ప్రధాని నరేంద్ర మోడీ జీవితం ఆధారంగా ఇప్పటికే ఓ సినిమా వచ్చింది. ఆయన లైఫ్పై ఇంకో బయోపిక్ రానుందని తెలుస్తోంది.
ప్రధాని నరేంద్ర మోడీ జీవితం ఆధారంగా ఇప్పటికే ఓ సినిమా వచ్చింది. ఆయన లైఫ్పై ఇంకో బయోపిక్ రానుందని తెలుస్తోంది.
సినీ, రాజకీయ, క్రీడా ప్రముఖుల జీవితాలపై సినిమాలు తీయడం ఎప్పటి నుంచో ఉంది. అయితే ఈ ట్రెండ్ ఈ మధ్య ఎక్కువైంది. ఇలాంటి మూవీస్ వస్తే చూసేందుకు ఆడియెన్స్ కూడా ఎక్కువ ఆసక్తి చూపిస్తున్నారు. అందుకే దర్శక, నిర్మాతలు ప్రముఖుల జీవితాలను సిల్వర్స్క్రీన్ మీదకు తీసుకొచ్చేందుకు ఇంట్రెస్ట్ చూపిస్తుంటారు. ఈ క్రమంలోనే ప్రధాని నరేంద్ర మోడీ లైఫ్పై బయోపిక్ రూపొందిన సంగతి తెలిసిందే. ‘పీఎం నరేంద్ర మోడీ’ పేరుతో తెరకెక్కిన ఈ ఫిల్మ్ను హిందీలో తీశారు. ఒమంగ్ కుమార్ డైరెక్షన్లో వచ్చిన ఈ చిత్రం ప్రేక్షకుల్ని అలరించింది. ఇప్పుడు మోడీ జీవితం మీద మరో బయోపిక్ తీసేందుకు రంగం సిద్ధమైందని తెలుస్తోంది.
మోడీ జీవితం ఆధారంగా పాన్ ఇండియా రేంజ్లో బిగ్ మూవీ తీసేందుకు సన్నాహాలు చేస్తున్నారని సమాచారం. ఈ చిత్రానికి దర్శకుడు ఎవరన్నది తెలియదు గానీ మోడీ పాత్రలో ఎవరు నటించనున్నారనే దాని మీద మాత్రం ఓ పేరు బలంగా వినిపిస్తోంది. మోడీ రోల్లో ప్రముఖ నటుడు సత్యరాజ్ యాక్ట్ చేయనున్నారని కోలీవుడ్లో టాక్ నడుస్తోంది. ‘బాహుబలి’లో కట్టప్ప పాత్రలో అద్భుతంగా నటించి దేశవ్యాప్తంగా ఎంతో క్రేజ్ సంపాదించుకున్నారు సత్యరాజ్. ముఖ్యంగా తమిళం, తెలుగు నాట ఆయనకు మంచి ఫాలోయింగ్ ఉంది. మోడీ పాత్రలో సత్యరాజ్ను తీసుకుంటే మల్టిపుల్ లాంగ్వేజెస్ ఆడియెన్స్కు మూవీని దగ్గర చేయొచ్చని ప్రొడ్యూసర్స్ అనుకుంటున్నారని సమాచారం.
మోడీ బయోపిక్లో సత్యరాజ్ ఫిక్స్ అయ్యారని వార్తలు వస్తున్నా.. దీనిపై ఇంకా అఫీషియల్ కన్ఫర్మేషన్ రాలేదు. మేకర్స్ నుంచి గానీ సత్యరాజ్ నుంచి గానీ దీని గురించి ఎలాంటి ప్రకటన రాలేదు. మూవీ టీమ్ నుంచి అనౌన్స్మెంట్ వస్తే గానీ ఆయన ఇందులో నటించనున్నారని చెప్పలేం. ఇదిలా ఉంటే.. మోడీ జీవితంపై గతంలో వచ్చిన బయోపిక్ యావరేజ్ మూవీగా నిలిచింది. ఒమంగ్ కుమార్ దర్శకత్వంలో వచ్చిన ఈ సినిమాలో వివేక్ ఒబెరాయ్ ప్రధాన పాత్ర పోషించారు. ఈ నేపథ్యంలో సత్యరాజ్ యాక్ట్ చేస్తారని చెబుతున్న బయోపిక్ మీద మంచి అంచనాలు ఉన్నాయి. వైవిధ్యమైన నటనతో ఆకట్టుకునే ఈ స్టార్ యాక్టర్ ఆ రోల్ను ఓన్ చేసుకొని నటిస్తే మాత్రం తిరుగుండదు. మరి.. మోడీ బయోపిక్లో సత్యరాజ్ నటిస్తే ఎలా ఉంటుందని మీరు భావిస్తున్నారో కామెంట్ చేయండి.
