Ante Sundaraniki OTT Date ఓటిటి సుందరం వచ్చేస్తున్నాడా?

అంటే సుందరానికి ఇంకా నాలుగో వారంలోకి అడుగు పెట్టలేదు. కలెక్షన్లు ఎప్పుడో తగ్గుముఖం పట్టాయి. మాది క్లాసిక్, ఫ్యామిలీ హిట్ అని టీమ్ ఎంత చెప్పుకున్నా అవి వసూళ్లలో కనిపించలేదు. ప్రమోషన్ ఇంటర్వ్యూలో అంత త్వరగా తమ సినిమా ఓటిటిలో రాదని బయట జరుగుతున్న ప్రచారం అబద్దమని చెప్పిన నాని ఇప్పుడు మాట తప్పొచ్చని టాక్. నెట్ ఫ్లిక్స్ లో జూలై 8న అంటే సుందరానికి డిజిటల్ ప్రీమియర్ జరుపుకోబోతోందని సమాచారం. ఇంకా అధికారికంగా చెప్పలేదు కానీ నిర్మాతలు ఓటిటి సంస్థకు మధ్య జరిగిన ఒప్పందంలో భాగంగా నెల రోజులు పూర్తి కాకుండానే వేసుకునే వెసులుబాటు ఉండటంతో ఆ మేరకు డిసైడ్ అయ్యారట.

అఫీషియల్ అప్డేట్ వచ్చేదాకా వేచి చూడాలి మరి. ఇంకో ట్విస్ట్ ఏంటంటే జూలై 8 కన్నా ముందే సుందరం వచ్చినా ఆశ్చర్యం లేదు. ఎందుకంటే అదే డేట్ విక్రమ్ వచ్చే అవకాశాలు చాలా ఉన్నాయి. హాట్ స్టార్ ఆ మేరకు రెడీ అవుతోందని ఆల్రెడీ రిపోర్ట్స్ వచ్చాయి. సో ఫస్ట్ వీక్ లోనే సుందరం అల్లరిని స్మార్ట్ స్క్రీన్ మీద చూసుకోవచ్చు. వివేక్ ఆత్రేయ దర్శకత్వంలో మైత్రి మూవీ మేకర్స్ నిర్మించిన ఈ ఎంటర్ టైనర్ ద్వారా నజ్రియా ఫస్ట్ టైం టాలీవుడ్ ఎంట్రీ ఇచ్చింది. పెద్ద సక్సెస్ అవుతుందనే నమ్మకంతో హైదరాబాద్ లోనే మకాం వేసి చాలా ఇంటర్వ్యూలు ఇచ్చింది. ఇకపై ఆఫర్లు వస్తే ఇక్కడే కొనసాగుతానని కూడా చెప్పింది. కానీ జరిగింది వేరు.

బాక్సాఫీస్ వద్ద అనూహ్య పరిణామాలు జరుగుతున్న నేపథ్యంలో అంటే సుందరానికి ఒక మంచి పాఠంగా తీసుకొచ్చు. దర్శకులకు తమ కంటెంట్ మీద ఎంత ప్రేమ ఉన్నా ల్యాగ్ లేకుండా ఆడియన్స్ ని మెప్పించడం చాలా అవసరం. మనకు అనిపించినంత గొప్పగా ప్రేక్షకులు ఫీల్ కానప్పుడు ఫలితం మీద ప్రభావం ఉంటుంది. అంటే సుందరానికి లెన్త్ విషయంలో జరిగింది అదే. ముందు నుంచి మూడు గంటల నిడివి గురించి నెలకొన్న భయం చివరికి నిజమై ఏకంగా రెవిన్యూని దెబ్బ కొట్టింది. అది తగ్గిస్తే బ్లాక్ బస్టర్ అయ్యేది కాదు కానీ ఖచ్చితంగా ఇప్పటికంటే బెటర్ టాక్ వచ్చి కలెక్షన్లలో పెరుగుదల ఉండేదన్న మాట వాస్తవం. ఇప్పుడు కథ ముగిసింది