నాని భారీ మేక్ ఓవర్ దానికోసమేనా !!

రీసెంట్ గా హిట్ 3 సినిమాలో నాని వైలెంట్ యాక్షన్స్ కు అంతా షాక్ అయ్యారు. ఆల్రెడీ గతంలో నాని నుంచి మాస్ యాక్షన్ ను చూసిన కానీ ఈ సినిమాలో మాత్రం అందరు సరికొత్త నానిని చూసారన్న మాట వాస్తవం. ఏజ్ డిఫరెన్స్ లేకుండా థియేటర్స్ కు క్రౌడ్ పుల్లింగ్ చేయగలిగే యాక్టర్స్ లో నాని ముందుంటాడని చెప్పి తీరాలి. హిట్ 3 కథ కంటే కూడా నాని యాక్టింగ్ కే అంతా ఫిదా అయిపోయారని చెప్పడంలో ఎలాంటి సందేహం లేదు. ఇక నాని ప్రేక్షకులు తమ అభిమాన హీరోని ఈ రేంజ్ లో చూసిన తర్వాత.. ఆ హీరో నెక్స్ట్ సినిమా మీద అంచనాలు పెంచుకోవడం సహజం. ఇప్పుడు నాని విషయంలో కూడా అదే జరుగుతుంది.

ఇటు నాని కూడా ఆ ఎక్స్పెక్టేషన్స్ ను ఏ మాత్రం తగ్గించకుండా ఇప్పటివరకు మెయింటైన్ చేస్తూ వస్తున్నాడు. ఈ క్రమంలో ఇప్పుడు నాని నెక్స్ట్ మూవీ కోసం భారీ రేంజ్ లో మేక్ ఓవర్ చేయడానికి రెడీ అవుతున్నాడు. ప్రస్తుతం నాని నార్త్ అమెరికా టూర్ లో ఉన్న విషయం తెలిసిందే. త్వరలోనే ఇండియాకు రానున్నాడట ఈ హీరో. ఇక వచ్చిన వెంటనే తన నెక్స్ట్ మూవీ పట్టాలెక్కేస్తుంది. ఇది సికింద్రాబాద్ ఏరియాలో జరిగే పిరియాడికల్ డ్రామాగా ది ప్యారడైజ్ అనే పేరుతో తెరకెక్కనుంది. ఇప్పటికే మూవీ టీం నుంచి ఈ సినిమాకు సంబందించిన ఓ రా స్టేట్మెంట్ వచ్చిన సంగతి తెలిసిందే. నాని లుక్ నుంచి క్యారెక్టర్ వరకు ఇప్పటివరకు చూడని విధంగా ఉంటుందనే క్లారిటీ ఇచ్చేసారు. దీనితో ఈ సినిమాపై అందరికి మరిన్ని అంచనాలు పెరిగిపోయాయి.

నానికి దసరా లాంటి మాస్ బ్లాక్ బస్టర్ ఇచ్చిన శ్రీకాంత్ ఓదెల.. ది ప్యారడైజ్ కు కూడా దర్శకత్వం వహించనున్నారు. ఈసారి దసరాకు మించిన మాస్ ఉంటుందని ఇప్పటికే టాక్ బయటకు వస్తుంది. మరి ఈ సినిమాలో నాని ఎలాంటి లుక్ తో ఆశ్చర్యపరుస్తాడో చూడాలి. ఇప్పటివరకు నానికి నార్త్ లో అంత గుర్తింపు లేదు. ఈ సినిమాతో అయినా పాన్ ఇండియా రేంజ్ లో తనదైన రికార్డ్ ను క్రియేట్ చేయాలనీ చూస్తున్నాడట నాని. కాబట్టి ఈ సినిమా ఇంపాక్ట్ చాలా గట్టిగానే ఉంటుందని అర్ధమౌతుంది. ఈసారి నాని ఎలాంటి పెర్ఫామెన్స్ ఇస్తాడో చూడాలి. మరి నాని భారీ మేక్ ఓవర్ పై మీ అభిప్రాయాలను కామెంట్స్ రూపంలో తెలియజేయండి.