టీమిండియా స్టార్​ను ప్రశంసల్లో ముంచెత్తిన ఐర్లాండ్ కెప్టెన్.. అతడో అద్భుతమంటూ..!

టీ20 వరల్డ్ కప్-2024 వేటను మొదలుపెట్టేందుకు సిద్ధమైపోయింది టీమిండియా. స్వదేశంలో జరిగిన వన్డే వరల్డ్ కప్-2023లో ఓటమితో కసిగా ఉన్న రోహిత్ సేన.. పొట్టి కప్పును ఎగరేసుకుపోవాలని డిసైడ్ అయింది. ఇవాళ ఐర్లాండ్​తో జరిగే మ్యాచ్​తో వరల్డ్ కప్ వేటను స్టార్ట్ చేయనుంది. ఈ రెండు టీమ్స్ మధ్య న్యూయార్క్​లోని నసావు కౌంటీ స్టేడియంలో మ్యాచ్ జరగనుంది. పసికూన అని ఐర్లాండ్​ను తక్కువ అంచనా వేయడానికి లేదు. ఆ జట్టు బ్యాటింగ్ యూనిట్ దుర్భేద్యంగా ఉంది. టీ20 ప్రపంచ కప్​లో ఇంగ్లండ్ లాంటి బడా జట్లకు షాక్ ఇచ్చిన చరిత్ర ఐర్లాండ్ సొంతం. అందుకే ఆ టీమ్​ను లైట్ తీసుకోవడం లేదు టీమిండియా. ఈ తరుణంలో ఐరిష్ టీమ్ కెప్టెన్ పాల్ స్టిర్లింగ్ ఇంట్రెస్టింగ్ కామెంట్స్ చేశాడు.

భారత జట్టులోని ఆ స్టార్ క్రికెటర్ అంటే తనకు ఎంతో ఇష్టమని ఐర్లాండ్ కెప్టెన్ పాల్ స్టిర్లింగ్ అన్నాడు. అతడి బ్యాటింగ్ టాలెంట్ సూపర్బ్ అని.. అతడో అద్భుతమంటూ ప్రశంసల్లో ముంచెత్తాడు. స్టిర్లింగ్ మెచ్చుకుంది మరెవర్నో కాదు.. టీమిండియా టాప్ బ్యాట్స్​మన్ విరాట్ కోహ్లీనే. లెజెండ్ సచిన్ టెండూల్కర్ చేతుల్లో నుంచి బ్యాటన్​ను తీసుకొని భారత జట్టు బ్యాటింగ్ భారాన్ని కోహ్లీ మోస్తున్న తీరు సూపర్బ్ అని ప్రశంసలు కురిపించాడు స్టిర్లింగ్. దశాబ్దంన్నర కాలంగా అతడు నిలకడగా ఆడుతున్న తీరు గురించి ఎంత చెప్పినా తక్కువేనని అన్నాడు. ఇంతకాలం పాటు ప్యాషన్​తో ఆడుతూ తన బెస్ట్​ను ఇవ్వడం మామూలు విషయం కాదన్నాడు ఐర్లాండ్ సారథి.

‘కోహ్లీ గొప్ప బ్యాటర్. సచిన్ వారసత్వాన్ని పునికి పుచ్చుకొని అతడు ఆడుతున్న తీరు అద్భుతం. అతడిలా కన్​సిస్టెంట్​గా బెస్ట్ పెర్ఫార్మెన్స్ ఇవ్వడం మామూలు విషయం కాదు. భారత్​తో మ్యాచ్​కు సిద్ధంగా ఉన్నాం. ఆ టీమ్​తో ఆడటం సవాల్​తో కూడుకున్నది. ఆ జట్టులో టాప్ బ్యాటర్లు, టాప్ బౌలర్లు ఉన్నారు. అందునా ఐపీఎల్​లో రాణించి వస్తున్నారు. వాళ్లు హయ్యెస్ట్ క్రికెట్ స్టాండర్డ్స్​తో ఆడతారని మాకు తెలుసు. అయితే మేం కూడా మా బెస్ట్ ఇచ్చేందుకు ప్రయత్నిస్తాం. ఏదేమైనా ఈ మ్యాచ్​లో బాగా ఆడాలని అనుకుంటున్నాం. టీమిండియా మీద బెస్ట్ ఇస్తే గ్రూప్ దశలోని మిగతా మూడు మ్యాచుల్లోనూ అదే కాన్ఫిడెన్స్​తో ఆడొచ్చు’ అని పాల్ స్టిర్లింగ్ చెప్పుకొచ్చాడు. ఈ గ్రూప్ చాలా కఠినంగా ఉందని, ఇక్కడ గెలిచి ముందుకు వెళ్లడం అంత ఈజీ కాదన్నాడు. తాము ఆడే మ్యాచుల్లో ఇండియాతో మ్యాచే అత్యంత క్లిష్టమైనదని ఐర్లాండ్ కెప్టెన్ స్పష్టం చేశాడు. మరి.. కోహ్లీ గురించి స్టిర్లింగ్ చేసిన వ్యాఖ్యలపై మీరేం అనుకుంటున్నారో కామెంట్ చేయండి.

• ఇదీ చదవండి: CSKలోకి టీమిండియా స్టార్‌ క్రికెటర్‌! ధోని తర్వాత అంతా అతని చేతుల్లోకే!

Paul Stirling said “Seeing Virat Kohli come in sort of take that baton of Sachin Tendulkar & go to World Cricket is amazing to watch. His passion and drive to be the best for a long period of time is Amazing”. [Press] pic.twitter.com/C1UpkZLthQ

— Johns. (@CricCrazyJohns) June 4, 2024