భార్యకు ముద్దుపెట్టిన భర్త.. చితక్కొట్టిన స్థానికులు.

భార్యకు ముద్దుపెట్టిన భర్తను అసభ్య పదజాలంతో తిట్టడంతో పాటు.. అతడిని పక్కకు లాగి కొట్టారు. ఈ వీడియో ప్రస్తుతం నెట్టింట్లో వైరల్ అవుతోంది. భార్యకు ముద్దుపెడితే కొట్టడం ఏంటి ? అనే కదా మీ సందేహం. అతను తన భార్యకు నాలుగు గోడల మధ్య ముద్దుపెట్టలేదు. నలుగురూ చూస్తుండగా .. అది కూడా నదీస్నానం చేస్తుండగా ముద్దు పెట్టాడు. పవిత్రమైన నదీస్నానం చేసేటపుడు భార్యకు ముద్దుపెట్టడం అక్కడున్న వారిని ఆగ్రహానికి గురిచేసింది. ఈ ఘటన అయోధ్యలో చోటుచేసుకుంది.

ఉత్తరప్రదేశ్ లోని శ్రీరాముడి జన్మస్థలమైన అయోధ్యలో ప్రవహించే పవిత్రమైన సరయూనదిలో ఓ జంట స్నానం చేసేందుకు దిగింది. ఈ క్రమంలో భర్త తన భార్యకు ముద్దుపెట్టాడు. పక్కనే స్నానం చేస్తున్న పలువురు ఇది గమనించి.. అతడిని నది నుంచి పక్కకు లాగి అసభ్యపదజాలంతో తిట్టాడు. ఆపై చేయిచేసుకున్నారు. పవిత్రమైన అయోధ్యలో బహిరంగంగా ఇలాంటి పనులు చేయడాన్ని సహించబోమని ఆ గుంపులో ఉన్న ఓ వ్యక్తి తెలిపాడు. ఇదంతా ఎవరో వీడియో తీసి నెట్టింట్లో పోస్ట్ చేయగా అది వైరల్ అయింది. విషయం పోలీసుల దృష్టికి చేరడంతో.. ఘటనపై దర్యాప్తు చేసి చర్యలు తీసుకుంటామని తెలిపారు.

अयोध्या: सरयू में स्नान के दौरान एक आदमी ने अपनी पत्नी को किस कर लिया. फिर आज के रामभक्तों ने क्या किया, देखें: pic.twitter.com/hG0Y4X3wvO

— Suneet Singh (@Suneet30singh) June 22, 2022