Nidhan
బౌలింగ్, కెప్టెన్సీనే కాదు.. యాక్టింగ్లోనూ తగ్గేదేలే అంటున్నాడు సన్రైజర్స్ హైదరాబాద్ సారథి ప్యాట్ కమిన్స్. ‘పుష్ప’ విలన్ను దించేశాడతను.
బౌలింగ్, కెప్టెన్సీనే కాదు.. యాక్టింగ్లోనూ తగ్గేదేలే అంటున్నాడు సన్రైజర్స్ హైదరాబాద్ సారథి ప్యాట్ కమిన్స్. ‘పుష్ప’ విలన్ను దించేశాడతను.
Nidhan
ఈ జట్టు వేస్ట్. ఓటమి తప్ప గెలవడమే మర్చిపోయింది. ఐపీఎల్లో నుంచి తీసేయండి.. లాస్ట్ సీజన్ వరకు సన్రైజర్స్ హైదరాబాద్ మీద వచ్చిన విమర్శలు ఇవి. సొంత అభిమానుల నుంచి కూడా ఆ టీమ్కు మద్దతు కరువైంది. దానికి ప్రధాన కారణం చెత్తాటే. కప్పు సంగతి పక్కన బెడితే కనీసం ప్లేఆఫ్స్కు కూడా క్వాలిఫై కాలేకపోయింది ఆరెంజ్ ఆర్మీ. పాయింట్స్ టేబుల్లో లాస్ట్లో ఉన్న టీమ్స్తో పోటీపడుతూ ఫ్యాన్స్ను తీవ్రంగా నిరాశపర్చింది. అయితే ఒక్క సీజన్తో జట్టు రాతే మారిపోయింది. ఇప్పుడు టాప్ టీమ్స్ కూడా ఎస్ఆర్హెచ్ను చూస్తే గజగజ వణుకుతున్నాయి. దీనికి మెయిన్ రీజన్ కొత్త కెప్టెన్ ప్యాట్ కమిన్స్. జట్టుకు గెలుపు రుచి చూపించిన కమిన్స్.. ప్రత్యర్థులకు అసలైన భయం ఎలా ఉంటుందో పరిచయం చేస్తున్నాడు.
ఈ సీజన్లో సన్రైజర్స్ ఆటతీరే మారిపోయింది. అటాకింగ్ గేమ్తో అపోజిషన్ టీమ్స్ వెన్నులో వణుకు పుట్టిస్తోంది హైదరాబాద్. కమిన్స్ అటు బౌలర్గానూ, ఇటు కెప్టెన్గానూ ఫుల్ సక్సెస్ అవుతున్నాడు. టీమ్ను చక్కగా నడిపిస్తూ.. ఆటగాళ్లలోని టాలెంట్ను అవసరానికి తగ్గట్లు బయటకు తీస్తున్నాడు. అలాంటోడు క్రికెట్టే కాదు.. యాక్టింగ్లోనూ ఇరగదీస్తానని నిరూపించుకుంటున్నాడు. ఇటీవల మహేష్ బాబు, పవన్ కల్యాణ్ సినిమాల్లోని ఫేమస్ డైలాగ్లు చెప్పి తెలుగువారి మనసుల్ని దోచుకున్నాడు. ఇప్పుడు ‘పుష్ప’ విలన్ను దింపేశాడు కమిన్స్. లేటెస్ట్ వీడియోతో సోషల్ మీడియాను షేక్ చేస్తున్నాడు సన్రైజర్స్ సారథి.
‘పుష్ప’ ఫేమ్ ఫహద్ ఫాజిల్ నటించిన ‘ఆవేశం’ అనే మలయాళ సినిమా ఇటీవల విడుదలై సూపర్ హిట్గా నిలిచింది. ఇందులోని ‘కరింకాలియల్లే’ సాంగ్ బాగా వైరల్ అయింది. ఈ పాటలో ఫహద్ ఫాజిల్ ఒకేసారి రెండు విభిన్నమైన ఎక్స్ప్రెషన్స్తో ఆడియెన్స్ను మెస్మరైజ్ చేశాడు. దీంతో ఈ సాంగ్ మీద చాలా మంది సెలెబ్రిటీలు రీల్స్ చేస్తున్నారు. రాజస్థాన్ రాయల్స్తో నిన్న జరిగిన మ్యాచ్ను కాన్సెప్ట్గా తీసుకొని ఈ సాంగ్ను కమిన్స్ రీక్రియేట్ చేశాడు. ఎస్ఆర్హెచ్ బ్యాటింగ్ టైమ్లో పవర్ప్లేలో 2 వికెట్లు పడటం, హెడ్ డిస్మిసల్, నితీష్ కుమార్ రెడ్డి సూపర్బ్ బ్యాటింగ్, భువనేశ్వర్ బౌలింగ్, జైస్వాల్-పరాగ్ హిట్టింగ్ లాంటి మ్యాచ్లోని కీలక సందర్భాలను ఎక్స్ప్రెషన్స్తో అద్భుతంగా పండించాడు కమిన్స్. ఆ సాంగ్కు తగ్గట్లు అతడి హావభావాలు కూడా పర్ఫెక్ట్గా సింక్ అవడంతో ఈ వీడియో ఇప్పుడు వైరల్గా మారింది. మరి.. కమిన్స్ యాక్టింగ్ మీకెలా అనిపించిందో కామెంట్ చేయండి.
#OrangeArmy, happy alle? 😎
Audio courtesy: Karinkaliyalle | Black Bro pic.twitter.com/WlbdDs1nr3
— SunRisers Hyderabad (@SunRisers) May 3, 2024
