‘12th ఫెయిల్’ సినిమాతో బ్లాక్బస్టర్ హిట్ కొట్టారు డైరెక్టర్ విధు వినోద్ చోప్రా. అలాంటి ఆయన కొడుకు వరల్డ్ రికార్డు క్రియేట్ చేశాడు. ఏంటా రికార్డు? అనేది ఇప్పుడు తెలుసుకుందాం..
‘12th ఫెయిల్’ సినిమాతో బ్లాక్బస్టర్ హిట్ కొట్టారు డైరెక్టర్ విధు వినోద్ చోప్రా. అలాంటి ఆయన కొడుకు వరల్డ్ రికార్డు క్రియేట్ చేశాడు. ఏంటా రికార్డు? అనేది ఇప్పుడు తెలుసుకుందాం..
ఫిల్మ్ ఇండస్ట్రీలో ప్రతి ఏడాది కొన్ని వందల సినిమాలు వస్తుంటాయి. కానీ అందులో కొన్ని మాత్రమే హిట్టవుతాయి. అందులోనూ ఒకట్రెండు మూవీసే ప్రేక్షకులకు ఎప్పటికీ గుర్తుండిపోతాయి. అలాంటి ఒక చిత్రమే ‘12th ఫెయిల్’. ప్రముఖ దర్శకుడు విధు వినోద్ చోప్రా తెరకెక్కించిన ఈ సినిమా ఓ బయోపిక్. ఐపీఎస్ ఆఫీసర్ మనోజ్ కుమార్ శర్మ లైఫ్ స్టోరీ ఆధారంగా తీసిన ‘12th ఫెయిల్’ గతేడాది అక్టోబర్లో విడుదలై బ్లాక్బస్టర్గా నిలిచింది. ఓటీటీల్లోకి వచ్చాక పలు భాషల్లో డబ్బింగ్ రూపంలోనూ చాలా మంది ఆడియెన్స్కు దగ్గరైంది. ఇంటర్లో ఫెయిలైనా సివిల్స్ వైపు ఓ యువకుడి పయనం ఎలా సాగిందనే కథతో తెరకెక్కిన ఈ సినిమా చాలా మందిని కదిలించింది. విద్యావ్యవస్థలో ఉన్న లోపాలను ఎత్తిచూపుతూ, తీసుకురావాల్సిన మార్పుల గురించి ధైర్యంగా ఇందులో డిస్కస్ చేశారు. ఈ ఫిల్మ్తో టాక్ ఆఫ్ ది టౌన్గా మారారు డైరెక్టర్ విధు వినోద్ చోప్రా. సూపర్ సినిమా తీశారని పేరు తెచ్చుకున్నారు. అలాంటి ఆయన కొడుకు అగ్ని చోప్రా క్రికెట్లో చరిత్ర సృష్టించాడు.
‘12th ఫెయిల్’ డైరెక్టర్ విధు వినోద్ చోప్రా కొడుకు అగ్ని చోప్రా క్రికెట్లో ఎవరికీ సాధ్యం కాని ఓ రేర్ ఫీట్ను అందుకున్నాడు. రంజీ ట్రోఫీ-2024లో మిజోరాం తరఫున ఆడుతున్న అగ్ని చోప్రా అరుదైన ఘనత సాధించాడు. ఫస్ట్క్లాస్ క్రికెట్లో తన తొలి నాలుగు మ్యాచుల్లో 4 సెంచరీలు చేసిన మొదటి క్రికెటర్గా వరల్డ్ రికార్డు క్రియేట్ చేశాడు. రంజీ ట్రోఫీలో భాగంగా మేఘాలయతో జరిగిన మ్యాచ్లో రెండు ఇన్నింగ్స్ల్లోనూ శతకాలు బాదిన చోప్రా.. ఈ అరుదైన ఘనతను తన పేరు మీద రాసుకున్నాడు. ఈ ఏడాది రంజీల్లోకి ఎంట్రీ ఇచ్చిన చోప్రా.. సిక్కింతో ఆడిన తొలి మ్యాచ్లోనే సెంచరీతో మెరిశాడు. ఫస్ట్ ఇన్నింగ్స్లో 166 పరుగులు చేసిన ‘12th ఫెయిల్’ డైరెక్టర్ కొడుకు.. రెండో ఇన్నింగ్స్లో 92 పరుగులు సాధించాడు. ఆ తర్వాత నాగాలాండ్, అరుణాచల్ ప్రదేశ్తో జరిగిన మ్యాచుల్లోనూ సెంచరీలతో కదం తొక్కాడు.
ఓవరాల్గా ఈ రంజీ సీజన్లో తాను ఆడిన నాలుగు మ్యాచుల్లోనూ సెంచరీలతో మెరిశాడు అగ్ని చోప్రా. నాలుగు మ్యాచుల్లోనే అగ్ని ఐదు సెంచరీలు బాదడం గమనార్హం. తన కొడుకు సాధించిన ఈ అరుదైన ఘనతపై అగ్ని చోప్రా తల్లి, ప్రముఖ ఫిల్మ్ క్రిటిక్ అనుపమా చోప్రా హర్షం వ్యక్తం చేశారు. తల్లిగా తాను ఎంతో గర్విస్తున్నానని ఆమె ట్విట్టర్లో ఓ పోస్ట్ పెట్టారు. ఇక, రంజీ ట్రోఫీలో వరుస సెంచరీలతో అగ్ని చోప్రా పేరు మార్మోగుతోంది. ఇదే జోరును అతడు ఈ సీజన్ మొత్తం కంటిన్యూ చేస్తే త్వరలో టీమిండియాకు ఆడినా ఆశ్చర్యపోనక్కర్లేదని ఎక్స్పర్ట్స్ అంటున్నారు. అయితే రంజీల్లో పెద్ద జట్ల మీద కూడా అతడు ఇదే విధంగా పెర్ఫార్మ్ చేయాలని చెబుతున్నారు. బిగ్ టీమ్స్పై బిగ్ నాక్స్ ఆడితే అతడికి తిరుగుండదని కామెంట్స్ చేస్తున్నారు. మరి.. ‘12th ఫెయిల్’ డైరెక్టర్ కొడుకు భారత్కు ఆడితే చూడాలని మీరు కోరుకుంటున్నట్లయితే కామెంట్ చేయండి.
Agni Chopra!🔥💯 pic.twitter.com/5ZBNuQjB52
— RVCJ Media (@RVCJ_FB) January 31, 2024
#proudmom https://t.co/Rde3Oc1LQ7
— Anupama Chopra (@anupamachopra) January 31, 2024
