. ఆతిథ్య జట్టును వైట్ వాష్ చేయాలనే కసితో ప్రాక్టీస్ చేశారు. కొత్త కోచ్ గౌతం గంభీర్ దగ్గర నుంచి ప్రతి ప్లేయర్​ గేమ్​ను అబ్జర్వ్ చేశాడు. టెక్నిక్​ మెరుగుపర్చుకోవడంపై వాళ్లతో డిస్కస్ చేశాడు. ఎక్కడ తప్పు చేస్తున్నారో గమనించి వాళ్లకు అర్థమయ్యేలా వివరించాడు. కెప్టెన్ సూర్యతో కూడా చర్చిస్తూ కనిపించాడు గంభీర్.

ఫీల్డింగ్ కోచ్ టి. దిలీప్​తో కలసి ప్లేయర్లు అందరితో ఫీల్డింగ్ ప్రాక్టీస్ చేయించాడు గంభీర్. త్రోలు విసరడం, రన్నింగ్ క్యాచ్​లు అందుకోవడం, డైవ్​లు చేయడంపై స్పెషల్ క్లాస్ తీసుకున్నాడు. ఇలా గత రెండ్రోజులుగా ఆటగాళ్లందరితో ప్రాక్టీస్ సెషన్​లో చెమటలు కక్కిస్తున్నాడు గౌతీ. కోచ్​గా తొలి సిరీస్​లో టీమ్ పెర్ఫార్మెన్స్ అదిరిపోయేలా ప్లాన్ చేస్తున్నాడు. లంకను లైట్ తీసుకోకుండా.. చిన్న పామును కూడా పెద్ద కర్రతో కొట్టాలనే స్ట్రాటజీతో ముందుకెళ్తున్నాడు. అయితే గంభీర్​ కోచింగ్ చేయడం ఆపేయాలని భారత దిగ్గజ క్రికెటర్ సందీప్ పాటిల్ సూచించాడు. కోచింగ్ మానేసి.. ప్లేయర్లను హ్యాండిల్ చేయడం మీద ఫోకస్ పెట్టాలని అన్నాడు.

‘ఇండియన్ టీమ్​కు కోచింగ్ ఇవ్వడం గంభీర్ పని కాదు. జట్టుకు సాయం చేయడమే అతడి వర్క్. టాప్ లెవల్​ క్రికెట్​లో సక్సెస్​ అవ్వాలంటే ఇలాగే చేయాలి. ప్లేయర్ మేనేజ్​మెంట్ మీద గౌతీ ఫోకస్ పెట్టాలి. అదే కోచ్​గా అతడికి అతిపెద్ద సవాల్ కానుంది. ఐపీఎల్​లో ఫ్రాంచైజీలకు పని చేసినప్పుడు అతడు ఈ విషయంలో విజయవంతం అయ్యాడు. దాన్నే టీమిండియాలో కూడా కంటిన్యూ చేస్తే చాలు. గంభీర్ సక్సెస్ అవుతాడనే నమ్మకం ఉంది’ అని సందీప్ పాటిల్ చెప్పుకొచ్చాడు. టాప్ లెవల్ క్రికెట్​లో ఆటగాళ్లకు కొత్తగా నేర్పాల్సింది పెద్దగా ఉండదన్నాడు. కాబట్టి గౌతీ ఫోకస్ మొత్తం ప్లేయర్ల ఫిట్​నెస్​, ఎవర్ని ఏ మ్యాచ్​లో బరిలో దించాలి లాంటి అంశాలపై పెడితే చాలన్నాడు సందీప్ పాటిల్. మరి.. కోచింగ్ ఇవ్వడం కంటే ప్లేయర్ మేనేజ్​మెంట్​పై గంభీర్ దృష్టి పెట్టాలనే వ్యాఖ్యలపై మీరేం అనుకుంటున్నారో కామెంట్ చేయండి.

• ఇదీ చదవండి: టీమ్​లో హార్దిక్ రోల్ సెట్ చేసిన సూర్య! ఆ కోపాన్ని మర్చిపోయి..!