సౌతాఫ్రికా టూర్కు వెళ్లేముందు భారత క్రికెట్ జట్టుకు భారీ ఎదురుదెబ్బ తగిలింది. ఒక స్టార్ ప్లేయర్ ఈ సిరీస్కు దూరం కానున్నాడని తెలిసింది.
సౌతాఫ్రికా టూర్కు వెళ్లేముందు భారత క్రికెట్ జట్టుకు భారీ ఎదురుదెబ్బ తగిలింది. ఒక స్టార్ ప్లేయర్ ఈ సిరీస్కు దూరం కానున్నాడని తెలిసింది.
ఆస్ట్రేలియాతో ఐదు టీ20ల సిరీస్ ముగియడంతో టీమిండియా ఇప్పుడు సౌతాఫ్రికా టూర్పై ఫోకస్ పెడుతోంది. ఇప్పటికే ఆ సిరీస్కు సెలక్ట్ అయిన టీమ్స్ను అక్కడికి పంపింది. డిసెంబర్ 10వ తేదీన ప్రారంభమయ్యే సఫారీ సిరీస్ జనవరి 7వ తేదీన ముగుస్తుంది. ఇందులో భాగంగా భారత్ మూడు టీ20లు, మూడు వన్డేలతోపాటు రెండు టెస్టులు ఆడనుంది. మరో ఏడు నెలల్లో టీ20 వరల్డ్ కప్ ఉన్న నేపథ్యంలో ఈ సిరీస్లో పొట్టి ఫార్మాట్లోని మ్యాచుల మీద మన జట్టు ఎక్కువగా దృష్టి సారిస్తోంది. ఎక్కువ మంది యంగ్స్టర్స్కు ఛాన్సులు ఇచ్చి టీమ్ కాంబినేషన్ను సెట్ చేసుకోవాలని చూస్తోంది. వరల్డ్ టెస్ట్ ఛాంపియన్షిప్ సైకిల్ 2023-2025లో టాప్లో నిలిచిన జట్లు ఫైనల్కు అర్హత సాధిస్తాయి. కాబట్టి సౌతాఫ్రికాతో టెస్ట్ సిరీస్ కూడా భారత్కు కీలకంగా మారింది.
సఫారీ టూర్ స్టార్ట్ అయ్యేందుకు ఇంకా నాల్రోజుల సమయం మాత్రమే మిగిలి ఉంది. ఈ తరుణంలో భారత జట్టుకు బిగ్ షాక్ తగిలింది. ఈ టూర్కు ఓ స్టార్ ప్లేయర్ దూరం అయ్యాడు. అతడు మరెవరో కాదు.. యంగ్ పేసర్ దీపక్ చాహర్. చాన్నాళ్ల తర్వాత ఇంటర్నేషనల్ క్రికెట్లోకి రీఎంట్రీ ఇచ్చాడతను. ఇటీవలే ఆస్ట్రేలియాతో జరిగిన టీ20 సిరీస్లో నాలుగో మ్యాచ్లో అతడు బరిలోకి దిగాడు. ఆ టీ20లో ఆరంభ ఓవర్లలో భారీగా రన్స్ ఇచ్చిన చాహర్.. ఆ తర్వాత పుంజుకొని రెండు కీలక వికెట్లు తీశాడు. ఐదో టీ20 ఆడాల్సిన అతడు అనూహ్యంగా టీమ్కు దూరమయ్యాడు. మెడికల్ ఎమర్జెన్సీ కారణంగా ఇంటికి వెళ్లిపోయాడు. తండ్రిని హాస్పిటల్లో జాయిన్ చేయాల్సి రావడంతో ఆ మ్యాచ్ ఆడకుండానే సిరీస్ మధ్యలో నుంచి వెళ్లిపోయాడు.
ఆస్ట్రేలియాతో ఆఖరి టీ20కి దూరమైన దీపక్ చాహర్.. సౌతాఫ్రికాతో వన్డే, టీ20 టీమ్స్కు సెలక్ట్ అయ్యాడు. అయితే ఇప్పటికే టీమ్తో కలసి అక్కడికి వెళ్లాల్సింది. కానీ తండ్రి అనారోగ్యంతో ఉండటంతో చాహర్ ఇక్కడే ఆగిపోయాడు. ‘మేం కరెక్ట్ టైమ్కు మా నాన్నను ఆస్పత్రికి తీసుకెళ్లాం. లేకపోతే సిచ్యువేషన్ డేంజరస్గా మారేది. ఆయన ఆరోగ్యం కాస్త మెరుగ్గానే ఉంది. మా నాన్న హెల్త్ నాకు చాలా ఇంపార్టెంట్. నన్ను క్రికెటర్ను చేయడానికి ఆయన ఎంతో శ్రమించారు. అలాంటప్పుడు ఆయన ఇలా ఆస్పత్రిలో ఉంటే నేను గ్రౌండ్లో మనసు పెట్టి ఆడలేను. ఆయన్ను ఈ పరిస్థితుల్లో ఇలా వదిలి ఎక్కడికీ వెళ్లను. ఆయన రికవర్ అయ్యాకే సౌతాఫ్రికాకు ప్రయాణమవుతా. దీనిపై కోచ్ రాహుల్ ద్రవిడ్తో పాటు సెలక్టర్లతో మాట్లాడా’ అని చాహర్ తెలిపాడు. కాగా, సౌతాఫ్రికా టూర్కు వెళ్లిన భారత స్క్వాడ్లో టీ20 టీమ్కు సూర్యకుమార్ యాదవ్, వన్డే జట్టుకు కేఎల్ రాహుల్, టెస్ట్ సిరీస్కు రోహిత్ శర్మ సారథ్య బాధ్యతలు చేపడతారు.
ఇదీ చదవండి: Virat Kohli: విరాట్ కోహ్లీకి ఊహించని అదృష్టం.. సచిన్తో కలసి..!
🚨 NEWS ALERT 🚨
Deepak Chahar has opted out from South Africa series. pic.twitter.com/gQPpmo5OLU
— CricketGully (@thecricketgully) December 6, 2023
