ప్రముఖ నటి విజయలక్ష్మి పేరు వినే ఉంటారు. తెలుగు, కన్నడ భాషల్లో చాలా సినిమాల్లో ఆమె నటించారు. కొన్ని చిత్రాల్లో హీరోయిన్గానూ యాక్ట్ చేశారు. అయితే ఆ తర్వాత క్యారెక్టర్ ఆర్టిస్ట్గా మారి ఎన్నో మూవీస్లో తన నటనా పటిమతో ప్రేక్షకులను అలరించారు. 1997లో ‘నాగమండలం’ అనే సినిమాతో ఆమె తన సినీ కెరీర్ను ప్రారంభించారు. ఈ ఫిల్మ్లో విలక్షణ నటుడు ప్రకాశ్రాజ్కు జోడీగా నటించారామె. ఫస్ట్ మూవీతోనే ఫిల్మ్ఫేర్ ఉత్తమ నటిగా పురస్కారాన్ని గెలుచుకున్నారు. అనంతరం ‘జోడిహక్కి’, ‘భూమితై చొచ్చల మగా’, ‘అరుణోదయ’, ‘స్వస్తిక్’, ‘హబ్బా’, ‘సూర్యవంశం’ వంటి కన్నడ చిత్రాల్లో నటించారు.
తెలుగులోనూ పలు సినిమాల్లో నటించి ఇక్కడి ఆడియెన్స్నూ ఆకట్టుకున్నారు విజయలక్ష్మి. బ్లాక్ బస్టర్గా నిలిచిన ‘హనుమాన్ జంక్షన్’తో పాటు ‘పృథ్వీ నారాయణ’ మూవీలో ఆమె కనిపించారు. అంతేగాకుండా స్టార్ హీరో మోహన్లాల్తో కలసి ‘దేవదూతన్’ అనే మలయాళ చిత్రంలోనూ నటించారు. ఆమె తన కెరీర్లో దాదాపుగా 40 సినిమాలు చేశారు. అయితే 2006లో తండ్రి మరణంతో విజయలక్ష్మి నిద్రమాత్రలు వేసుకొని సూసైడ్కు పాల్పడినట్లు అప్పట్లో న్యూస్ వచ్చింది. మూడేళ్ల డేటింగ్ తర్వాత మార్చి 2007లో నటుడు సృజన్ లోకేష్తో ఎంగేజ్మెంట్ చేసుకున్నారు.
నటుడు సృజన్తో విజయలక్ష్మి నిశ్చితార్థం పెళ్లి వరకూ వెళ్లలేదు. అనంతరం సినిమాలకే పరిమితమైన విజయలక్ష్మి గత కొన్నేళ్లుగా మళ్లీ వార్తల్లో నిలుస్తున్నారు. ప్రముఖ తమిళ నటుడు, దర్శకుడు, నామ్ తమిళర్ కట్చి పార్టీ అధినేత సీమాన్పై ఆ మధ్య తీవ్ర ఆరోపణలు చేశారు విజయలక్ష్మి. ఆయన తనను పెళ్లి చేసుకుంటానని నమ్మించి.. మోసం చేశాడని ఆరోపిస్తూ 2020 ఫిబ్రవరిలో పోలీసులకు ఫిర్యాదు చేశారు. అప్పట్లో ఆయన వేధింపులు తట్టుకోలేక మాత్రలు మింగి సూసైడ్కు ప్రయత్నించినట్లుగా వార్తలు వచ్చాయి. అయితే రీసెంట్గా మరోమారు సీమాన్పై ఆరోపణలు చేశారామె.
సీమాన్ మ్యారేజ్ పేరుతో నమ్మించి తనను శారీరకంగా వాడుకున్నాడని విజయలక్ష్మి ఆరోపించారు. లవ్ చేస్తున్నట్లు నటించి 7 సార్లు బలవంతంగా అబార్షన్ చేయించాడని వాపోయారు. తన బంగారు నగలు తీసుకొని సీమాన్ మోసం చేశాడని తెలిపారు. విజయలక్ష్మి ఆరోపణలతో కేసు నమోదు చేసుకున్న పోలీసులు.. సీమాన్ను ఇన్వెస్టిగేషన్కు హాజరవ్వాలని ఆదేశించారు. అయితే ఆయన విచారణకు రాలేదు. దీంతో ఇన్వెస్టిగేషన్కు రావాల్సిందేనని మరోమారు హెచ్చరించారు. దీంతో ఇన్వెస్టిగేషన్కు వచ్చిన సీమాన్ను విచారించారు పోలీసులు. అలాగే అబార్షన్ ఆరోపణల నేపథ్యంలో విజయలక్ష్మికి మెడికల్ టెస్టులు నిర్వహించారు.
ఇదీ చదవండి: స్టార్ హీరో మమ్ముట్టి ఇంట తీవ్ర విషాదం!
