Bypoll First Round Result – బద్వేల్‌లో వైసీపీ, హుజురాబాద్‌లో బీజేపీ

రెండు తెలుగు రాష్ట్రాలలో జరిగిన ఉప ఎన్నికల కౌంటింగ్‌ జరుగుతోంది. ఏపీలోని బద్వేల్‌ ఉప ఎన్నికలో అందరూ ఊహించినట్లుగానే ఫలితం వస్తోంది. మొదటి మూడు రౌండ్ల ఫలితాలు వెల్లడయ్యాయి. తొలి రౌండ్‌ నుంచి అధికార వైసీపీ భారీ ఆధిక్యం సాధిస్తోంది. మూడు రౌండ్లు ముగిసే సరికి వైసీపీకి 23,754 ఓట్లు వచ్చాయి. జనసేన మద్ధతుతో పోటీ చేసిన బీజేపీకి 1,688 ఓట్లు, కాంగ్రెస్‌ పార్టీకి 580 ఓట్లు వచ్చాయి.

తెలంగాణలోని హుజురాబాద్‌ ఉప ఎన్నికల్లో టీఆర్‌ఎస్, బీజేపీ మధ్య హోరాహోరీ పోరు సాగుతోంది. పోస్టల్‌ బ్యాలెట్‌లో టీఆర్‌ఎస్‌ 344 ఓట్ల ఆధిక్యం సాధించగా.. ఈవీఎం ఓట్లలో బీజేపీ ఆధిక్యం సాధించింది. తొలి రౌండ్‌లో బీజేపీకి 166 ఓట్ల ఆధిక్యం లభించింది. తొలి రౌండ్‌లో బీజేపీకి 4,610, టీఆర్‌ఎస్‌కు 4,444, కాంగ్రెస్‌కు 119 ఓట్లు వచ్చాయి. హుజురాబాద్‌లో మొత్తం 22 రౌండ్లలో కౌంటింగ్‌ జరుగుతోంది.

Also Read : Postal Ballot Result – అధికార పార్టీలకే అధికారుల ఓట్లు