దర్శన్‌ని జైలు పాలు చేసిన పవిత్ర గౌడ కూతురిని చూశారా? హీరోయిన్ రేంజ్!

రేణుకా స్వామి హత్య కేసులో శాండిల్ వుడ్ నటుడు, ఛాలెంజింగ్ స్టార్ దర్శన్ అరెస్టు కర్ణాటకలో తీవ్ర కలకలం రేపుతోంది. తమ డి బాస్ (ఫ్యాన్స్ ముద్దుగా పిలుచుకునే పేరు) అరెస్టు కావడాన్ని జీర్ణించుకోలేకపోతున్నారు అభిమానులు. దర్శన్ అరెస్టు విషయాన్ని తట్టుకోలేక ఫ్యాన్ ఆత్మహత్య చేసుకున్న సంగతి విదితమే. ఇదిలా ఉంటే ఈ ఘటనపై తోటి నటులు సైతం భిన్నంగా స్పందిస్తున్నారు. నటి కస్తూరితో పాటు దివ్య స్పందన స్టార్ హీరోస్ ఉపేంద్ర, కిచ్చా సుదీప్ మాట్లాడారు. ప్రియురాలు పవిత్ర గౌడకు అసభ్య సందేశాలు, వీడియోలు పంపిస్తున్నాడన్న కారణంగా సొంత అభిమాని రేణుకా స్వామినే పొట్టనపెట్టుకున్నాడు దర్శన్. ఇదిలా ఉంటే.. ఇదంతా ప్రియురాలు వల్లే జరిగిందని ఫ్యాన్స్ భావిస్తున్నారు. ఆమెను తిట్టిపోసుకుంటున్నారు.

పవిత్ర అత్యంత సాధారణ మహిళ. విద్యాభ్యాసం మోడలింగ్ రంగంలో అడుగుపెట్టింది. అడపా దడపా చిత్రాల్లో నటించింది. అయితే ఆమె గతంలో ఓ వ్యక్తిని మనువాడింది. అదీ కూడా ప్రేమ పెళ్లి అని తెలుస్తుంది. ఈ ఇద్దరికీ ఓ కూతురు పుట్టింది. ఆమె పేరే ఖుషీ. భర్తతో గొడవలు కారణంగా ఆమె దూరంగా ఉంటుంది. కెరీర్‌పై ఫోకస్ పెంచే క్రమంలో ఓ ఆడిషన్‌కు వెళ్లగా అక్కడ దర్శన్ పరిచయం కావడం, అది ప్రేమగా చిగురించడం చక చకా జరిగిపోయాయి. ఆమె బిడ్డను తన బిడ్డగా స్వీకరించడం స్టార్ట్ చేశాడు దర్శన్. వీరి రిలేషన్ స్ట్రాంగ్ అయ్యింది. పదేళ్లుగా ఈ ఇద్దరు రిలేషన్ షిప్‌లో ఉన్నారని తెలుస్తుంది. ఇదిలా ఉంటే వీరిద్దరి రిలేషన్ గురించి పలుమార్లు బయట పెట్టేందుకు ప్రయత్నించింది.. కానీ బెడిసి కొట్టింది.

గత ఏడాది నవంబర్‌లో ఆమె బాహ్య ప్రపంచానికి తమ బంధాన్ని వెల్లడించాలని నిర్ణయించుకుంది. తన ఇంట్లో, తన కూతురితో దర్శన్ కేక్ కట్ చేస్తున్న వీడియోను షేర్ చేసి హల్చల్ చేసింది. దీంతో అప్పటి వరకు వీరి మధ్య ఏదో రిలేషన్ ఉంది అనుకున్న ఫ్యాన్స్ కన్ఫమ్ అయ్యారు. అప్పుడు ఖుషీని..దర్శన్, పవిత్రకు పుట్టిన కూతురుని భావించారు. దాని తర్వాత ఆమె వివరణ ఇచ్చింది. ఇక ఈ ఏడాది జనవరిలో తమ రిలేషన్ 10 ఇయర్స్ కంప్లీట్ అయ్యిందంటూ ఓ వీడియోను విడుదల చేసి.. అటు ఫ్యామిలీకి, ఫ్యాన్స్‌కు షాక్ నిచ్చింది. ఇదంతా కూతురు గురించే చేసింది అనుకుంటున్నారు. ఇప్పుడు కూతుర్ని ఒంటరిని చేసి జైలు పాలయ్యింది పవిత్ర గౌడ. కూతురు చూస్తే.. పవిత్రకు ఇంత పెద్ద అమ్మాయి ఉందా అనిపించకమానదు. హీరోయిన్ లా కనిపిస్తుంది. తల్లి అరెస్టు తర్వాత ఆమెను ఉద్దేశించి.. ఏ ఎమోషనల్ పోస్టు కూడా చేసింది కూతురు.