sai
sai
దేశంలో ఏదో ఓ చోట మహిళలపై అఘాయిత్యాలు జరుగుతూనే ఉన్నాయి. ప్రేమ,పెళ్లి పేరుతో వంచిస్తూ వారి జీవితాలను అందకారం చేస్తున్నారు. మహిళా రక్షణ కోసం ప్రభుత్వాలు కఠిన చట్టాలు అమలు చేస్తున్నప్పటికి మృగాళ్లలో ఏ మాత్రం మార్పు రావడం లేదు. ఈ క్రమంలోనే దేశంలో మరో ఘటన తీవ్ర కలకలంరేపింది. ఆప్యాయత అనురాగాలకు ప్రతీకైన రక్షాబంధన్ పండుగ రోజున ఓ అల్లరి మూక ఇద్దరు అక్కాచెల్లెళ్లపై దారుణానికి ఒడిగట్టారు. రక్షాబంధన్ వేడుకలు జరుపుకుని తిరిగి వస్తున్న క్రమంలో అక్కాచెల్లెళ్ల సామూహిక అత్యాచారానికి పాల్పడ్డారు. ఈ దారుణ ఘటన ఛత్తీస్ ఘడ్ లో చోటుచేసుకుంది.
రాయ్ పూర్ కు చెందిన ఇద్దరు అక్కా చెల్లెళ్లు పొరుగూరులో ఉన్న తమ అన్నయ్యకు రాఖీ కట్టేందుకు ఆ ఇద్దరిలో ఓ యువతికి కాబోయే భర్తతో కలిసి బైక్ పై బయలుదేరారు. అక్కడ రాఖీ పండుగను జరుపుకుని సొంతూరుకు తిరుగు ప్రయాణమయ్యారు. ఈ క్రమంలో కొంత దూరం వచ్చాక మార్గమద్యలో ముగ్గురు దుండగులు అడ్డుకున్నారు. వారి వద్ద ఉన్న సెల్ ఫోన్లు, నగదును బలవంతంగా దోచుకున్నారు. ఆ తరువాత మరో ఏడుగురు దుండగులు బైక్ లపై వచ్చి ఇద్దరు అక్కా చెల్లెళ్లను నిర్మానుష్య ప్రాంతానికి లాక్కెళ్లి సామూహిక అత్యాచారానికి పాల్పడ్డారు. అడ్డుకోబోయిన ఆ యువతి కాబోయే భర్తపై దాడిచేసి తీవ్రంగా గాయపరిచారు.
ఈ దారుణ ఘటనతో ఒక్కసారిగా స్థానికంగా తీవ్ర కలకలంరేగింది. ఇక ఈ ఘటనపై సమాచారం అందుకున్న పోలీసులు కేసు నమోదు చేసి దర్యాప్తు ప్రారంభించారు. నేరానికి పాల్పడిన పది మంది నిందితులను అరెస్టు చేశారు. అయితే ఆ నిందితుల్లో స్థానిక బీజేపీ నాయకుడి కొడుకు ఉండడంతో మరింత చర్చకు దారితీసింది. నిందితులు ఇది వరకు పలు నేరాల్లో హస్తం ఉన్నట్లు పోలీసులు గుర్తించారు. నిందితులపై పలు సెక్షన్ల కింద కేసు నమోదు చేసిన పోలీసులు లోతుగా విచారణ చేస్తున్నట్లు తెలిపారు.
