Idream media
Idream media
బుల్లితెర‌పై బిగ్గెస్ట్ షో గా పేరొందిన బిగ్ బాస్ సీజన్ – 5 ముగిసింది. సెప్టెంబర్ 6వ తేదీన గ్రాండ్‌గా లాంఛ్ అయిన ఈ షో.. తెలుగు ప్రేక్షకుల్ని విశేషంగా అలరించింది. మొత్తం 19 మంది కంటెస్టెంట్స్ ఈ షోలో పాల్గొన్నారు. ఎన్నో టాస్కులతో, మరెన్నో ఉద్వేగ భరితమైన ఘట్టాలతో, డ్యాన్సులతో, అల్లరితో దాదాపు 104 రోజుల పాటు షో ను ర‌క్తి క‌ట్టించారు. గ్రాండ్ ఫినాలేకి సినీ తారల తళుకుబెళుకుల్ని కూడా యాడ్ చేసి.. అద్భుతమైన ముగింపు పలికారు. వారి ఆటపాటలతో బిగ్ బాస్ 5 షో కలర్ ఫుల్ గా ప్రేక్షకుల్ని ఆకట్టుకుంది. ఉర్రూతలూగిస్తూ ఉత్కంఠ రేపిన షో విజేతగా ఖమ్మం జిల్లాకు చెందిన బుల్లి తెర నటుడు, వీజే సన్నీ నిలిచాడు. యూట్యూబర్ షణ్ముఖ్ జశ్వంత్ రన్నరప్ గా నిలిచాడు. టాప్-5 వరకు సిరి, మానస్, శ్రీరామచంద్ర ఉన్నారు.
మొదటి నుంచీ గ్రాండ్ ఫినాలే ఆస‌క్తిని రేకెత్తించింది. చివ‌రి ఎపిసోడ్ లోకి సూపర్ సాంగ్స్ కు అదిరిపోయే స్టెప్పుల‌తో ఎంట్రీ ఇచ్చిన కింగ్ నాగార్జున షో హైపును పెంచారు. చిన్నదో వైపు.. పెద్దదో వైపు పాటకు జెస్సీ, ప్రియాంక సింగ్ , శ్వేతా వర్మ స్టెప్పులేశారు. దిగు దిగు నాగా అంటూ డాన్స్ తో బిగ్ బాస్ స్టేజ్ పైకి ఎంట్రీ ఇచ్చారు ఉమా దేవి. సింపుల్ సెటెప్స్ తో ఆకట్టుకున్నారు. వీరితో మ‌రికొంద‌రు న‌టులు లేటెస్ట్ మూవీ సాంగ్స్ తో నృత్యాలు చేసి అల‌రించారు. నటరాజ్ మాస్టర్, ఆనీ మాస్టర్ ఆర్ఆర్ఆర్ నాటు నాటు పాటకు స్టెప్పులు ఇర‌గ‌దీశారు. అనంత‌రం నాగార్జున షో మొద‌లుపెట్టారు. ఎక్కువమంది సన్నీ, శ్రీరామ్ లో ఒకరు విన్ అవ్వాలని కోరుకుంటున్న‌ట్లు బిగ్ బాస్ స్టేజి పైకి వచ్చిన మాజీ హౌస్మేట్స్ చెప్ప‌డం ద్వారానే ఇద్ద‌రిలో ఒకరు విన్ అయ్యే అవ‌కాశాలు ఉన్నాయ‌ని చాలా మంది గెస్ చేశారు.
అనంత‌రం టాప్ 5 కంటెస్టెంట్స్ కు చివరిగా ఒక టాస్క్ ఇచ్చాడు నాగార్జున.. అందరికి హార్ట్ సింబల్స్ ఇచ్చి.. హౌస్ లో ఇష్టమైన ప్లేస్ లో పెట్టమన్నాడు నాగ్. ముందుగా శ్రీరామ్.. లివింగ్ రూమ్ దగ్గర పెట్టాడు. అలాగే సన్నీ స్విమింగ్ పూల్ దగ్గర అని చెప్పాడు. మానస్ గార్డెన్ ఏరియా అన్నాడు.. షణ్ముఖ్ మొజ్ రూమ్ లో పెట్టాడు. ఇక సిరి సోఫాలో హార్ట్ సింబల్ పెట్టింది. ఈలోగా దర్శక ధీరుడు రాజమౌళి, రణ్ బీర్ కపూర్- ఆలియా ఫినాలేకు ఎంట్రీ ఇచ్చి ప్ర‌త్యేక ఆక‌ర్ష‌ణ‌గా నిలిచారు. రాజమౌళి, ఆలియా, రణ్ బీర్ ను చూసిన ఆనందంలో కంటెస్టెంట్స్ కేరింతలు కొట్టారు. ఆలియా ఐ లవ్ యు చెప్ప‌డంతో సన్నీ ఉబ్బిత‌బ్బిబ్బ‌య్యాడు. అందమైన పాటపాడి ఆలియాను, రణ్ బీర్ కపూర్ లని ఇంప్రస్ చేశాడు శ్రీరామ్ చంద్ర.. శ్రీరామ్ పాటకు రాజమౌళి కూడా ఫిదా అయ్యారు. బిగ్ బాస్ వేదిక పై ఆర్ఆర్ఆర్ ట్రైలర్ అదిరిపోయిందన్నారు నాగార్జున. రాజమౌళి ప్రెజెంట్ చేస్తున్న బ్రహ్మాస్త్ర సినిమాలో నేను కూడా నటిస్తున్నా అని లీక్ చేశారు నాగార్జున. అనంత‌రం బిగ్‌బాస్‌ గ్రాండ్ ఫినాలే కొనసాగుతుండ‌గా, హీరోలు జగపతిబాబు, నవీన్‌ చంద్ర కూడా అతిథులుగా ఎంట్రీ ఇచ్చారు.
అనంత‌రం బిగ్‌బాస్‌ హౌస్‌లోకి పుష్ప టీమ్ కూడా ఎంట్రీ ఇచ్చింది. దర్శకుడు సుకుమార్‌, నటి రశ్మిక మందన, సంగీత దర్శకుడు దేవిశ్రీ ప్రసాద్‌ బిగ్‌బాస్‌ గ్రాండ్ ఫినాలేలో సందడి చేశారు. ఎలిమినేటెడ్‌ అయిన కంటెస్టెంట్‌ను హౌస్ నుంచి తీసుకొచ్చేందుకు సిద్ధంగా ఉండ‌గా, సిరి హనుమంత్‌ ఎలిమినేట్ అయిన‌ట్లుగా నాగార్జున ప్రకటించారు. రశ్మిక మందన, దేవిశ్రీ ప్రసాద్‌లు ఆమెను హౌస్ నుంచి బిగ్‌బాస్‌ స్టేజీపైకి తీసుకువచ్చారు. కొన్ని సాంస్కృతిక కార్య‌క్ర‌మాల అనంత‌రం శ్యాం సింగరాయ్ టీమ్ .. నాని, సాయి పల్లవి, కృతిశెట్టి కూడా స్టేజ్ పైకి వ‌చ్చారు. మిగిలిన నలుగురిలో మానస్ ఎలిమినేట్ అయ్యి బయటకు వచ్చేశాడు. అనంత‌రం హీరోయిన్ శ్రీయ డ్యాన్స్ ఆకట్టుకుంది. అనంత‌రం అక్కినేని నాగచైతన్య కూడా స్టేజ్ పై ప్ర‌త్య‌క్షం అయ్యారు. గోల్డెన్ బాక్స్ తో హౌస్ లోకి ఎంట్రీ ఇచ్చిన నాగచైతన్య.. హౌస్ లో ఉన్న వారిని టెంప్ట్ చేశాడు. శ్రీరామ్ చంద్ర ఎలిమినేట్ కావ‌డంతో అత‌డిని తీసుకొని స్టేజ్ పైకి వచ్చేశాడు.
సాధారణంగా బిగ్‌బాస్‌ విన్నర్‌ను స్టేజ్‌పై ప్రకటిస్తారు. కానీ తొలిసారి హౌస్‌లో ప్రకటించమని చెప్పి తేల్చేయనున్నాడు. ఫరియా అబ్దుల్లాను హౌస్‌లోకి పంపించాడు నాగార్జున. సన్నీ, షణ్ముఖ్‌ల్లో విజేత ఎవరనేది అటు ప్రేక్షకులతో పాటు ఇటు ఇద్దిరిలో ఉన్న నేపథ్యంలో హౌస్‌మేట్స్‌ను చిల్‌ చేయడానికి నాగార్జున ఫరియా అబ్దుల్లాను పంపించారు. హౌస్‌లోకి ఎంట్రీ ఇచ్చిన ఫరియా సన్నీ, షణ్ముఖ్‌లతో డ్యాన్స్ చేయిస్తూ వారి టెన్షన్‌ను పోగోట్టే ప్రయత్నం చేసింది. రెండు బాక్సుల్లో ఇద్దరిని చేతులు పెట్టమని చెప్పిన నాగ్.. గెలిచిన వారి చేతికి గ్రీన్‌ కలర్ అంటుకుంటుందని చెప్పి క్యూరియాసిటీని పెంచేశారు. కానీ చేతులకు బ్లూ కలర్ ఉండడంతో అంతా షాక్‌కి గురయ్యారు.
ఈ ట్విస్ట్‌ తర్వాత విన్న‌ర్ ను ఫరియా అబ్దుల్లా ప్ర‌క‌టిస్తుంద‌ని అంద‌రూ భావించ‌గా అలా జ‌ర‌గ‌లేదు. కాసేప‌టికి నాగార్జున నేరుగా హౌస్‌లోకి ఎంట్రీ ఇచ్చారు. సన్నీ, షణ్ముఖ్‌లను నాగార్జున స్టేజ్‌పైకి తీసుకొచ్చారు. ఉత్కంఠ‌ను కొన‌సాగిస్తూ సన్నీ బిగ్‌బాస్‌ 5 సీజన్ విజేతగా ప్ర‌క‌టించ‌డంతో ఒక్క‌సారిగా ఈల‌లు, గోల‌ల‌తో స్టేజ్ హోరెత్తింది. విజేతగా గెలిచిన అనంత‌రం సన్నీ మాట్లాడుతూ భావోద్వేగానికి గురయ్యాడు. ‘నాకు సపోర్ట్ చేసిన ప్రతి ఒక్కరికీ ధన్యవాదాలు, నా గెలుపుకు నాగార్జున మోటివేషన్‌, నా హౌస్ మేట్స్‌, నాకు ఓటు వేసిన వారికి కృతజ్ఞతలు. అమ్మకి నా జీవితంలో మొదటి గిఫ్ట్‌ను అందించాను’ అని చెప్పుకొచ్చాడు. ఇక షణ్ముఖ్ గురించి మాట్లాడుతూ.. హౌస్‌లో అందరి కంటే కూలెస్ట్‌ పర్సన్‌, షణ్ముఖ్, సిరిల మధ్య ఉన్న స్నేహం ఎంతో అద్భుతమైందంటూ సన్నీ చెప్పుకొచ్చాడు.
‘బిగ్ బాస్’ సీజన్ 5లో విజేతగా నిలిచినందుకు.. వీజే సన్నీకి రూ.50 లక్షల క్యాష్‌తోపాటు.. షాద్ నగర్‌లోని సువర్ణ కుటీర్‌లో రూ.25 లక్షలు విలువ చేసే 300 చదరపు గజాల ప్లాట్‌ను గెలుచుకున్నాడు. దానితోపాటు టీవీఎస్ బైక్ లభిస్తుందని నాగార్జున ప్రకటించారు. అలాగే.. బిగ్ బాస్ రన్నరప్ షణ్ముఖ్ జస్వంత్‌కు కూడా సువర్ణ కుటీర్‌లో ప్లాట్ ఇచ్చేందుకు స్పాన్సర్లు ముందుకొచ్చారు. ‘బిగ్ బాస్’ సీజన్-4లో మూడో స్థానంలో నిలిచిన సోహెల్ డబ్బుతో ఇంటి నుంచి బయటకు రావడం, రెండో స్థానంలో ఉన్న అఖిల్ ఒట్టి చేతులతో తిరిగి వెళ్లడంతో అప్పట్లో విమర్శలు వచ్చాయి. ఈ నేపథ్యంలో హోస్ట్ నాగార్జున స్పాన్సర్ల ద్వారా షణ్ముఖ్ కు కూడా న్యాయం జరిగేలా చేశారు.
