టాలీవుడ్ టాప్ హీరోయిన్ రష్మికా మందన్నకు ఉన్న ఫ్యాన్ ఫాలోయింగ్ గురించి తెలిసిందే. యూత్లో ఆమె ఒక రేంజ్లో అభిమానులు ఉన్నారు. తన అల్లరి చేష్టలు, క్యూట్ యాక్టింగ్తో కోట్లాది మంది అభిమానాన్ని ఆమె సొంతం చేసుకున్నారు. ఈ కన్నడ కస్తూరికి సోషల్ మీడియాలో 38 మిలియన్ల మంది ఫాలోవర్లు ఉన్నారు. మూవీ షూటింగ్స్ నుంచి కాస్త ఖాళీ సమయం దొరికినా రష్మిక తన ఫ్యాన్స్తో ఆసక్తికర విషయాలు పంచుకుంటూ ఉంటారు. తాజాగా ఓ చిత్రం షూటింగ్ గ్యాప్లో నెటిజన్లతో ఆమె ముచ్చటించారు. వాళ్లు అడిగిన క్వశ్చన్స్కు సరదాగా సమాధానాలు చెప్పారు.
మీకు ఇష్టమైన ప్లేస్ ఏదని నెటిజన్స్ అడగ్గా.. ‘కర్ణాటకలోని కూర్గ్లో ఉన్న మా ఇల్లు అంటే ఎంతో ఇష్టం’ అని రష్మిక జవాబిచ్చారు. తనకు మొత్తంగా ఆరు భాషలు వచ్చని ఆమె తెలిపారు. హైదరాబాద్ యాసలో మాట్లాడమని ఒక నెటిజన్ క్రష్మికను అడిగారు. దానికి ఆమె.. ‘నమస్తే.. ఎట్లా ఉన్నారు? వచ్చేశెయ్. మస్తు ఉంది’ అంటూ క్యూట్గా తెలుగులో మాట్లాడేశారు. తెలుగుతో పాటు తమిళం, కన్నడ భాషల్లోనూ మాట్లాడి అందర్నీ ఆమె అలరించారు. నటించడం అంటే తనకు ఎంతో ఇష్టమని.. ఈ ప్రొఫెషన్ను తాను ఎంతగానో ప్రేమిస్తున్నట్లు రష్మికా మందన్న తెలిపారు.
ఫుడ్ విషయానికొస్తే.. తనకు కొరియన్ ఫ్రైడ్ చికెన్ అంటే చాలా ఇష్టమని రష్మిక చెప్పుకొచ్చారు. ఆహారం సంగతిని పక్కనబెడితే.. రష్మిక హైదరాబాద్ యాసలో మాట్లాడటం ఇంట్రెస్టింగ్గా మారింది. ఫేవరెట్ హైదరాబాద్ ఫ్రెండ్ ఎలా మాట్లాడతాడో అలా కొన్ని డైలాగ్స్ చెప్పి అందర్నీ అలరించారామె. అయితే ఫేవరెట్ ఫ్రెండ్ అంటే.. రౌడీ స్టార్ విజయ్ దేవరకొండ గురించే కదా అని నెటిజన్స్ అంటున్నారు. రష్మిక మాటలు అచ్చం విజయ్ను తలపిస్తున్నాయని కొందరు నెటిజన్స్ చెబుతున్నారు. ఇదిలా ఉంటే.. రష్మిక ప్రస్తుతం ‘పుష్ప 2’లో యాక్ట్ చేస్తున్నారు. అలాగే బాలీవుడ్ స్టార్ రణ్బీర్ కపూర్ సరసన ‘యానియల్’లో నటిస్తున్నారు. మరి.. రష్మిక హైదరాబాద్ యాస మీకు ఎలా అనిపించిందో కామెంట్ల రూపంలో తెలియజేయండి.
Antha Anna Daya 😂
Rashmika Shares a cute dialogue of her hyderabad Friend #VijayDeverakonda #RashmikaMandanna pic.twitter.com/AkjdTGV8ag
— PushpaTheRule 🌟 (@uicaptures) July 10, 2023