Nidhan
ప్రముఖ నటుడు రాహుల్ రామకృష్ణ ప్రధాన పాత్రలో నటించిన ‘శీష్ మహల్’ మూవీ రిలీజ్కు రెడీ అవుతోంది. ఈ సినిమా ఒకే వారంలో అటు థియేటర్లతో పాటు ఇటు ఓటీటీని కూడా దున్నేసేందుకు సిద్ధమవుతోంది.
ప్రముఖ నటుడు రాహుల్ రామకృష్ణ ప్రధాన పాత్రలో నటించిన ‘శీష్ మహల్’ మూవీ రిలీజ్కు రెడీ అవుతోంది. ఈ సినిమా ఒకే వారంలో అటు థియేటర్లతో పాటు ఇటు ఓటీటీని కూడా దున్నేసేందుకు సిద్ధమవుతోంది.
Nidhan
ఫిల్మ్ ఇండస్ట్రీలో ఎవరూ ఎప్పుడూ ఒకే ఇమేజ్లో ఉండిపోతారనే గ్యారెంటీ లేదు. సాధారణ నటులుగా అడుగుపెట్టిన వారు సూపర్స్టార్లుగా చక్రం తిప్పిన సందర్భాలు చాలానే ఉన్నాయి. అందుకే మొదట ఇక్కడ అవకాశం వస్తే చాలని అందరూ అనుకుంటారు. చిన్న రోల్స్ అయినా ఫర్లేదు.. క్లిక్ అయ్యాక భారీ అవకాశాలు వస్తాయని భావిస్తారు. స్మాల్ క్యారెక్టర్స్ చేసుకుంటూ బిగ్ స్టార్స్ అయిన వారూ ఉన్నారు. అలాగే కమెడియన్స్, విలన్స్గా కెరీర్ స్టార్ట్ చేసి హీరోలుగా మారి రాణించిన వారూ ఉన్నారు. ఈ తరంలోనూ ఈ ట్రెండ్ కొనసాగుతోంది. ఈ క్రమంలో మరో కమెడియన్ తన అదృష్టాన్ని పరీక్షించుకుంటున్నారు. ఆయనే రాహుల్ రామకృష్ణ. టాలీవుడ్లో టాప్ కమెడియన్గా ఉన్న ఆయన.. ‘శీష్ మహల్’ అనే సినిమాతో ప్రేక్షకుల్ని పలకరించేందుకు సిద్ధమయ్యారు. ఈ మూవీ ఒకే వారంలో అటు థియేటర్లతో పాటు ఇటు ఓటీటీలోకి రానుంది.
రాహుల్ రామకృష్ణ ప్రధాన పాత్రలో నటించిన ‘శీష్ మహల్’ ఫిబ్రవరి 14న బిగ్ స్క్రీన్స్లో రిలీజ్ కానుంది. ఈ ఆంథాలజీ ఫిల్మ్ను బుధవారం నాడు హైదరాబాద్లోని ఐమాక్స్ థియేటర్లో స్క్రీనింగ్ చేయనున్నారు. ఫిబ్రవరి 22వ తేదీ నుంచి ఈటీవీ విన్ ఓటీటీలో ‘శీష్ మహల్’ స్ట్రీమింగ్ అవనుంది. ఈ చిత్రం రిలీజ్ ట్రైలర్ను ఈటీవీ విన్ ఓటీటీ సోషల్ మీడియాలో పోస్ట్ చేసింది. క్యాంప్ శశి డైరెక్షన్లో రూపొందిన ఈ సినిమాను హైదరాబాద్ బ్యాక్డ్రాప్లో తీశారు. నాలుగు కథలతో ఆంథాలజీగా ‘శీష్ మహల్’ తెరకెక్కింది. ఫిల్మ్ ఫెస్టివల్స్ కోసం మూవీ తీయాలని నిశ్చయించుకున్న కొందరు ఎలాంటి కష్టాలు పడ్డారు? వాళ్లు తమ కలను ఎలా సాకారం చేసుకున్నారనేది రియలిస్టిక్గా ట్రైలర్లో చూపించారు. ఈ ట్రైలర్కు ప్రేక్షకుల నుంచి మంచి రెస్పాన్స్ లభిస్తోంది.
‘శీష్ మహల్’ సినిమాకు అయిన బడ్జెట్ గురించి తెలిస్తే షాకవ్వాల్సిందే. కేవలం రూ.15 లక్షల్లోనే ఈ చిత్రాన్ని పూర్తి చేసేశారు. 5డీ కెమెరాతో హైదరాబాద్లోనే ఈ ఫిల్మ్ షూటింగ్ మొత్తాన్ని కంప్లీట్ చేశారు. షూటింగ్కు ఏడు లక్షలు, మరో ఎనిమిది లక్షలతో పోస్ట్ ప్రొడక్షన్ వర్క్ పూర్తి చేశామని స్వయంగా డైరెక్టర్ తెలిపారు. ‘పెళ్లి చూపులు’, ‘ఈ నగరానికి ఏమైంది’ లాంటి సూపర్ హిట్స్కు మ్యూజిక్ అందించిన వివేక్ సాగర్.. ‘శీష్ మహల్’కు బాణీలు అందించడం విశేషం. ఈ మూవీలో చాలా మంది కొత్త నటులు యాక్ట్ చేశారు. ‘అర్జున్ రెడ్డి’కి ముందే రాహుల్ రామకృష్ణ ఈ చిత్రంలో నటించారు. అయితే ఇప్పటికి రిలీజ్కు మోక్షం లభించింది. కెరీర్ స్టార్టింగ్లో ఆయన నటించిన సినిమా కావడంతో చాలా మంది ఆడియెన్స్ దీనిపై ఇంట్రెస్ట్ చూపిస్తున్నారు. అందులోనూ ఆంథాలజీ కావడంతో ఎక్స్పెక్టేషన్స్ మరింత పెరిగాయి. మరి.. ‘శీష్ మహల్’ను చూసేందుకు మీరెంత ఎదురు చూస్తున్నారో కామెంట్ల రూపంలో తెలియజేయండి.
ఇదీ చదవండి: Movie: ‘ఫైటర్‌’ OTT రిలీజ్ డేట్‌.. ఎప్పటినుంచంటే?
Presenting you this film from streets of Hyderabad…
Trailer out now!!
▶️ : https://t.co/J338PN6zoQ
.
.#SheeshMahal#EtvWin #WinThoWinodam pic.twitter.com/FuZtLjCrLe— ETV Win (@etvwin) February 10, 2024
