పరీక్ష రాయకుండానే సెంట్రల్ జాబ్ కొట్టే ఛాన్స్.. నెలకు 1,60,000 జీతం

ఇటీవల కేంద్ర, రాష్ట్ర ప్రభుత్వాల నుంచి భారీ స్థాయిలో పోస్టుల భర్తీకోసం నోటిఫికేషన్స్ రిలీజ్ అవుతున్నాయి. నిరుద్యోగులకు జాబ్ కొట్టేందుకు ఇదే మంచి ఛాన్స్. జాబ్ లేదని వర్రీ అవుతున్న వారు సీరియస్ గా ట్రై చేస్తే.. జాబ్ కొట్టే ఛాన్స్ ఉంది. రైల్వే, త్రివిద దళాలు, విద్యుత్ సంస్థల్లో వందల్లో పోస్టులు భర్తీ అవుతున్నాయి. గవర్నమెంట్ జాబ్ సాధించడం కష్టంతో కూడుకున్న పని. పోటీపరీక్షల్లో అసాధారణ ప్రతిభ కనబరిస్తే తప్పా జాబ్ వరించదు. రాత పరీక్ష, ఇంటర్య్వూలను ఎదుర్కోవాల్సి ఉంటుంది. అన్ని స్టెప్స్ దాటితేనే ఉద్యోగం సొంతమవుతుంది. మీరు ప్రభుత్వ ఉద్యోగాలే లక్ష్యంగా ప్రిపేర్ అవుతున్నట్లైతే మీకు గుడ్ న్యూస్. కేంద్ర ప్రభుత్వ సంస్థ కోల్ ఇండియా లిమిటెడ్ నుంచి జాబ్ నోటిఫికేషన్ విడుదలైంది.

ఎలాంటి పరీక్ష రాయకుండానే సెంట్రల్ జాబ్ కొట్టే ఛాన్స్ వచ్చింది. కేంద్ర ప్రభుత్వ ఉద్యోగాన్ని సాధించి లైఫ్ లో సెటిల్ అయిపోవచ్చు. కోల్ ఇండియా లిమిటెడ్ దేశ వ్యాప్తంగా ఉన్న సీఐఎల్‌ కేంద్రాలు/ అనుబంధ సంస్థల్లో 640 మేనేజ్‌మెంట్ ట్రైనీ పోస్టులను భర్తీ చేయనున్నది. భర్తీకానున్న పోస్టుల్లో మైనింగ్- 263, సివిల్- 91, ఎలక్ట్రికల్- 102, మెకానికల్- 104, సిస్టమ్- 41, ఎలక్ట్రానిక్స్ అండ్‌ టెలికమ్యూనికేషన్- 39 ఉన్నాయి. అభ్యర్థులు కనీసం 60 శాతం మార్కులతో బ్యాచిలర్స్‌ డిగ్రీ (మైనింగ్/ సివిల్/ ఎలక్ట్రికల్ ఇంజినీరింగ్‌), బీఈ, బీటెక్‌ (కంప్యూటర్ సైన్స్/ కంప్యూటర్ ఇంజినీరింగ్/ ఐటీ/ ఎలక్ట్రానిక్స్ అండ్‌ టెలికమ్యూనికేషన్), ఎంసీఏ ఉత్తీర్ణతతో పాటు గేట్‌-2024 అర్హత సాధించి ఉండాలి.

వయసు 30 సంవత్సరాలు మించకూడదు. ఈ పోస్టులకు గేట్-2024 స్కోర్, రూల్‌ ఆఫ్‌ రిజర్వేషన్‌, డాక్యుమెంట్ వెరిఫికేషన్, మెడికల్ ఎగ్జామినేషన్ ఆధారంగా ఎంపిక చేస్తారు. ఈ ఉద్యోగాలకు ఎంపికైతే నెలకు రూ.50 వేల నుంచి రూ.1 లక్ష 60 వేల వరకు ఉంటుంది. దరఖాస్తు ఫీజు జనరల్/ ఓబీసీ/ ఈడబ్ల్యూఎస్‌ అభ్యర్థులకు రూ.1180.. ఎస్సీ, ఎస్టీ, దివ్యాంగ అభ్యర్థులకు ఫీజు చెల్లింపు నుంచి మినహాయింపు ఉంటుంది. అర్హత, ఆసక్తి ఉన్నవారు నవంబర్‌ 28వ తేదీలోగా ఆన్‌లైన్‌ విధానంలో అప్లై చేసుకోవాలి. అభ్యర్థులు పూర్తి సమాచారం కోసం www.coalindia.in వెబ్‌సైట్‌ ను సందర్శించాల్సి ఉంటుంది. గవర్నమెంట్ జాబ్స్ కోసం ట్రై చేస్తున్నవారు ఈ జాబ్స్ ను మిస్ చేసుకోకండి. ఇలాంటి గోల్డెన్ ఛాన్స్ మళ్లీ రాదు. వెంటనే అప్లై చేసుకోండి.