ఇండియా-పాకిస్థాన్ మ్యాచ్లను వరుణుడు వదలనంటున్నాడు. ఆసియా కప్-2023లో భాగంగా ఈ రెండు జట్ల మధ్య జరిగిన లీగ్ మ్యాచ్ను రద్దు చేయించిన వర్షం.. ఆదివారం సూపర్-4 మ్యాచ్కు కూడా అడ్డుపడింది. ఈ మ్యాచ్లో టాస్ గెలిచిన పాకిస్థాన్ ఫీల్డింగ్ ఎంచుకుంది. దీంతో బ్యాటింగ్కు దిగిన భారత్ 24.1 ఓవర్లలో 147/2తో ఉన్న దశలో వాన వల్ల ఆట ఆగిపోయింది. ఆ తర్వాత వర్షం కొంచెం తగ్గినా మైదానం ఆటకు అనువుగా లేకపోవడంతో రిజర్వ్ డే అయిన సోమవారానికి మ్యాచ్ను పోస్ట్పోన్ చేశారు. ఆదివారం ఎక్కడైతే ఆట ఆగిందో అక్కడి నుంచే రిజర్వ్ డే నాడు మ్యాచ్ కొనసాగనుంది.
పాక్తో సూపర్-4 మ్యాచ్లో టీమిండియా ఓపెనర్లు శుబ్మన్ గిల్ (58), రోహిత్ శర్మ (56) అదరగొట్టారు. ఈ జోడీ జట్టుకు మెరుపు ఆరంభాన్ని అందించింది. ముఖ్యగా గిల్ అయితే చెలరేగిపోయాడు. పాక్ స్పీడ్స్టర్ షాహీన్ షా అఫ్రిదీని టార్గెట్ చేసుకొని బౌండరీల మీద బౌండరీలు కొడుతూ స్కోరు బోర్డును పరుగులెత్తించాడు. అతడికి తోడుగా కెప్టెన్ రోహిత్ కూడా ఫోర్లు, సిక్సులతో రెచ్చిపోవడంతో దాయాది జట్టు బౌలర్లకు ఏం చేయాలో పాలుపోలేదు. అయితే వీళ్లిద్దరూ స్పల్ప వ్యవధిలోనే వెనుదిరగడంతో భారత్ డిఫెన్స్లో పడింది. స్టార్ బ్యాటర్ విరాట్ కోహ్లీ (8 నాటౌట్), కేఎల్ రాహుల్ (17 నాటౌట్) క్రీజులో ఉన్నారు.
ఇక, క్రికెట్ ఫీల్డ్లో ఆటగాళ్ల మధ్య పోటీతత్వం ఎలా ఉంటుందో చూస్తూనే ఉంటాం. బరిలోకి దిగితే ప్లేయర్లు ఢీ అంటే ఢీ అంటూ పోరాడతారు. కానీ ఇది మైదానం వరకే పరిమితం. చాలా మంది క్రికెటర్లు ఫీల్డ్ బయట ఎంతో క్లోజ్గా ఉంటారు. తాజాగా భారత్-పాకిస్థాన్ ప్లేయర్ల మధ్య మంచి స్నేహ బంధం ఉందని మరోమారు రుజువైంది. పాక్ స్టార్ పేసర్ షాహీన్ అఫ్రిదీ తన మంచి మనసు చాటుకున్నాడు. భారత పేసర్ జస్ప్రీత్ బుమ్రా ఇటీవల తండ్రైన సంగతి తెలిసిందే. ఈ నేపథ్యంలో ఆదివారం సూపర్ 4 మ్యాచ్ సందర్భంగా బుమ్రాను కలసిన అఫ్రిదీ శుభాకాంక్షలు తెలియజేశాడు. అలాగే ఒక గిఫ్ట్ను కూడా ఇచ్చాడు. ఆ తర్వాత వీళ్లిద్దరూ ఆలింగనం చేసుకున్నారు. తనకు బహుమతిని ఇచ్చిన పాక్ పేసర్కు బుమ్రా థ్యాంక్స్ చెప్పాడు.
ఇదీ చదవండి: ఇలాంటి విన్యాసాలు పాక్కే సాధ్యం! నవ్వకండి ప్లీజ్..
Shaheen Afridi gave a gift to Jasprit Bumrah and congratulated him for becoming a father.
A beautiful gesture! pic.twitter.com/cdtzop2x1Y
— Mufaddal Vohra (@mufaddal_vohra) September 10, 2023
