sai
sai
ప్రముఖ నటి ఖుష్బూ సుందర్కు అత్యంత అరుదైన గౌరవం లభించింది. కేరళలోని ప్రముఖ విష్ణు ఆలయంలో జరిగే నారీ పూజకు ఆమె ఎంపికయ్యారు. కేరళ, త్రిశూరులోని ప్రాచీన విష్ణుమాయ దేవాలయంలో ప్రతీ ఏటా ప్రత్యేకంగా ఈ నారీ పూజలు జరుగుతూ ఉంటాయి. ఈ నారీ పూజల్లో భాగంగా ఓ మహిళను ఆహ్వానించి.. ఆలయ పండితులు ప్రత్యేకంగా వారిని సత్కరిస్తూ ఉంటారు. ఈ సారి నటి ఖుష్బూకు ఆ గౌరవం దక్కింది. తాజాగా, ఆమె నారీ పూజలో పాల్గొన్నారు. వేద పండితుల నుంచి ఘన సత్కారం అందుకున్నారు.
ఇందుకు సంబంధించిన ఫొటోలను మంగళవారం తన ఇన్స్టాగ్రామ్ ఖాతాలో షేర్ చేశారు. ఆ పోస్టులో .. ‘‘ త్రిశూరులోని ప్రాచీన విష్ణుమాయ దేవాలయంలో జరిగే నారీ పూజకు నన్ను ఆహ్వానించటం అదృష్టంగా భావిస్తున్నాను. ఏడాదికి ఒకరిని మాత్రమే ఎంపిక చేస్తారు. దేవతే వారిని ఎంపిక చేస్తుందని వారు నమ్ముతారు. నాకు ఈ గౌరవాన్ని కలిగించిన ఆలయ పెద్దలకు, ఇతర వ్యక్తులకు నా కృతజ్ఞతలు. నేను ప్రేమించే వాళ్లు.. ఈ ప్రపంచం సంతోషంగా ఉండాలని కోరుకున్నాను’’ అని పేర్కొన్నారు.
ప్రస్తుతం ఇందుకు సంబంధించిన ఫొటోలు సోషల్ మీడియాలో వైరల్గా మారాయి. ఆ ఫొటోలపై స్పందిస్తున్న నెటిజన్లు.. ఆమె అభిమానులు సంతోషం వ్యక్తం చేస్తున్నారు. కాగా, ఖుష్బూ 1986లో వచ్చిన ‘కలియుగ పాండవులు’ సినిమాతో చిత్ర పరిశ్రమలోకి వచ్చారు. తెలుగు, తమిళం, కన్నడ, మలయాళం, హిందీ భాషల్లో సినిమాలు చేశారు. తమిళంలో ఓ దశాబ్ధానికిపైగా నెంబర్ 1 హీరోయిన్గా వెలుగొందారు. ఇప్పుడు క్యారెక్టర్ ఆరిస్ట్గా సినిమాలు చేస్తున్నారు. మరి, ఖుష్బూ సుందర్కు దక్కిన అత్యంత అరుదైన గౌరవంపై మీ అభిప్రాయాలను కామెంట్ల రూపంలో తెలియజేయండి.
View this post on Instagram
