RPF Constable,SI Recruitment 2024: రైల్వే రిక్రూట్‌మెంట్ బోర్డ్ నిరుద్యోగులకు భారీ శుభవార్తను అందించింది. టెన్త్, డిగ్రీ అర్హతతో 2,250 ఆర్పీఎఫ్ కానిస్టేబుల్, ఎస్ఐ ఉద్యోగాల భర్తీ కోసం నోటిఫికేషన్ ను విడుదల చేసింది. ఈ ఉద్యోగాలకు అప్లై చేసుకుని జాబ్ కొట్టండి.
RPF Constable,SI Recruitment 2024: రైల్వే రిక్రూట్‌మెంట్ బోర్డ్ నిరుద్యోగులకు భారీ శుభవార్తను అందించింది. టెన్త్, డిగ్రీ అర్హతతో 2,250 ఆర్పీఎఫ్ కానిస్టేబుల్, ఎస్ఐ ఉద్యోగాల భర్తీ కోసం నోటిఫికేషన్ ను విడుదల చేసింది. ఈ ఉద్యోగాలకు అప్లై చేసుకుని జాబ్ కొట్టండి.
అవకాశాలు ఆకాశం నుంచి ఊడిపడవు.. వచ్చిన అవకాశాలను అందిపుచ్చుకుని సద్వినియోగం చేసుకోవాలి. ప్రభుత్వ ఉద్యోగాలు సాధించాలనే ఆసక్తి అందరికీ ఉంటుంది. కానీ ఆ శక్తి మాత్రం కొందరికే ఉంటుంది. ఖచ్చితమైన ప్రణాళిక, అంకితబావం ఉంటే ప్రభుత్వ ఉద్యోగాలను సాధించడం పెద్ద కష్టమేమీ కాదు. ప్రభుత్వ ఉద్యోగం సాధించడమే మీ లక్ష్యమైతే ఈ నోటిఫికేషన్ ను మాత్రం అస్సలు వదలొద్దు. రైల్వే రిక్రూట్‌మెంట్ బోర్డ్ భారీగా ఉద్యోగాలను భర్తీ చేసేందుకు నోటిఫికేషన్ ను విడుదల చేసింది. ఈ రిక్రూట్ మెంట్ ద్వారా 2,250 కానిస్టేబుల్, ఎస్ఐ ఉద్యోగాలను భర్తీ చేయనుంది.
రైల్వే రిక్రూట్‌మెంట్ బోర్డ్ రైల్వే ప్రొటెక్షన్ ఫోర్స్ మరియు రైల్వే ప్రొటెక్షన్ స్పెషల్ ఫోర్స్‌లో సబ్ ఇన్‌స్పెక్టర్, మరియు కానిస్టేబుల్ పోస్టుల కోసం నోటిఫికేషన్ ను విడుదల చేసింది. ఈ రిక్రూట్‌మెంట్ డ్రైవ్ ద్వారా ఆర్పీఎఫ్ /ఆర్పీఎస్ఎఫ్ లో 2000 కానిస్టేబుల్ పోస్టులను, 250 సబ్-ఇన్‌స్పెక్టర్ పోస్టులను భర్తీ చేయనున్నారు. వీటిలో 10 శాతం ఖాళీలు మాజీ సైనికులకు, 15 శాతం మహిళా అభ్యర్థులకు కేటాయించారు. అభ్యర్థులు ఆన్ లైన్ విధానంలో దరఖాస్తు చేసుకోవాల్సి ఉంటుంది. దరఖాస్తు ప్రారంభ తేదీలను రైల్వే రిక్రూట్‌మెంట్ బోర్డ్ త్వరలో ప్రకటించనుంది. అభ్యర్థులు పూర్తి సమాచారం కోసం ఆర్ఆర్బీ అధికారిక సైట్ rpf.Indianrailways.gov.in ని సందర్శించాలి.
