P Venkatesh
ఉద్యోగాల కోసం ఎదురుచూసే నిరుద్యోగులకు గుడ్ న్యూస్. 9144 పోస్టులకు రైల్వే రిక్రూట్ మెంట్ బోర్డ్ నోటిఫికేషన్ రిలీజ్ చేసింది. టెన్త్, ఐటీఐ అర్హతతోనే మీరు ఈ ఉద్యోగాలను పొందొచ్చు.
ఉద్యోగాల కోసం ఎదురుచూసే నిరుద్యోగులకు గుడ్ న్యూస్. 9144 పోస్టులకు రైల్వే రిక్రూట్ మెంట్ బోర్డ్ నోటిఫికేషన్ రిలీజ్ చేసింది. టెన్త్, ఐటీఐ అర్హతతోనే మీరు ఈ ఉద్యోగాలను పొందొచ్చు.
P Venkatesh
దేశంలోనే పెద్ద సంఖ్యలో ప్రభుత్వ ఉద్యోగులను కలిగిన శాఖ ఏదైనా ఉందంటే అది భారతీయ రైల్వే శాఖ మాత్రమే. అతిపెద్ద నెట్ వర్క్ కలిగిన దేశంగా భారత్ లక్షలాది మంది ప్రయాణికులను తమ గమ్య స్థానాలకు చేరవేస్తుంది. ఛార్జీల ధరలు తక్కువ, సమయం ఆదా అవుతుండడంతో ప్రయాణికులు రైలు ప్రయాణానికే మొగ్గు చూపుతుంటారు. అయితే ప్రజలకు మెరుగైన సౌకర్యాలను అందించేందుకు అవసరమైన సిబ్బందిని ఎప్పటికప్పుడు భర్తీ చేస్తుంటుంది రైల్వే డిపార్ట్ మెంట్. ఈ నేపథ్యంలోనే దేశవ్యాప్తంగా ఉన్న 21 రైల్వే రీజియన్ల పరిధిలో మొత్తం 9,144 టెక్నీషియన్ పోస్టుల భర్తీకి రైల్వే రిక్రూట్‌మెంట్‌ బోర్డు నోటిఫికేషన్ రిలీజ్ చేసింది.
మీరు టెన్త్, ఐటీఐ పాసైతే మీ అంత అదృష్టవంతులు మరెవరుండరు. డిగ్రీ, డిప్లొమా ఉత్తీర్ణులైన వారు కూడా అప్లై చేసుకోవచ్చు. ఈ ఉద్యోగాలను పొంది జీవితంలో స్థిరపడిపోవచ్చు. రైల్వే రిక్రూట్ మెంట్ బోర్డ్ ప్రకటించిన 9144 పోస్టుల్లో టెక్నీషియన్ గ్రేడ్-I సిగ్నల్ ఖాళీలు 1092, టెక్నీషియన్ గ్రేడ్-III 8052 పోస్టులు భర్తీ చేయనున్నారు. అభ్యర్థులు ఆన్ లైన్ విధానంలో దరఖాస్తు చేసుకోవాల్సి ఉంటుంది. అర్హత, ఆసక్తి ఉన్న అభ్యర్థులు మార్చి 9 నుంచి ఏప్రిల్ 8 వరకు అప్లై చేసుకోవచ్చు. దరఖాస్తు ఫీజు ఎస్సీ, ఎస్టీ, మాజీ సైనికోద్యోగులు, మహిళలు, ట్రాన్స్‌జెండర్‌, మైనారిటీ, ఈబీసీ అభ్యర్థులు రూ.250, ఇతరులు రూ.500 చెల్లించాల్సి ఉంటుంది. పూర్తి సమాచారం కోసం https://rrbsecunderabad.gov.in/ను పరీశీలించండి.
