తెలుగు టెలివిజన్ షోల్లో బిగ్బాస్కు ఉన్న ఆదరణ గురించి తెలిసిందే. ఈ రియాలిటీ షోను చాలా మంది ఆడియెన్స్ ఇష్టపడతారు. అలాంటి బిగ్బాస్ సీజన్ 7 త్వరలో షురూ కానున్న సంగతి తెలిసిందే. ఈ నేపథ్యంలో అందరి కన్ను ఈ షో మీదే పడింది. ఈసారి కంటెస్టెంట్లుగా ఎవరెవరు వస్తారు? గత సీజన్లను మించి ఈసారి షోను ప్లాన్ చేస్తున్నారా? లాంటి ప్రశ్నలు అందరికీ తొలచి వేస్తున్నాయి. అయితే ఈసారి మాత్రం బిగ్బాస్ను మరింత పకడ్బందీగా, జాగ్రత్తగా నిర్వహించబోతున్నట్లు తెలుస్తోంది. ఈ మేరకు ఇప్పటికే రూల్స్ను కూడా రెడీ చేసేశారని టాక్.
తెలుగు బిగ్బాస్ షో ఇప్పటివరకు ఆరు సీజన్లను సక్సెస్ఫుల్గా పూర్తి చేసుకుంది. లాస్ట్ సీజన్లో సింగర్ రేవంత్ విన్నర్గా నిలిచాడు. అయితే గత సీజన్ ఆశించినంతగా ఫలితం రాబట్టకపోవడంతో ఈసారి బిగ్బాస్ ఎలా ఉండోబోతోందనేది హాట్ టాపిక్గా మారింది. ఇప్పటికే రిలీజైన టైటిల్ ప్రోమో మాత్రం ఈసారి సీజన్ బాగుంటుందనే ధీమాను ఇస్తోంది. కింగ్ నాగార్జుననే హోస్ట్ అని కన్ఫర్మ్ చేస్తూ వదిలిన మరో వీడియో సోషల్ మీడియాలో వైరల్గా మారింది. ఈ వీడియోలో సరికొత్త లుక్లో దర్శనమిచ్చిన నాగ్.. ‘కుడి ఎడమైతే పొరపాటు లేదోయ్..’ అంటూ ముగించారు. దీంతో అసలు ఈ లైన్కు అర్థమేంటి? ఆయన ఏ విషయాన్ని చెప్పారనేది చర్చనీయాంశంగా మారింది. ఈ పరిస్థితుల్లో అసలు సీక్రెట్ రివీల్ చేశారు నాగ్.
బిగ్బాస్ షైనింగ్ స్టార్స్ అనే ఈవెంట్లో పాల్గొన్న నాగార్జున.. బిగ్బాస్ 7 టీజర్ రహస్యాన్ని చెప్పేశారు. ‘కుడి ఎడమైతే పొరపాటు లేదోయ్.. అన్నారు కదా. దాని అర్థమేంటి’ అని నాగ్ను యాంకర్ సుమ అడిగారు. దీంతో ఓపెన్ అయిన నాగార్జున.. ‘న్యూ గేమ్, న్యూ ఛాలెంజెస్, న్యూ రూల్స్’ అని జవాబిచ్చారు. ఆయన మాటలను బట్టి చూస్తే.. ఈసారి షోలో చాలానే మార్పులు చేసినట్లు అర్థమవుతోంది. గత ఆరు సీజన్లతో పోలిస్తే బిగ్బాస్ 7 నెక్స్ట్ లెవల్లో ఉండే అవకాశాలు కనిపిస్తున్నాయి. మరి.. బిగ్బాస్ సీజన్ 7 మిగతా అన్ని సీజన్లను మించిన స్థాయిలో ఉంటుందని మీరు భావిస్తున్నారా? మీ అభిప్రాయాలను కామెంట్ల రూపంలో తెలియజేయండి.
