ఇంటర్ పాసైతే చాలు.. 3,712 ప్రభుత్వ ఉద్యోగాలు రెడీ..

నిరుద్యోగులకు గుడ్ న్యూస్. దేశవ్యాప్తంగా పలు ప్రభుత్వ శాఖల్లో ఖాళీగా ఉన్న ఉద్యోగాల భర్తీ కోసం నోటిఫికేషన్ రిలీజ్ అయ్యింది. ఈ రిక్రూట్ మెంట్ ద్వారా ఏకంగా 3,712 ఉద్యోగాలను భర్తీ చేయనున్నారు. దీనికి సంబంధించిన సీహెచ్ఎస్ఎల్(10+2) నోటిఫికేషన్ ను స్టాఫ్ సెలక్షన్ కమిషన్ విడుదల చేసింది. ఈ ఉద్యోగాలకు మే 07 2024 వరకు దరఖాస్తు చేసుకోవచ్చు. ప్రకటించిన ఉద్యోగాల్లో లోయర్ డివిజన్ క్లర్క్/జూనియర్ సెక్రటేరియట్ అసిస్టెంట్, డేటా ఎంట్రీ ఆపరేటర్ పోస్టులున్నాయి.

ఇంటర్ ఉత్తీర్ణులైన వారు ఈ జాబ్స్ కు అర్హులు. ఆగస్టు 01 2024 నాటికి 18-27 ఏళ్ల వయసు కలిగిన వారు ఈ ఉద్యోగాలకు పోటీపడొచ్చు. ఆన్‌లైన్‌ విధానంలో అప్లయ్‌ చేసుకోవచ్చు. ఈ ఉద్యోగాలకు సంబంధించిన టైర్ 1 పరీక్షలు జూన్, జూలైలో నిర్వహించనున్నారు అధికారులు. అర్హత, ఆసక్తి కలిగిన అభ్యర్థులు పూర్తి సమాచారం కోసం ఎస్ఎస్సీ అధికారిక వెబ్ సైట్ https://ssc.gov.in/ ను పరిశీలించాల్సి ఉంటుంది. ఈ ఉద్యోగాలకు ఎంపికైతే పోస్టులను అనుసరించి నెలకు రూ. 19 వేల నుంచి 92 వేల వరకు జీతం అందిస్తారు.