డైరెక్ట్ గా OTT లో రాజ్ తరుణ్ మూవీ

బుల్లితెర మీద పాపులర్ అయినా వాళ్ళు వెండితెరమీదకు వెళ్తుంటే.. ఓటిటి ల డిమాండ్ పెరిగిన తర్వాత వెండితెర మీద వారు బుల్లితెర మీదకు వచ్చేస్తున్నారు. ఇప్పటికే ఎంతో మంది హీరోలు , హీరోయిన్స్ ఓటిటి లలో వెబ్ సిరీస్ లు సినిమాలను చేస్తున్నారు. ఇక ఇప్పుడు ఉయ్యాలా జంపాలా, సినిమా చూపిస్త మావ, కుమారి 21 ఎఫ్ లాంటి సినిమాలతో ఫ్యాన్ బేస్ సంపాదించుకున్న రాజ్ తరుణ్ వంతు. ఈ మధ్య కాలంలో బ్యాక్ టు బ్యాక్ సినిమాలతో రాజ్ తరుణ్ వచ్చినా కానీ.. అవి ప్రేక్షకులను అంతగా ఆకట్టుకోలేకపోయాయి.

ఇక ఇప్పుడు రాజ్ తరుణ్ కూడా ఓటిటి లో ఎంట్రీ ఇవ్వబోతున్నారు. ‘చిరంజీవ’ అనే ఓటీటీ మూవీ చేస్తున్నాడు. నవంబర్ 7 నుంచి ఈ సినిమా ప్రముఖ ఓటిటి ప్లాట్ ఫార్మ్ ఆహాలో స్ట్రీమింగ్ కానుంది. తాజాగా మూవీ ట్రైలర్ ను రిలీజ్ చేశారు మేకర్స్. జబర్దస్త్’ ఫేమ్ అభి ఈ సినిమాకు దర్శకత్వం వహిస్తున్నాడు. ట్రైలర్ ను బట్టి గమనిస్తే కంటెంట్ ఇంట్రెస్టింగ్ గానే ఉంది. ఇక ఈ సినిమాతో అయినా రాజ్ తర్వాత కంబ్యాక్ ఇస్తాడేమో చూడాలి. మరి ఈ అప్డేట్ పై మీ అభిప్రాయాలను కామెంట్స్ రూపంలో తెలియజేయండి.