Nidhan
గెలుపు జోష్లో ఉంది లక్నో సూపర్ జియాంట్స్. గుజరాత్ టైటాన్స్పై నెగ్గిన ఆనందంతో మిగిలిన మ్యాచ్లకు సిద్ధమవుతోంది. అయితే ఆ టీమ్కు ఊహించని షాక్ తగిలింది.
గెలుపు జోష్లో ఉంది లక్నో సూపర్ జియాంట్స్. గుజరాత్ టైటాన్స్పై నెగ్గిన ఆనందంతో మిగిలిన మ్యాచ్లకు సిద్ధమవుతోంది. అయితే ఆ టీమ్కు ఊహించని షాక్ తగిలింది.
Nidhan
లక్నో సూపర్ జియాంట్స్ వరుస విజయాలతో ఫుల్ జోష్లో ఉంది. రాహుల్ సేన హ్యాట్రిక్ విక్టరీస్తో ఐపీఎల్-2024లో దూసుకుపోతోంది. ఫస్ట్ మ్యాచ్లో ఓటమి ఎదురైనా దాని నుంచి త్వరగా కోలుకొని సక్సెస్ ట్రాక్ పట్టేసింది లక్నో. గుజరాత్ టైటాన్స్తో నిన్న జరిగిన మ్యాచ్లో 33 పరుగుల తేడాతో నెగ్గింది. ఈ గెలుపుతో పాయింట్స్ టేబుల్లో 3వ స్థానానికి ఎగబాకింది. జీటీతో మ్యాచ్లో ఎల్ఎస్జీ నెగ్గడం కష్టమేనని అంతా అనుకున్నారు. ఎందుకంటే టార్గెట్ 163నే ఉండటంతో ఓటమి తప్పదని భావించారు. కానీ లో స్కోర్ను కూడా రాహుల్ సేన అద్భుతంగా డిఫెండ్ చేసి విజయం సాధించింది. బ్యాక్ టు బ్యాక్ విక్టరీస్తో రెడ్ హాట్ ఫామ్లో ఉన్న లక్నోకు ఊహించని షాక్ తగిలింది.
లక్నో ఎక్స్ప్రెస్ మయాంక్ యాదవ్ నెక్స్ట్ మ్యాచ్కు దూరమయ్యాడని తెలుస్తోంది. గుజరాత్తో మ్యాచ్లో అతడు గాయపడ్డాడు. ఇంజ్యురీ కారణంగా ఒక ఓవర్ వేశాక అతడు గ్రౌండ్ను వీడాడు. పక్కటెముకల నొప్పితో బాధపడుతున్న పేసర్.. మళ్లీ ఎంట్రీ ఇస్తాడని అంతా అనుకున్నారు. కానీ గాయం మానకపోవడంతో అతడు తిరిగి మైదానంలోకి అడుగు పెట్టలేదు. డాక్టర్స్ అతడికి ట్రీట్మెంట్ అందించారు. అయితే ప్రస్తుతం అందుతున్న సమాచారం ప్రకారం మయాంక్ ఇంకా కోలుకోలేదట. తర్వాతి మ్యాచ్కు అతడు అందుబాటులో ఉండకపోవచ్చని క్రికెట్ వర్గాల్లో వినిపిస్తోంది. మయాంక్ తనతో మాట్లాడాడని, బాగానే ఉన్నట్లు అనిపించిందని లక్నో ఆల్రౌండర్ కృనాల్ పాండ్యా తెలిపాడు. అయితే మయాంక్ ఇంజ్యురీ, అవేలబిలిటీ మీద టీమ్ మేనేజ్మెంట్ నుంచి ఇంతవరకు ఎలాంటి క్లారిటీ రాలేదు.
నెక్స్ట్ మ్యాచ్కు మయాంక్ అందుబాటులో ఉండకపోవచ్చనే వార్తలు లక్నో అభిమానులను భయపెడుతున్నాయి. 150కి పైగా స్పీడ్తో నిలకడగా బంతులు వేస్తూ తొలి రెండు మ్యాచుల్లో ప్లేయర్ ఆఫ్ ది మ్యాచ్గా నిలిచాడు మయాంక్. అతడు లేకపోతే టీమ్ గెలుపు మీద తీవ్ర ప్రభావం పడుతుందని అంటున్నారు. అయితే మరికొందరు ఫ్యాన్స్ మాత్రం మయాంక్కు రెస్ట్ ఇవ్వాలని, కంప్లీట్ ఫిట్ అయ్యాక బరిలోకి దింపాలని సూచిస్తున్నారు. ఒకవేళ గాయం తిరగబెడితే ప్లేఆఫ్స్ టైమ్లో పెద్ద సమస్యగా మారుతుందని అంటున్నారు. దీంతో మయాంక్ విషయంలో లక్నో మేనేజ్మెంట్ ఎలా వ్యవహరిస్తుందనేది కీలకంగా మారింది. ఏదేమైనా అతడి రికవరీ, కమ్బ్యాక్పై ఫ్రాంచైజీ అఫీషియల్గా రియాక్ట్ అయ్యే వరకు ఏదీ చెప్పలేం.
