Nidhan
ఐపీఎల్-2024లో కేకేఆర్ ఛాంపియన్గా నిలిచిన సంగతి తెలిసిందే. ఫైనల్ ఫైట్లో సన్రైజర్స్ హైదరాబాద్ను ఓడించి విజేతగా ఆవిర్భవించింది కోల్కతా. కప్పు గెలిచిన ఆనందంలో నుంచి ఆ టీమ్ ప్లేయర్లు ఇంకా బయటపడటం లేదు.
ఐపీఎల్-2024లో కేకేఆర్ ఛాంపియన్గా నిలిచిన సంగతి తెలిసిందే. ఫైనల్ ఫైట్లో సన్రైజర్స్ హైదరాబాద్ను ఓడించి విజేతగా ఆవిర్భవించింది కోల్కతా. కప్పు గెలిచిన ఆనందంలో నుంచి ఆ టీమ్ ప్లేయర్లు ఇంకా బయటపడటం లేదు.
Nidhan
ఐపీఎల్-2024లో కేకేఆర్ ఛాంపియన్గా నిలిచిన సంగతి తెలిసిందే. ఫైనల్ ఫైట్లో సన్రైజర్స్ హైదరాబాద్ను ఓడించి విజేతగా ఆవిర్భవించింది కోల్కతా. ఆ జట్టు టైటిల్ నెగ్గడం ఇది మూడోసారి. పదేళ్ల తర్వాత కప్పు గెలవడంతో అభిమానులు సంతోషంలో మునిగిపోయారు. ఆ టీమ్ ప్లేయర్లు కూడా ఆనందంలో నుంచి ఇంకా బయటపడటం లేదు. కేకేఆర్ కప్పు గెలవగానే అందరికంటే ఎక్కువగా సెలబ్రేట్ చేసుకున్నాడు ఫినిషన్ రింకూ సింగ్. తోటి ఆటగాళ్లను కౌగించుకొని కేరింతలు కొట్టాడు. ఈలలు వేస్తూ గోల చేశాడు. సాధించామని అరుస్తూ కప్పుకు ముద్దులు పెట్టాడు. కేకేఆర్ సెలబ్రేషన్స్లో రింకూనే హైలైట్గా నిలిచాడు. అయితే గత కొన్ని సీజన్లుగా ఆ టీమ్ విజయాల్లో కీలకంగా మారిన అతడికి దక్కే పారితోషికం ఎంతో తెలిస్తే ఆశ్చర్యపోక మానరు.
ఈ సీజన్లో ఆడినందుకు గానూ రింకూకు దక్కేది రూ.55 లక్షలు మాత్రమే. గత కొన్ని సీజన్లుగా జట్టు విజయాల్లో కీలక పాత్ర పోషిస్తున్నాడతను. ఫినిషర్గా ఎన్నో మ్యాచుల్లో సింగిల్ హ్యాండ్తో టీమ్కు విక్టరీలు అందించాడు. టీమిండియా తరఫున ఇంటర్నేషనల్ లెవల్లోనూ అదరగొట్టాడు. అయినా అతడికి అంత తక్కువ రెమ్యూనరేషన్ ఏంటనే ప్రశ్నలు తలెత్తుతున్నాయి. ఐపీఎల్-2024కు ముందు జరిగిన మినీ ఆక్షన్లో మిచెల్ స్టార్క్ను రూ.25 కోట్లు పోసి కొనుక్కుంది కోల్కతా. దీంతో రింకూ-స్టార్క్ రెమ్యూనరేషన్స్పై చర్చ నడిచింది. తాజాగా ఈ విషయంపై రింకూ రియాక్ట్ అయ్యాడు. తనకు రూ.55 లక్షల పారితోషికం చాలా ఎక్కువని అతడు అన్నాడు. క్రికెట్లో ఈ రేంజ్కు చేరుకుంటానని ఎప్పుడూ అనుకోలేదన్నాడు.
‘నా దృష్టిలో రూ.55 లక్షల పారితోషికం అంటే చాలా ఎక్కువ. క్రికెట్ ఆడటం స్టార్ట్ చేసినప్పుడు ఈ స్థాయికి చేరుకుంటానని నేనెప్పుడూ అనుకోలేదు. నా చిన్నప్పుడు ఐదు రూపాయల కోసం పనిచేశా. ఇప్పుడు 55 లక్షలు సంపాదిస్తున్నా. ఇంతకంటే సంతోషం ఏం ఉంటుంది. దేవుడు నాకు ఏదైతే ఇచ్చాడో దానికి నేను తప్పకుండా సంతోషిస్తా. నా ఆలోచనలు ఇలాగే ఉంటాయి. లెక్కలు వేసుకునే అలవాటు నాకు లేదు. ఉన్నదాంతో హ్యాపీగా ఉన్నామా? లేదా? అనేదే ముఖ్యం. నా సంపాదనతో నేను సంతోషంగా ఉన్నా. ఒకప్పుడు ఇవి కూడా లేని రోజుల్ని చూశా. నాకు డబ్బుల విలువ బాగా తెలుసు’ అని రింకూ చెప్పుకొచ్చాడు. ఎవరమూ ఏమీ తీసుకురాలేదని, అలాగే ఏమీ పట్టుకుపోమన్నాడు. నేల విడిచి సాము చేయకూడదనేది తన సూత్రమని వివరించాడు. మరి.. రెమ్యూనరేషన్ విషయంలో రింకూ చేసిన వ్యాఖ్యలపై మీ అభిప్రాయాలను కామెంట్ చేయండి.
Rinku Singh pic.twitter.com/7ICOS5Cmr0
— RVCJ Media (@RVCJ_FB) May 28, 2024
