sai
మీరు కేంద్రప్రభుత్వ ఉద్యోగాల కోసం ఎదురు చూస్తున్నట్లైతే ఇదే మంచి ఛాన్స్. ఇండియన్ నేవీలో ఉద్యోగాల భర్తీ కోసం నోటిఫికేషన్ విడుదలైంది. నెలకు రూ. లక్ష వరకు జీతం అందుకోవచ్చు.
మీరు కేంద్రప్రభుత్వ ఉద్యోగాల కోసం ఎదురు చూస్తున్నట్లైతే ఇదే మంచి ఛాన్స్. ఇండియన్ నేవీలో ఉద్యోగాల భర్తీ కోసం నోటిఫికేషన్ విడుదలైంది. నెలకు రూ. లక్ష వరకు జీతం అందుకోవచ్చు.
sai
ఇండియన్ నేవీలో చేరాలని కలలుగనే యువతకు గొప్ప అవకాశం. నేవీలో ఉద్యోగాల భర్తీ కోసం నోటిఫికేషన్ విడుదలైంది. ఎలాంటి రాత పరీక్ష లేకుండానే ఈ ఉద్యోగాలను సాధించొచ్చు. ఈ ఉద్యోగాలకు ఎంపికైతే నెలకు రూ. లక్ష వరకు జీతాన్ని అందుకోవచ్చు. త్రివిధ దళాల్లో ఒకటైన ఇండియన్ నేవీ నిరుద్యోగులకు గుడ్ న్యూస్ అందించింది. ఇండియన్ నేవీలో షార్ట్ సర్వీస్ కమిషన్(ఎస్ఎస్సీ) ఆఫీసర్స్ పోస్టుల భర్తీకి నోటిఫికేషన్ విడుదల చేసింది. ఈ రిక్రూట్ మెంట్ ద్వారా పలు విభాగాల్లో 254 ఖాళీలను భర్తీ చేయనున్నారు. అవివాహిత పురుష, మహిళ అభ్యర్థులు ఈ పోస్టులకు అప్లై చేసుకోవచ్చు. ఈ ఉద్యోగాలకు ఎంపికైతే నెలకు ప్రారంభ వేతనం రూ. 56 వేలు అందిస్తారు. డీఏ, హెచ్ఆర్ఏ ఇతర అలవెన్సులు కలుపుకుని నెలకు రూ. లక్ష వరకు అందుకోవచ్చు.
అభ్యర్థులు ఆన్ లైన్ లో అప్లై చేసుకోవాల్సి ఉంటుంది. ఇంటర్వ్యూ, డాక్యుమెంట్ వెరిఫికేషన్, మెడికల్ ఎగ్జామినేషన్ తదితరాల ఆధారంగా అభ్యర్థులను ఎంపిక చేస్తారు. ఎంపికైనవారికి కేరళలోని ఎజిమలలోని ‘ఇండియన్ నేవీ అకాడమీ’లో 2025 జనవరిలో ప్రారంభమయ్యే కోర్సులో ప్రవేశాలు కల్పిస్తారు. దరఖాస్తు ప్రక్రియ ఫిబ్రవరి 24 నుంచి ప్రారంభమైంది. మార్చి 10 వరకు దరఖాస్తు చేసుకునేందుకు అవకాశం కల్పించారు. అంటే అప్లై చేసుకునేందుకు ఇంకా 6 రోజుల సమయం మాత్రమే ఉంది. దరఖాస్తు చేసుకోదలిచిన అభ్యర్థులు పూర్తి సమాచారం కోసం ఇండియన్ నేవీ అధికారికి వెబ్ సైట్ https://www.joinindiannavy.gov.in/ ను పరిశీలించాల్సి ఉంటుంది.
