బార్ నూతన పాలసీ.. మార్గదర్శకాలు షురూ

జనవరి 1 నుంచి బార్ల కేటాయింపులో నూతన పాలసీకి సంబందించిన ప్రక్రియను ప్రభుత్వం మొదలుపెట్టింది. ఆ మేరకు సోమవారం మార్గదర్శకాలతో కూడిన ఉత్తర్వులు జారీ చేసింది. నూతన విధానం ప్రకారం.. పర్యాటక ప్రాంతాల్లో ఎక్కడా బార్లు, మైక్రో బ్రూవరీలు ఉండవు.

వీరు లైసెన్సులకు అనర్హులు..

– మద్యం కేసుల్లో శిక్ష పడిన వారు
– 21 ఏళ్ల లోపు వయస్సున్న వారు
– ప్రభుత్వానికి ఎక్సైజ్‌ రెవెన్యూ ఎగవేతదారులు
– కుష్టు వ్యాధి, ఇతర వ్యాధులున్న వారు

బార్ భవనం ఇలా ఉండాలి..

– బార్‌ను కనీసం 200 చదరపు మీటర్లలో ఏర్పాటు చేయాలి
– వాటికి అనుబంధంగా ఏర్పాటయ్యే రెస్టారెంట్, కిచెన్‌ 15 చదరపు మీటర్లలో ఉండాలి.
– గుర్తింపున్న విద్యా సంస్ధలకు, దేవదాయ శాఖ గుర్తించిన దేవాలయాలు, వక్ఫ్‌బోర్డు గుర్తింపున్న మసీదులు, రిజిస్టర్డ్‌ క్రైస్తవ సంస్థలు నిర్వహించే చర్చిలకు, ఆస్పత్రులకు 100 మీటర్లలోపు బార్లు ఏర్పాటు చేయరాదు.
– జాతీయ, రాష్ట్ర రహదార్లకు 500 మీటర్ల లోపు దూరంలో ఉండకూడదు.
– అక్టోబర్‌ 2, ఆగష్టు 15, జనవరి 26 తేదీలను డ్రై డేలుగా గుర్తించారు.

బార్ల లైసెన్స్‌కు ఇతర నియమ నిబంధనలివే..

ప్రస్తుతం ఉన్న బార్లలో 40 శాతం తగ్గించి వాటి సంఖ్యను ఎక్సైజ్‌ కమిషనర్‌ ప్రకటిస్తారు. దరఖాస్తు , లైసెన్సు ఫీజుల్ని ప్రకటించారు.
– బార్, మైక్రో బ్రూవరీని నగర పంచాయతీలు, మున్సిపాలిటీల్లో రెండు కి.మీ. పరిధిలోనూ, కార్పొరేషన్లలో 5 కి.మీ. పరిధిలో ఏర్పాటు చేయాలి.
– దరఖాస్తు రుసుం రూ.10 లక్షలు. దీన్ని తిరిగి ఇవ్వరు
– స్టార్‌ హోటళ్లు, బ్రూవరీలను మినహాయించి మిగిలిన 797 బార్లలో 40 శాతం తగ్గించి 478 బార్లకే లైసెన్సులిస్తారు. ఉదాహరణకు ఏదైనా మున్సిపాలిటీలో పది బార్లుంటే.. వాటిలో నాలుగు తగ్గిస్తారు. అదే ఒక బార్‌ ఉంటే అలానే ఉంచుతారు.
– బార్‌కు దరఖాస్తు చేసుకునే వారు ట్రేడ్‌ లైసెన్స్‌ తీసుకోవాలి. లేదా ఫుడ్‌ సేఫ్టీ స్టాండర్ట్‌ యాక్టు–2006 ప్రకారం లైసెన్స్‌ పొందాలి.
– వ్యాపార వేళలు ఉదయం 11 నుంచి రాత్రి 10 గంటలు. ఆహార సరఫరా 11 వరకూ ఉంటుంది. త్రీస్టార్, ఆపైస్థాయి హోటళ్లకు వ్యాపార వేళలు ఉదయం 11 నుంచి రాత్రి 11 వరకు, ఆహార సరఫరా అర్ధరాత్రి 12 వరకు.
– లైసెన్సు మార్పిడి, కొత్త లైసెన్స్‌ ప్రకటన ఎక్సైజ్‌ కమిషనర్‌ అనుమతితోనే ఉంటుంది. ఎక్సైజ్‌ చట్టం 31, 32 ప్రకారం లైసెన్స్‌ రద్దు చేసే, ఉపసంహరించుకునే అవకాశం ఉంటుంది.

2345