ప్రస్తుతం అందరూ కుక్కర్ లోనే అన్నం వండుతున్నారు. కాబట్టి గంజి ఎవరు తయారు చెయ్యట్లేదు మరియు వాడట్లేదు. కానీ గతంలో అందరూ పొయ్యి మీద అన్నం వంగినప్పుడు గంజిని వార్చేవారు. ఆ గంజితో రకరకాల పానీయాలు తయారు చేసి తాగేవారు. గంజిలో అన్ని రకాల పోషకాలు, ఖనిజాలు, విటమిన్లు, ఎమినో ఆమ్లాలు, కార్బోహైడ్రాట్స్ ఉన్నాయి. కాబట్టి గంజిని రోజూ ఆహారంలో భాగం చేసుకోవాలి.
గంజి తయారీ విధానం:-
*గంజి కావాలంటే అన్నాన్ని కుక్కర్ లో కాకుండా విడిగా వండాలి. అన్నం ఉడికిన తర్వాత మిగిలిన నీరే గంజి. దీనికి కొద్దిగా ఉప్పు లేదా నిమ్మరసం కలుపుకొని తాగవచ్చు.
*అరకప్పు బియ్యానికి మూడు కప్పుల నీటిని కలిపి ఉడికించాలి అపుడు అది జావలా తయారవుతుంది దీనిలో కొద్దిగా ఉప్పు కలుపుకొని తాగవచ్చు.
*గంజిని ఏదైనా పచ్చడి లేదా ఉల్లిపాయతో కలిపి తాగవచ్చు.
గంజి వలన కలిగే లాభాలు:-
*మోషన్స్ అయినపుడు గంజిని తాగితే మనకు నీరసం తగ్గుతుంది.
*వాంతులు, జ్వరం తగ్గించడానికి గంజి ఉపయోగపడుతుంది.
*గంజి మన శరీర ఉష్ణోగ్రతను కంట్రోల్లో ఉంచుతుంది.
*కడుపులో మంటను గంజి తగ్గిస్తుంది.
*గంజిలో ఉండే కార్బోహైడ్రాట్స్ శరీరానికి తొందరగా శక్తిని అందిస్తాయి.
*గంజి జీర్ణ వ్యవస్థను మెరుగు పరిచి మలబద్దకాన్ని తగ్గిస్తుంది.
*గంజి డయేరియాను కూడా తగ్గిస్తుంది.
*గంజి ఆరోగ్యానికే కాదు అందానికి కూడా ఉపయోగపడుతుంది.
*గంజిని తలకు పట్టిస్తే అది జుట్టు రాలడాన్ని తగ్గించి పొడవుగా పెరిగేలా, పట్టులా మెరిసేలా చేస్తుంది.
*గంజి చర్మ వ్యాధులను తగ్గించి చర్మం మృదువుగా, యవ్వనంగా కనబడేలా చేస్తుంది.
*గంజి మన ముఖంపై ముడతలు తగ్గేలా చేస్తుంది.
*నీటిలో కొద్దిగా గంజి నీరు కలిపి స్నానం చేస్తే రోజూ ఉత్సాహంగా ఉంటారు.
*గంజి తాగడం వల్ల మన శరీరాన్ని, మనసును ప్రశాంతంగా ఉండేలా చేస్తుంది. అందుకే రోజు వారి ఆహారంలో గంజిని భాగంగా తీసుకుంటే అన్ని రకాలుగా మంచిది.
