Krishna Janmashtami 2024-Flower Is Offered: కృష్ణాష్టమి వేడుకలు మొదలయ్యాయి. దేశవ్యాప్తంగా ప్రజలు కన్నయ్య మీద భక్తి పారవశ్యంతో ఊగిపోతున్నారు. ఇక ఈ పండుగ నాడు ఒక్కో రకం పూలతో పూజిస్తే.. ఒక్కో ప్రయోజనం కలుగుతుందని అంటున్నారు. ఆ వివరాలు..
Krishna Janmashtami 2024-Flower Is Offered: కృష్ణాష్టమి వేడుకలు మొదలయ్యాయి. దేశవ్యాప్తంగా ప్రజలు కన్నయ్య మీద భక్తి పారవశ్యంతో ఊగిపోతున్నారు. ఇక ఈ పండుగ నాడు ఒక్కో రకం పూలతో పూజిస్తే.. ఒక్కో ప్రయోజనం కలుగుతుందని అంటున్నారు. ఆ వివరాలు..
శ్రావణమాసం ప్రారంభం అయ్యిందంటే చాలు.. పండగలు వరుస పెట్టి వస్తాయి. వరలక్ష్మి వ్రతంతో పర్వదినాలు మొదలవుతాయి. ఇక ఈ సోమవారం అనగా.. ఆగస్టు 26 న హిందువులు పవిత్రంగా జరుపుకునే పండగలలో ఒకటైన.. శ్రీ కృష్ణ జన్మాష్టమి పండుగ వస్తుంది. దీన్నే కృష్ణాష్టమి, గోకులాష్టమి, అష్టమి రోహిణి అని కూడా అంటారు. కృష్ణుడి పుట్టినరోజు సందర్భంగా.. ఈ పండుగ జరుపుకుంటారు. ప్రతీ ఏటా శ్రావణ మాసం కృష్ణ పక్షం, అష్టమి తిథి, రోహిణి నక్షత్రం నాడు కృష్ణాష్టమి వేడుకలు నిర్వహిస్తారు. జన్మాష్టమి నాడు కృష్ణుడిని ఇంటికి ఆహ్వానిస్తూ.. చిన్న చిన్న పాదాలను ముద్రిస్తారు. ఇంట్లో చిన్న పిల్లలు ఉన్న వాళ్లు.. తమ బిడ్డలను కన్నయ్యలా అలంకరించి.. మురిసిపోతారు.
వెన్న, అటుకులతో ప్రసాదాలు చేసి సమర్పిస్తారు. కృష్ణాష్టమి నాడు సమర్పించే ప్రసాదాలకు ఎంత విశిష్టత ఉంటుందో.. ఆ రోజు కన్నయ్యను పూజించే పూలకు కూడా అంతే ప్రాధాన్యత ఉంటుంది. మరి ఈ పండుగ నాడు శ్రీ కృష్ణుడిని ఏవిధమైన పూలతో పూజిస్తే ఎలాంటి అష్టైశ్వర్యాలు, భోగభాగ్యాలు కలుగుతాయో ఇప్పుడు తెలుసుకుందాం.
గోకులాష్టమి రోజున ఇంటిని శుభ్రం చేసుకుని.. తలరా స్నానం చేసి.. శుభ్రమైన బట్టలు ధరించాలి. పగలంతా ఉపవాసం ఉండి.. సాయంకాలం అత్యంత భక్తి శ్రద్ధలతో శ్రీ కృష్ణుని పూజిస్తారు. అయితే, జన్మాష్టమి రోజు శ్రీ కృష్ణుడిని నీలం రంగు పుష్పాలతో పూజిస్తే కృష్ణుడి సంపూర్ణమైన అనుగ్రహం లభించి శుభ ఫలితాలు కలుగుతాయంటున్నారు జ్యోతిష్య నిపుణులు. అంతేకాక ఈ పర్వదినం నాడు స్వామి వారిని తులసి దళాలతో ఆరాధిస్తే ఆయన సంపూర్ణ మైన అనుగ్రహం లభిస్తుందంటున్నారు.
ఇలా కృష్ణాష్టమి పండుగ నాడు శ్రీ కృష్ణుడిని ఒక్కొక్క పూలతో పూజిస్తే ఒక్కొక రకమైన విశేషమైన ప్రయోజనం లభిస్తుందని చెబుతున్నారు ప్రముఖ జ్యోతిష్య నిపుణులు మాచిరాజు కిరణ్.
