SRH vs RR: అన్ని టీమ్స్​ను రాజస్థాన్ భయపెడితే.. వాళ్లను తెలుగోడు వణికించాడు..!

ఐపీఎల్-2024లో అందర్నీ భయపెడుతోంది రాజస్థాన్ రాయల్స్ టీమ్. వరుస విజయాలతో టేబుల్ టాపర్​గా ఉన్న ఈ జట్టుతో మ్యాచ్ అంటేనే అపోజిషన్ టీమ్స్ వణికిపోతున్నాయి. అలాంటి సంజూ సేనకు భయాన్ని పరిచయం చేశాడు సన్​రైజర్స్​ పించ్ హిట్టర్ నితీష్ కుమార్ రెడ్డి. ఉప్పల్ వేదికగా జరుగుతున్న మ్యాచ్​లో రాజస్థాన్ బౌలర్లతో ఓ ఆటాడుకున్నాడీ తెలుగోడు. మొదటి బాల్ నుంచే ఊచకోత మొదలుపెట్టాడు. 42 బంతుల్లోనే 76 పరుగులతో ఉప్పల్​లో మినీ విధ్వంసం సృష్టించాడు.

నితీష్ క్రీజులో వచ్చేటప్పటికీ సన్​రైజర్స్ పరిస్థితి దారుణంగా ఉంది. 5 ఓవర్లలో 35 పరుగులకే 2 వికెట్లు కోల్పోయి దిక్కుతోచని స్థితిలో ఉంది ఆరెంజ్ ఆర్మీ. అప్పుడు ఓపెనర్ ట్రావిస్ హెడ్ (44 బంతుల్లో 58)తో జట్టు కట్టిన నితీష్ ఆకాశమే హద్దుగా చెలరేగాడు. హెడ్ బౌండరీస్​తో డీల్ చేస్తే నితీష్ మాత్రం సిక్సులతో విరుచుకుపడ్డాడు. బౌలర్ ఎవరనేది చూడకుండా ఏకంగా 8 భారీ సిక్సులు బాదాడు. అలాగే 3 ఫోర్లు కూడా కొట్టాడు. రవిచంద్రన్ అశ్విన్, అవేశ్ ఖాన్, యుజ్వేంద్ర చాహల్​ బౌలింగ్​లో పిచ్చకొట్టుడు కొట్టాడు. అతడి దెబ్బకు రాజస్థాన్ బౌలర్లు ఏం చేయాలో పాలుపోక బిక్కమొహం వేశారు. మరి.. నితీష్ ఇన్నింగ్స్ మీకెలా అనిపించిందో కామెంట్ చేయండి.

• ఇదీ చదవండి: వరల్డ్ కప్ మెయిన్ టీమ్​లో రింకూకు దక్కని ఛాన్స్.. రీజన్ ఏంటో చెప్పిన అగార్కర్!

THE NITISH KUMAR REDDY SHOW. 🤯

A fifty in just 30 balls with 5 sixes in Hyderabad – he came in when SRH were 35/2 after 5 overs. A great partnership between him and Head. 🔥 pic.twitter.com/a6l3rDfYdt

— Mufaddal Vohra (@mufaddal_vohra) May 2, 2024