Duleep Trophy 2024: ఈ మధ్య భారత క్రికెట్లో ఎక్కువగా ఓ టోర్నమెంట్ గురించి డిస్కషన్ నడుస్తోంది. అదే దులీప్ ట్రోఫీ. ఇందులో టీమిండియా స్టార్లు ఎవరెవరు ఆడతారనేది ఆసక్తిగా మారింది.
Duleep Trophy 2024: ఈ మధ్య భారత క్రికెట్లో ఎక్కువగా ఓ టోర్నమెంట్ గురించి డిస్కషన్ నడుస్తోంది. అదే దులీప్ ట్రోఫీ. ఇందులో టీమిండియా స్టార్లు ఎవరెవరు ఆడతారనేది ఆసక్తిగా మారింది.
ఈ మధ్య భారత క్రికెట్లో ఎక్కువగా ఓ టోర్నమెంట్ గురించి డిస్కషన్ నడుస్తోంది. అదే దులీప్ ట్రోఫీ. ఇందులో టీమిండియా స్టార్లు ఎవరెవరు ఆడతారనేది ఆసక్తిగా మారింది. భారత జట్టుకు ఇప్పుడు మ్యాచ్లు లేవు. బంగ్లాదేశ్ సిరీస్ మొదలవడానికి ఇంకా నెల రోజుల టైమ్ ఉంది. దీంతో మెన్ ఇన్ బ్లూ క్రికెటర్లంతా రెస్ట్ తీసుకుంటున్నారు. కొందరు వెకేషన్స్లో బిజీగా ఉంటే మరికొందరు ఇళ్ల వద్దే విశ్రాంతి తీసుకుంటున్నారు. అయితే సెప్టెంబర్ 6 నుంచి మొదలయ్యే దులీప్ ట్రోఫీలో ఆడాల్సిందిగా పలువురు భారత ఆటగాళ్లను బీసీసీఐ ఆదేశించిందని వార్తలు వచ్చాయి. రోహిత్ శర్మ, విరాట్ కోహ్లీని కూడా ఈ టోర్నీలో పార్టిసిపేట్ చేయాలని బోర్డు కోరినట్లు వినిపించింది. ఈ తరుణంలోనే హిట్మ్యాన్ ప్రాక్టీస్ చేస్తున్న ఫొటోలు బయటకు వచ్చాయి.
రోహిత్ ప్రాక్టీస్ ఫొటోలు చూసిన అభిమానులు అతడు దులీప్ ట్రోఫీ కోసమే సన్నద్ధమవుతున్నాడని అనుకున్నారు. అయితే అతడు ఆ టోర్నమెంట్లో ఆడట్లేదని కన్ఫర్మ్ అయిపోయింది. దులీప్ ట్రోఫీ-2024లో ఆడే టీమ్స్ను తాజాగా భారత క్రికెట్ బోర్డు అనౌన్స్ చేసింది. ఈ లిస్ట్లో రోహిత్, విరాట్తో పాటు పేసుగుర్రం జస్ప్రీత్ బుమ్రా పేరు కూడా లేదు. మరి.. ఈ టోర్నీలో ఎవరైనా భారత స్టార్లు ఆడుతున్నారా? లేదా? అనేదేగా మీ ప్రశ్న. ఈసారి దులీప్ ట్రోఫీ అదిరిపోనుంది. రోకో జోడీ, బుమ్రాను మినహాయిస్తే దాదాపుగా టీమిండియా స్టార్స్ అంతా ఈ టోర్నమెంట్లో అలరించనున్నారు. ఈ టోర్నమెంట్ కోసం నాలుగు జట్లను బోర్డు ప్రకటించింది. అందులో టీమ్-ఏకు యంగ్ బ్యాటర్ శుబ్మన్ గిల్ను కెప్టెన్గా ఎంపిక చేసింది.
గిల్తో పాటు కేఎల్ రాహుల్, కుల్దీప్ యాదవ్, శివమ్ దూబె, తిలక్ వర్మ టీమ్-ఏ తరఫున దులీప్ ట్రోఫీ బరిలోకి దిగనున్నారు. రిషబ్ పంత్, రవీంద్ర జడేజా, మహ్మద్ సిరాజ్, యశస్వి జైస్వాల్ టీమ్-బీ తరఫున ఆడతారు. టీమ్-సీకి యువ బ్యాటర్ రుతురాజ్ గైక్వాడ్ను కెప్టెన్గా నియమించింది బీసీసీఐ. ఈ జట్టులో గైక్వాడ్తో పాటు సూర్యకుమార్ యాదవ్, ఉమ్రాన్ మాలిక్, రజత్ పాటిదార్ ఉన్నారు. టీమ్-డీని స్టార్ బ్యాట్స్మన్ శ్రేయస్ అయ్యర్ సారథిగా ముందుండి నడిపించనున్నాడు. ఈ జట్టులో ఇషాన్ కిషన్, అక్షర్ పటేల్, అర్ష్దీప్ సింగ్, హర్షిత్ రాణా ఉన్నారు. నేషనల్ డ్యూటీ లేని టైమ్లో టీమిండియా ఆటగాళ్లను డొమెస్టిక్ క్రికెట్లో ఆడించాలనే పంతాన్ని మొత్తానికి బోర్డు నెరవేర్చుకుందని ఈ టీమ్స్ను చూసిన నెటిజన్స్ అంటున్నారు. ఇంత మంది స్టార్లు ఒకే టోర్నీలో ఆడితే అదిరిపోతుందని చెబుతున్నారు. మరి.. దులీప్ ట్రోఫీ మ్యాచ్ల కోసం మీరెంతగా ఎదురు చూస్తున్నారో కామెంట్ చేయండి.
Which team you’re backing in Duleep Trophy 2024? pic.twitter.com/LqRP1hfzsh
— Mufaddal Vohra (@mufaddal_vohra) August 14, 2024
