టాలెంటెడ్ రైటర్స్ కు ప్రభాస్ బంపరాఫర్

డార్లింగ్ ప్రభాస్ తో సినిమా అంటే ఏళ్లకు ఏళ్ళు వేచి చూడాల్సిందే . రీసెంట్ గా వచ్చిన ప్రభాస్ అప్ కమింగ్ ప్రాజెక్ట్స్ లిస్ట్ చూస్తే అందరికి మైండ్ బ్లాక్ అవుతుంది. దాదాపు ఓ నాలుగు ఐదేళ్ల వరకు ప్రభాస్ డైరీ ఫుల్ బిజీగా ఉంది. కనీసం ఏడాదికి ఒకటి రెండైనా రిలీజ్ కు రెడీగా ఉన్నాయి. ఇంత బిజీ బిజీగా ఉన్నా సరే డార్లింగ్ కు ఇంకా శాటిస్ఫాక్షన్ లేదేమో. మరిన్ని కథలను వినడానికి రెడీ అయిపోతున్నాడు. అయితే ఈసారి డార్లింగ్ ఓ అద్భుతమైన డెషిషన్ తీసుకున్నాడు. ఈసారి ప్రభాస్ కొత్త రచయితలకు , దర్శకులకు ఛాన్స్ ఇవ్వాలని అనుకుంటున్నాడట. మనస్సులో ఎలా అయినా సరే కనీసం ఒక్క సినిమా తీయాలనే కసి.. బుర్ర నిండా మెదిలే రకరకాల కథలు, ఆలోచనలు.. ఎవరైనా అవకాశం ఇస్తే బావుండు అనే తపన. ఇవన్నీ ఇండస్ట్రీలోకి ఎంట్రీ ఇవ్వాలనుకునే ప్రతి ఒక్కరి మదిలో మెదిలే ఆలోచనలు. చాలా మంది సినీ ఇండస్ట్రీకి రావాలని కలలు కంటూ ఉంటారు. కానీ సరైన అవకాశం రాకా ఎంతో ఇబ్బంది పడుతుంటారు.

 ఇప్పటివరకు సినీ పరిశ్రమలో ఎంతో మంది అడుగుపెట్టారు. కానీ వారిలో కొంతమంది మాత్రమే నిలదొక్కుకున్నారు. ఎదో సినిమాలో రవి తేజ చెప్పినట్లు.. ఒక్క ఛాన్స్ ఒకే ఒక్క ఛాన్స్ అంటూ ఎంతో మంది అవకాశాల కోసం కళ్ళు కాయలు కాసేలా ఎదురుచూస్తున్నారు. ఇప్పుడు ప్రభాస్ అలాంటి వారి కోసమే చూస్తున్నాడట. టాలెంట్ ఉన్నా ఛాన్స్ రాని వారి కోసం పాన్ ఇండియా స్టార్ ప్రభాస్ అదిరిపోయే ఆఫర్ ఇచ్చాడు. వరుస సినిమాలతో బిజీ బిజీగా ఉన్న ప్రభాస్.. తన అన్న ప్రమోద్ తో కలిసి ‘ ది స్క్రిప్ట్ క్రాఫ్ట్’ అనే సంస్థను స్థాపించారు. తాజాగా ఈ సంస్థ తరపు నుంచి సోషల్ మీడియాలో ఓ పోస్ట్ ను షేర్ చేశారు. ఇండస్ట్రీలో అవకాశాల కోసం ట్రై చేస్తున్న కొత్త రచయితలకు , దర్శకులకు అవకాశం కల్పిస్తున్నట్లు అనౌన్స్ చేశారు. అందుకోసం ఓ వెబ్ సైట్ ను కూడా అందుబాటులోకి తీసుకుని వచ్చారు. అదే www.thescriptcraft.com.. కొత్త రచయితలూ ఎవరైనా సరే తమ కథలను ఈ వెబ్ సైట్ లో పోస్ట్ చేయొచ్చు. ఆ కథలను ప్రేక్షకులు చూసి.. వారు దేనికైతే ఎక్కువ వోట్ చేస్తారో దానిని మేకర్స్ సెలెక్ట్ చేస్తారట. దానికి సంబంధించిన వీడియో కూడా రిలీజ్ చేశారు.

చూడబోతుంటే ఈ ఐడియా ఎదో వర్క్ అవుట్ అయ్యేలానే కనిపిస్తుంది.  కొత్త వారికి అవకాశం కల్పించే విషయంలో ప్రభాస్ చాలా మంచి నిర్ణయం తీసుకున్నాడని చెప్పి తీరాల్సిందే. ఎందుకంటే ఒకప్పటికంటే ఇప్పుడు టాలెంటెడ్ రైటర్స్ పెరిగిపోయారు. సినిమాల మీద వారికి ఉండే ప్రేమ పెరిగిపోతుంది. అలాంటి సమయంలో ఇలాంటి క్రేజి ఆఫర్ వస్తే ఎవరు కాదంటారు. అందులోను పాన్ ఇండియా రెబెల్ స్టార్ ప్రభాస్ తో సినిమా అంటే.. ఇక వారి ఆనందానికి అడ్డు అదుపు ఉండదు. ప్రభాస్ ఎప్పుడు ఏది చేసినా అది సెన్సేషన్ ఏ. మరి ప్రభాస్ ఇలాంటి బంపరాఫర్ ఇవ్వడం పై మీ అభిప్రాయాలను కామెంట్స్ రూపంలో తెలియజేయండి.

 

View this post on Instagram

 

A post shared by Prabhas (@actorprabhas)