వీడియో: అమ్మాయితో ఆటో డ్రైవర్ వెకిలి చేష్టలు! ఎవరూ లేని సమయం చూసి

దేశంలో మహిళలకు, బాలికలకు వేధింపులు తప్పడం లేదు. మహిళలను వేధిస్తే కఠిన చర్యలు తీసుకుంటామని ప్రభుత్వాలు, పోలీసులు హెచ్చరిస్తున్నప్పటికీ ఆకతాయిల్లో మార్పు రావడం లేదు. ఏదో ఓ ప్రాంతంలో మహిళలపై దారుణాలు జరుగుతూనే ఉన్నాయి. ప్రేమ పేరుతో మోసాలకు పాల్పడడం, ఆఖరికి ప్రాణాలు కూడా తీసేందుకు వెనకాడడం లేదు. ఇక పాఠశాలలకు వెళ్లే విద్యార్థుల పాలిట శాపంగా మారుతున్నారు స్కూల్ బస్ డ్రైవర్లు, ఆటో డ్రైవర్లు. అభంశుభం తెలియని పిల్లలపై అఘాయిత్యాలకు పాల్పడుతున్నారు. తాజాగా ఓ ఆటో డ్రైవర్ పదో తరగతి విద్యార్థినిపై వేధింపులకు పాల్పడ్డాడు. ఈ ఘటన మహారాష్ట్రలో చోటుచేసుకుంది. దీనికి సంబంధించిన వీడియో నెట్టింటా వైరల్ గా మారింది.

పిల్లలను బడికి పంపాలంటే ఆటోల్లోనే లేదా స్కూల్ బస్సుల్లోనో తల్లిదండ్రులు పంపిస్తుంటారు. అయితే ఎంతో నమ్మకంగా.. తమ పిల్లలాగా భావించాల్సిన డ్రైవర్లు మాత్రం తమ వక్ర బుద్దిని చాటుకుంటున్నారు. ఈ క్రమంలో ఓ ఆటో డ్రైవర్ పదో తరగతి విద్యార్థినిపై వేధింపులకు పాల్పడ్డాడు. ఈ ఘటన నాగ్ పూర్ ప్రాంతంలోని ఓంకార్ నగర్ లో చోటు చేసుకుంది. పూర్తి వివరాల్లోకి వెళ్తే.. ఓంకార్ నగర్ కు చెందిన విశాల్ దేశ్ముఖ్ అనే ఆటోడ్రైవర్ తన ఆటోలో పిల్లలను స్కూల్ కు తీసుకెళ్లడం.. పాఠశాల ముగిసిన తర్వాత మళ్లీ ఇళ్లకు తీసుకువస్తాడు. ఈ క్రమంలోనే బుధవారం రోజు మధ్యాహ్నాం వేళ విద్యార్థులను స్కూల్ నుంచి తీసుకొచ్చే క్రమంలో ఆటోలో ఒక విద్యార్ధిని మాత్రమే ఉంది.

ఇదే అదునుగా భావించిన ఆటో డ్రైవర్ ఆ విద్యార్థినిని వేధించేందుకు సిద్ధమయ్యాడు. వెంటనే మార్గ మధ్యలో ఎవరూ లేని నిర్మానుష్య ప్రాంతానికి ఆటోను తీసుకెళ్లి ఆపాడు. అనంతరం ఆటోలోని 10వ తరగతి బాలికను వేదింపులకు గురి చేయడం ప్రారంభించాడు. ఆ అమ్మాయి అడ్డుకునే ప్రయత్నం చేసినా అతడు బాలికను ఇబ్బందులకు గురిచేశాడు. ఈ సమయంలో ఆ ప్రాంతంలో ఓ వ్యక్తి ఉండడంతో ఈ తతాంగాన్ని అంతా సెల్ ఫోన్ లో వీడియో తీశాడు. దాన్ని సోషల్ మీడియాలో పోస్టు చేశాడు. దీనిపై స్పందించిన నెటిజన్లు విద్యార్థిని పట్ల అసభ్యంగా ప్రవర్తించిన ఆటోడ్రైవర్ పై చర్యలు తీసుకోవాలని పోలీసులను ట్యాగ్ చేశారు. దీనిపై స్పందించిన అజ్ని పోలీసులు సుమోటోగా స్వీకరించి కేసు నమోదు చేసి, విచారణ అనంతరం ఆటో డ్రైవర్ ను అరెస్టు చేశారు.

In #Maharashtra‘s #Nagpur, a day after an auto driver was nabbed for molesting a Class 10 in his autorickshaw at a desolate lane on Wednesday noon, the #AjniPolice took Suo Motu Cognisance of the incident and filed an FIR against the accused on late Thursday evening.

Cops had… pic.twitter.com/57nU9U5DBR

— Hate Detector 🔍 (@HateDetectors) May 11, 2024