Nidhan
Jasprit Bumrah, Lady Bumrah, Team India: టీమిండియా పేసుగుర్రం జస్ప్రీత్ బుమ్రాను ఎంతో మంది యంగ్స్టర్స్ స్ఫూర్తిగా తీసుకుంటారు. అతడిలా దేశానికి ఆడాలని, అంత సక్సెస్ అవ్వాలని కోరుకుంటారు. అతడి బౌలింగ్ యాక్షన్ను ఇమిటేట్ చేసేవాళ్లు కూడా ఉన్నారు.
Jasprit Bumrah, Lady Bumrah, Team India: టీమిండియా పేసుగుర్రం జస్ప్రీత్ బుమ్రాను ఎంతో మంది యంగ్స్టర్స్ స్ఫూర్తిగా తీసుకుంటారు. అతడిలా దేశానికి ఆడాలని, అంత సక్సెస్ అవ్వాలని కోరుకుంటారు. అతడి బౌలింగ్ యాక్షన్ను ఇమిటేట్ చేసేవాళ్లు కూడా ఉన్నారు.
Nidhan
ప్రస్తుత క్రికెట్లో టాప్ బౌలర్ ఎవరంటే అందరూ ఠక్కున చెప్పే పేరు.. జస్ప్రీత్ బుమ్రా. ఫార్మాట్తో సంబంధం లేకుండా ఆడిన ప్రతి చోట, ప్రతి మ్యాచ్లో దుమ్మురేపడం బుమ్రాకు అలవాటుగా మారింది. అతడి బౌలింగ్ను ఎదుర్కోవాలంటేనే ప్రత్యర్థి బ్యాటర్లు వణుకుతున్నారు. పరుగులు తీయడం పక్కనబెడితే.. వికెట్లు కాపాడుకున్నా గొప్పే అన్నట్లుగా ఉంది సిచ్యువేషన్. బుమ్రాను స్ఫూర్తిగా తీసుకొని బౌలింగ్ మొదలుపెడుతున్న వారూ ఉన్నారు. ఈ జనరేషన్లో ఎంతో మంది యంగ్స్టర్స్ టీమిండియా స్పీడ్స్టర్ను చూసి ఇన్స్పైర్ అవుతున్నారు. అతడిలా దేశానికి ఆడాలని, ఆ రేంజ్లో సక్సెస్ అవ్వాలని కోరుకుంటున్నారు. కొందరైతే బుమ్రా బౌలింగ్ యాక్షన్ను దింపేస్తున్నారు. ఈ అమ్మాయి కూడా ఇదే కోవలోకి వస్తుంది.
బెంగళూరుకు చెందిన ఓ స్కూల్ గర్ల్ అచ్చం బుమ్రా మాదిరిగా బౌలింగ్ చేస్తూ ఫేమస్ అయిపోయింది. స్కూల్ డ్రెస్లోనే గ్రౌండ్కు వచ్చిన ఆ అమ్మాయి.. చేతికి బాల్ అందుకొని రనప్ మొదలుపెట్టింది. బుమ్రా మాదిరిగా పరిగెత్తుకుంటూ వచ్చి అతడి స్టైల్లోనే బాల్ను రిలీజ్ చేసి బ్యాటర్ వైపు సంధించింది. పిచ్పై పడిన బంతి అంతకంటే వేగంగా బ్యాటర్ వైపు దూసుకెళ్లింది. బాల్ చేతిలో పట్టుకున్న తీరు దగ్గర నుంచి రనప్, ఫుట్ ల్యాండింగ్, హెడ్ పొజిషన్ అన్నీ టీమిండియా స్పీడ్స్టర్ను పోలి ఉన్నాయి. ఆమె జంప్ చేసిన తీరు కూడా అదే. సోషల్ మీడియాలో ఈ వీడియో తెగ వైరల్ అవుతోంది. దీన్ని చూసిన నెటిజన్స్.. ఆమె బుమ్రా సోదరిలా ఉందని అంటున్నారు. లేడీ బుమ్రా బౌలింగ్ సూపర్బ్గా ఉందని.. అదిరిపోయిందని మెచ్చుకుంటున్నారు.
అచ్చం బుమ్రా మాదిరే బౌలింగ్ చేస్తున్న ఈ అమ్మాయి.. ఫ్యూచర్లో టీమిండియాకు ఆడి అతడిలాగే నంబర్ వన్ బౌలర్గా ఎదగాలని నెటిజన్స్ కోరుకుంటున్నారు. ఆమె పట్టుదల చూస్తుంటే ఆ స్థాయికి చేరుకుంటుందనే నమ్మకం ఉందని అంటున్నారు. ఆమెను సెలెక్ట్ చేసి సరైన ట్రైనింగ్, గైడెన్స్ ఇస్తే వరల్డ్ నంబర్ వన్ బౌలర్గా మారుతుందని చెబుతున్నారు. ఇలాంటి వారిని వెలుగులోకి తీసుకురావాలని.. తన టాలెంట్ను భారత క్రికెట్ బోర్డు గుర్తించి ప్రోత్సహిస్తే బాగుంటుందని సూచిస్తున్నారు. ఇక, ఆ లేడీ బుమ్రా పేరు మైరా జైన్ అని తెలుస్తోంది. ఆమె బౌలింగ్ వేసిన వీడియోతో పాటు బ్యాటింగ్ వీడియో కూడా నెట్టింట వైరల్ అవుతోంది. ఇందులో నిల్చున్న చోటు నుంచే అలవోకగా భారీ షాట్స్ కొడుతూ కనిపించింది మైరా. మరి.. ఈ లేడీ బుమ్రా.. రియల్ బుమ్రా రేంజ్లో సక్సెస్ అవుతుందా? మీ ఒపీనియన్ను కామెంట్ల రూపంలో తెలియజేయండి.
View this post on Instagram
