ఎట్టకేలకు OTT లోకి వచ్చేస్తున్న కన్నప్ప..

మంచు విష్ణుదే కాదు టోటల్ మంచు ఫ్యామిలీ డ్రీం ప్రాజెక్ట్ కన్నప్ప. ఈ సినిమా భారీ అంచనాల మధ్యన థియేటర్స్ లో రిలీజ్ అయింది. సినిమాలో భారీ క్యాస్టింగ్ ఉండడంతో రిలీజ్ కు ముందు వరకు కూడా సినిమా మీద భారీ అంచనాలు ఏర్పడ్డాయి. పైగా విష్ణు సినిమాను ఏ రేంజ్ లో ప్రమోట్ చేయాలో ఆ రేంజ్ లో ప్రమోట్ చేసాడు. లెక్కలేనన్ని ఇంటర్వ్యూలు ఇచ్చాడు. రూ.200 కోట్ల‌కు పైగా బ‌డ్జెట్ పెట్టి తీసిన ఈ సినిమా తొలి వీకెండ్ వరకు మంచి టాక్ సంపాదించుకుంది. కానీ ఆ తర్వాత మాత్రం నిలదొక్కుకోలేకపోయింది.

అయితే ఇప్పుడు చాలా వరకు సినిమాలు రిలీజ్ కు ముందే డిజిటల్ , శాటిలైట్ హక్కులను అమ్మేస్తుంటే.. మంచు విష్ణు మాత్రం ఈ విషయంలో చాలా స్ట్రిక్ట్ గా ఉన్నాడు. దాని ఫలితమే మిగిలిన అన్ని సినిమాలలా ఈ సినిమా థియేటర్ లో రిలీజ్ అయినా నెల రోజులకే ఓటిటి లోకి రాలేదు. సినిమా రిలీజ్ అయినా మూడు నెలలకు ఓటిటి డీల్ ఫిక్స్ అవ్వడం , డేట్ లాక్ అవ్వడం జరిగింది. అయితే సినిమా హక్కులను ఎంత మొత్తానికి అమ్మారు అనేదానిపై మాత్రం ఇంకా క్లారిటీ లేదు. కానీ సినిమా హక్కులను మాత్రం ప్రముఖ ఓటిటి ప్లాట్ ఫార్మ్ అమెజాన్ ప్రైమ్ సొంతం చేసుకుందట.

థియేటర్ లో ఈ సినిమాను మిస్ అయిన ప్రేక్షకులు. ఓటిటి కోసం వెయిట్ చేస్తున్నారు. సినిమా టాక్ ఎలా ఉన్నా.. సినిమాలో ప్రభాస్ లాంటి భారీ క్యాస్టింగ్ ఉండడంతో ఓటిటి స్ట్రీమింగ్ కోసం వెయిట్ చేస్తున్నారు. ఈ సినిమా సెప్టెంబర్ 4 నుంచి ఓటిటి లో స్ట్రీమింగ్ కానుంది. థియేటర్ లో ఫెయిల్ అయిన సినిమాలు ఓటిటి లో మంచి టాక్ తెచ్చుకుంటున్న ట్రెండ్ లో కన్నప్ప ఎలాంటి టాక్ సంపాదించుకుంటుందో చూడాలి.మరి ఈ అప్డేట్ పై మీ అభిప్రాయాలను కామెంట్స్ రూపంలో తెలియజేయండి.