OTT లోకి 50 కోట్లు కొల్లగొట్టిన యాక్షన్ థ్రిల్లర్ .. స్ట్రీమింగ్ ఎప్పుడంటే !

ఇప్పుడు దాదాపు అన్ని భాషల చిత్రాలను ప్రేక్షకులు ఆదరిస్తూనే ఉన్నారు కాబట్టి.. తెలుగు తమిళం అనే తేడా లేకుండా ఓటీటీ లో వచ్చిన సినిమాలను వచ్చినట్లు చూసేస్తున్నారు ప్రేక్షకులు. ఇక ఇప్పుడు చెప్పుకోబోయేది కూడా ఓ తమిళ సినిమా గురించే. తమిళంలో పాపులర్ కమెడియన్స్ అయినా.. సూరి, శశికుమార్, ఉన్న ముకుందన్ లాంటి నటి నటులంతా కలిసి నటించిన సినిమా “గరుడన్”. ఈ సినిమాను యంగ్ డైరెక్టర్ ఆర్ఎస్ సెంథిల్ కుమార్ డైరెక్ట్ చేశారు. మే 31 న థియేటర్ లో రిలీజ్ అయినా ఈ సినిమా ఓటీటీ గురించి ప్రస్తుతం బజ్ బాగా నడుస్తుంది. మరి ఈ సినిమా ఎప్పుడు ఎక్కడ స్ట్రీమింగ్ కాబోతుందనే విషయాలను చూసేద్దాం.

గరుడన్ అనే ఈ సినిమాను.. సుమారు 20 కోట్ల రూపాయల బడ్జెట్ తో రూపొందించగా.. 30 కోట్ల గ్రాస్ ను రాబట్టాలనే టార్గెట్ తో ఈ సినిమా మే 31 న థియేటర్స్ లో అడుగుపెట్టగా.. ఊహించని కలెక్షన్స్ ను రాబట్టింది. సినిమా విడుదలైన మొదటి షో నుంచే.. పాజిటివ్ టాక్ తో దూసుకుపోయింది ఈ మూవీ. ఈ సినిమా థియేట్రికల్ రన్ పూర్తయ్యేసరికి.. 45 కోట్ల గ్రాస్, 40 కోట్ల రూపాయల షేర్ వసూళ్లను రాబట్టింది. అటు ఓవర్సీస్ లో కూడా.. ఈ సినిమా రికార్డు వసూళ్లను క్రియేట్ చేసింది. మొత్తంగా చూసినట్లయితే ఈ సినిమా సుమారుగా 55 కోట్ల రూపాయలను వసూళ్లు చేసింది. ఇక ఇప్పుడు ఈ సినిమా ఓటీటీ స్ట్రీమింగ్ విషయంలో బాగా బజ్ నడుస్తుంది. థియేటర్ లో ఈ సినిమాను మిస్ అయినా ప్రేక్షకులు.. ఈ సినిమా ఎప్పుడెప్పుడు ఓటీటీ లోకి వస్తుందా అని ఎదురుచూస్తున్నారు.

ఇక సాధారణంగా ఏ సినిమా అయినా కూడా .. థియేటర్ లో విడుదలైన నెల రోజుల తర్వాత ఓటీటీ లోకి రావాలి. కానీ, ఇప్పుడు దాదాపు నెల రోజులు కూడా గడవకముందే ఓటీటీ లో స్ట్రీమింగ్ అవుతున్నాయి. ఇక ఈ సినిమా కూడా సడెన్ గా ఓటీటీ లోకి వచ్చే అవకాశాలు లేకపోలేదు. అయితే చిత్ర బృందం మాత్రం.. జూలై 12 వ తేదీన ఓటీటీ లో రిలీజ్ చేయడానికి ప్లాన్ చేస్తున్నారట. అయితే ఈ సినిమా ఓటీటీ ప్లాట్ ఫార్మ్ మాత్రం ఇంకా కన్ఫర్మ్ కాలేదు. గరుడన్ సినిమా ఓటీటీ రైట్స్ ను దక్కించుకునేందుకు.. నెట్ ఫ్లిక్స్, అమెజాన్ ప్రైమ్ వీడియో, హాట్ స్టార్ సంస్థలు పోటీ పడుతున్నట్లుగా సమాచారం. మరి ఈ సినిమా ఏ ప్లాట్ ఫార్మ్ లో స్ట్రీమింగ్ కు వస్తుంది అనే దానిపై ఇంకా క్లారిటీ రావాల్సి ఉంది. మరి గరుడన్ సినిమా ఓటీటీ అప్ డేట్ పై మీ అభిప్రాయాలను కామెంట్స్ రూపంలో తెలియజేయండి.