OTT Movie: OTT లోకి రాబోతున్న ప్రేమలు హీరోయిన్ మరొక సినిమా.. స్ట్రీమింగ్ ఎక్కడంటే !

తెలుగు సినిమాలు ప్రేక్షకులను అలరిస్తాయి అన్న మాట ఎంత వాస్తవమో.. మలయాళీ సినిమాలు తెలుగు ప్రేక్షకుల మదిని దోచేస్తున్నాయి అన్న మాట కూడా అంతే వాస్తవం. ఈ మధ్య కాలంలో అయితే మరీ ఎక్కువగా అందరు మలయాళీ సినిమాలను చూస్తున్నారు. నిన్న మొన్నటివరకు థియేటర్స్ లో కూడా మలయాళీ సినిమాలు.. ప్రేక్షకులను అలరించాయి. ఈ క్రమంలో ఆయా సినిమాలలో క్రేజ్ సంపాదించుకున్న హీరో, హీరోయిన్లు కు సంబంధించిన సినిమాలు ఇంకా ఎమన్నా ఉన్నాయేమో అని.. తెగ సెర్చ్ చేసేస్తున్నారు మూవీ లవర్స్. ఈ క్రమంలో తాజాగా ఇప్పుడు.. ప్రేమలు ఫేమ్ మమిత బైజు నటించిన సినిమా ఒకటి త్వరలోనే ఓటీటీ లోకి రానుందట. మరి ఈ సినిమా ఏంటి ఏ ప్లాట్ ఫార్మ్ లో స్ట్రీమింగ్ అవుతోంది అనే విషయాలను చూసేద్దాం.

ఈ సినిమా పేరు “ప్రణయ విలాసం”. గత ఏడాది థియేటర్స్ లో రిలీజ్ అయినా ఈ సినిమా ఇప్పుడు ఓటీటీ లోకి రానుంది. చాలా తక్కువ బడ్జెట్ తో రూపొందించిన ఈ సినిమా.. థియేటర్స్ లో విడుదలైన పది రోజుల్లోనే.. రూ.2.05 కోట్లు వసూలు చేసింది. ఈ సినిమాలో మమిత బైజుతో పాటు.. అర్జున్ అశోక్ హీరోగా నటించాడు. ఇక ఈ సినిమాను త్వరలో ఓటీటీలోకి రానున్నట్లు స్వయంగా ఈ సినిమా డిజిటల్ స్ట్రీమింగ్ పార్టనర్ ఈటీవీ విన్ ప్రకటించింది. “మీ డైరెక్ట్ మెసేజ్‌లు, ప్రశ్నలకు ఇదే మా సమాధానం. తొలి ప్రేమనే ప్రతి ఒక్కరి మనసుల్లో చిరకాలం నిలిచిపోయే ప్రేమగా చెబుతారు. ప్రణయ విలాసం మే 2 నుంచి ఈటీవీ విన్ లో స్ట్రీమింగ్ అవుతుంది” అంటూ.. ఈ సినిమా ఓటీటీ ఎంట్రీ డేట్ ను ప్రకటించింది ఈటీవీ విన్.

ఇక ప్రణయ విలాసం సినిమా కథ విషయానికొస్తే, తొలి ప్రేమే నిజమైన ప్రేమ అని.. ఆ ప్రేమ కలకాలం నిలిచిపోతుంది అనే కథాంశంతో ఈ సినిమాను రూపొందించారు మేకర్స్. ఈ సినిమాలో కేవలం హీరో హీరోయిన్స్ మధ్య సాగే ప్రేమ మాత్రమే కాకుండా.. తల్లి దండ్రుల ప్రేమ కూడా ఈ సినిమాలో ఎంతో అద్భుతంగా చూపించారు. మరి వీరి ప్రేమ ఎలా మొదలైంది.. ఎలా సాగింది అనేది చూడాలంటే ఈ సినిమాను చూడాల్సిందే. మమిత బైజుకు ప్రేమలు తర్వాత ఎలాంటి క్రేజ్ పెరుగుతుందో చూస్తూనే ఉన్నాము. మరి ఈ సినిమాలో మమిత ఎలాంటి పాత్రతో ముందుకు వచ్చిందో చూసేయండి. మరి ఈ సినిమాపై మీ అభిప్రాయాలను కామెంట్స్ రూపంలో తెలియజేయండి.