Weekend OTT Releases: ఈ వీకెండ్ ఓటీటీల్లోకి బోలేడు సినిమాలు, వెబ్ సిరీస్‌లు స్ట్రీమింగ్‌కు వచ్చేశాయి. మరి వీటిల్లో ఏవి చూడాలి అంటే..
Weekend OTT Releases: ఈ వీకెండ్ ఓటీటీల్లోకి బోలేడు సినిమాలు, వెబ్ సిరీస్‌లు స్ట్రీమింగ్‌కు వచ్చేశాయి. మరి వీటిల్లో ఏవి చూడాలి అంటే..
వీకెండ్ వస్తుందంటే చాలు.. ఒకప్పుడు ఆ వారం విడుదల కాబోయే సినిమాల కోసం ఎదురు చేసేవారు. కానీ ఓటీటీలకు క్రేజ్‌ పెరిగిన తర్వాత.. ఆ పంథా మారింది. ఇప్పుడు ప్రేక్షకులు థియేటర్‌కు వెళ్లకుండా.. ఓటీటీల్లో విడుదలయ్యే సినిమాలు, వెబ్ సిరీస్‌ల కోసం ఎదురు చూస్తుంటారు. అలానే మరో వీకెండ్ వచ్చింది. ఈవారం ప్రేక్షకులను అలరించడానికి చాలా కొత్త సినిమాలు, వెబ్ సిరీస్‌లు అందుబాటులో ఉన్నాయి. అయితే ఈ వారం చాలా చిత్రాలు ఉండటంతో.. వీటిల్లో ఏం చూడాలనే కన్ఫ్యూజన్‌లో ఉన్నారు ప్రేక్షకులు. మరి ఏ ఓటీటీల్లో ఏ సినిమా, వెబ్ సిరీస్ ఉందో తెలుసుకోండి. వీకెండ్ పక్కాగా ప్లాన్ చేసుకొని వాటిని చూసేయండి. ఆ లిస్ట్‌ మీ కోసం..
బాలీవుడ్‌లో ఈ ఏడాది భారీ బడ్జెట్‌తో తెరకెక్కి.. తీవ్రంగా నిరాశ పర్చిన చిత్రం.. అక్షయ్‌ కుమార్‌, టైగర్‌ ష్రాఫ్‌ నటించిన బడే మియా చోటే మియా. ఈ సినిమా గురువారం (జూన్ 6) నుంచే నెట్‌ఫ్లిక్స్‌లో స్ట్రీమింగ్‌ అవుతుంది. యాక్షన్‌ సినిమాలంటే ఆసక్తి ఉన్న వారు.. దీన్ని చూడవచ్చు.
ప్రముఖ బాలీవుడ్ నటుడు విక్రాంత్ మస్సీ నటించిన మూవీ బ్లాకౌట్. ఈ మధ్యే 12 ఫెయిల్ సినిమా ద్వారా భారీ విజయాన్ని అందుకున్న విక్రాంత్.. ఈసారి థియేటర్లలో కాకుండా నేరుగా ఓటీటీలో స్ట్రీమింగ్‌కు వచ్చేస్తున్నాడు. ఈ మూవీ శుక్రవారం అనగా జూన్ 7, నేటి నుంచి జియో సినిమాలో స్ట్రీమింగ్‌కి రెడీ అయ్యింది.
సూపర్ హిట్ కామెడీ వెబ్ సిరీస్ గుల్లక్ సీజన్ 4 ఓటీటీలో స్ట్రీమింగ్‌కు వచ్చేసింది. 4వ సీజన్ గురువారం అనగా జూన్ 6 నుంచి సోనీలివ్ ఓటీటీలోకి అందుబాటులోకి వచ్చింది. మిశ్రా మిడిల్ క్లాస్ ఫ్యామిలీ ఈ కొత్త సీజన్‌లో అందించబోయే వినోదాన్ని చూసి సరదాగా నవ్వుకొండి.
ఈ ఏడాది వచ్చిన మరో సూపర్ హిట్ మలయాళం మూవీ వర్షంగల్కు శేషమ్. చిత్ర పరిశ్రమలో రాణించాలని కలలు కనే ఇద్దరు స్నేహితుల చుట్టూ తిరిగే కథే ఈ చిత్రం. ఈ ఏడాది విడుదలై.. రూ.100 కోట్లకుపైగా వసూలు చేసిన ఈ మలయాళ సినిమా శుక్రవారం అనగా జూన్ 7 నుంచి డిస్నీ ప్లస్ హాట్‌స్టార్‌లో స్ట్రీమింగ్‌కు రెడీ అవుతోంది.
ది లెజెండ్ ఆఫ్ హనుమాన్ సీజన్ 4 కూడా ఈ వారమే హాట్‌స్టార్‌లోకి వస్తోంది. ఈ యానిమేటెడ్ సిరీస్ కొత్త సీజన్‌లో ఆంజనేయుడు.. కుంభకర్ణుడితో చేయబోయే పోరాటం చూడవచ్చు. చిన్నారులకు ఈ సినిమా కచ్చితంగా నచ్చుతుంది అంటున్నారు.
ఏడాదిన్నర కిందట తమిళంలో రిలీజైన ఈ హారర్ థ్రిల్లర్ మూవీ గత నెలలో తెలుగులోనూ రిలీజైంది. అయితే బాక్సాఫీస్ దగ్గర పెద్దగా సక్సెస్ కాని మిరల్ సినిమా శుక్రవారం అనగా నేటి నుంచి ఆహా ఓటీటీలో విడుదల కానుంది.
హన్సిక నటించిన సింగిల్ క్యారెక్టర్ థ్రిల్లర్ మూవీ 105 మినిట్స్. ఈ సినిమా కూడా నేటి నుంచే అనగా శుక్రవారం నుంచి ఆహా ఓటీటీలోకి రాబోతోంది.
మలయాళ స్టార్ హీరో టొవినో థామస్ నటించిన చిత్రం కల్కి. ఈ సినిమా గురువారం (జూన్ 6) నుంచే ఈటీవీ విన్ ఓటీటీలో స్ట్రీమింగ్‌కు వచ్చేసింది.
అజయ్ దేవగన్, ప్రియమణి ప్రధాన పాత్రల్లో నటించిన స్పోర్ట్స్‌ డ్రామా మైదాన్ మూవీ ప్రైమ్ వీడియోలో అందుబాటులో ఉంది. ఈ సినిమాను ఇన్నాళ్లూ రెంటల్ విధానంలో తీసుకొచ్చిన ప్రైమ్ వీడియో.. ఇప్పుడు ఉచితంగా చూసేందుకు అవకాశం కల్పిస్తోంది.
