ఫైనల్ ఎలెవన్లో ప్లేస్ దక్కక ఇబ్బంది పడుతున్న వెటరన్ పేసర్ మహ్మద్ షమీకి ఎట్టకేలకు న్యూజిలాండ్తో మ్యాచ్లో ఛాన్స్ దక్కింది. దాన్ని అతడు పూర్తి సద్వినియోగం చేసుకుంటున్నాడు.
ఫైనల్ ఎలెవన్లో ప్లేస్ దక్కక ఇబ్బంది పడుతున్న వెటరన్ పేసర్ మహ్మద్ షమీకి ఎట్టకేలకు న్యూజిలాండ్తో మ్యాచ్లో ఛాన్స్ దక్కింది. దాన్ని అతడు పూర్తి సద్వినియోగం చేసుకుంటున్నాడు.
వన్డే వరల్డ్ కప్-2023లో బాగా ఆసక్తి రేకెత్తించిన మ్యాచుల్లో ఒకటి భారత్-న్యూజిలాండ్ మ్యాచ్. ఓటమనేదే లేకుండా మెగా టోర్నీలో వరుస విజయాలతో దూసుకెళ్తున్న ఈ టీమ్స్ మధ్య మ్యాచ్ కోసం క్రికెట్ ఫ్యాన్స్ అందరూ ఎంతో ఉత్సాహంగా ఎదురు చూస్తున్నారు. ఎట్టకేలకు ఆ రోజు వచ్చేసింది. ఆదివారం ధర్మశాల వేదికగా ఈ ఇరు టీమ్స్ మధ్య మ్యాచ్ మొదలైపోయింది. టాస్ నెగ్గిన టీమిండియా కెప్టెన్ రోహిత్ శర్మ ఛేజింగ్కు మొగ్గు చూపాడు. దీంతో కివీస్ తొలుత బ్యాటింగ్కు దిగాల్సి వచ్చింది. ఈ మ్యాచ్లో టీమ్ విషయంలో రెండు మార్పులు చేసింది భారత మేనేజ్మెంట్. గాయపడిన హార్దిక్ పాండ్యా ప్లేసులో సూర్యకుమార్ యాదవ్ను తీసుకుంది. అలాగే శార్దూల్ ఠాకూర్ స్థానంలో వెటరన్ పేసర్ మహ్మద్ షమీని తీసుకుంది.
ఈ మ్యాచ్లో మొదట బ్యాటింగ్కు దిగిన న్యూజిలాండ్కు మంచి ఆరంభం దక్కలేదు. కివీస్ ఓపెనర్లు డెవిన్ కాన్వే, విల్ యంగ్లను భారత పేసర్లు మహ్మద్ సిరాజ్, జస్ప్రీత్ బుమ్రాలు కట్టిపడేశారు. రన్స్ రాకుండా నిలువరించడంతో ఏం చేయాలో వారికి అర్థం కాలేదు. ఈ క్రమంలో మమ్మద్ సిరాజ్ వేసిన బంతికి శ్రేయస్ అయ్యర్కు క్యాచ్ ఇచ్చి ఔట్ అయ్యాడు కాన్వే. ఆ తర్వాత క్రీజులో కుదురుకున్నట్లే కనిపించిన మరో ఓపెనర్ విల్ యంగ్ను షమి పెవిలియన్కు పంపాడు. స్కోరు బోర్డు మీద 20 రన్స్ కూడా చేరకుండానే కివీస్ రెండు కీలక వికెట్లు కోల్పోయింది.
వరల్డ్ కప్లో ఛాన్స్ కోసం ఎంతో ఆతృతగా ఎదురు చూస్తున్న సీనియర్ పేసర్ మహ్మద్ షమీకి న్యూజిలాండ్తో మ్యాచ్లో ఛాన్స్ దక్కింది. దాన్ని అతడు పూర్తిగా సద్వినియోగం చేసుకున్నాడు. ఎనిమిదో ఓవర్లో బౌలింగ్కు దిగిన షమి.. తాను వేసిన ఫస్ట్ బాల్కే విల్ యంగ్ను ఔట్ చేశాడు. స్వింగ్ అవుతూ వచ్చిన బాల్ను ఆడటంలో యంగ్ ఫెయిలై క్లీన్ బౌల్డ్ అయ్యాడు. ఒక్క అవకాశం కోసం ఎదురు చూస్తున్న షమి.. ఈ మ్యాచ్లో తనకు వచ్చి ఛాన్స్ను పూర్తిగా వాడుకుంటున్నాడు. కసితో బౌలింగ్ చేస్తున్నాడు. కివీస్ బ్యాటర్లకు ఏమాత్రం ఛాన్స్ ఇవ్వకుండా రన్స్ నిలువరిస్తూ ఒత్తిడి పెంచుతున్నాడు. షమి తీసిన వికెట్ చూసిన ఫ్యాన్స్ అతడు బౌలింగ్ వేస్తే ఇలాగే ఉంటుందని నెట్టింట కామెంట్స్ చేస్తున్నారు. మరి.. ఈ మ్యాచ్లో షమి బౌలింగ్ వేస్తున్న తీరుపై మీ అభిప్రాయాలను కామెంట్ల రూపంలో తెలియజేయండి.
ఇదీ చదవండి: కివీస్తో మ్యాచ్కు ముందు ICCపై ద్రవిడ్ సీరియస్.. అది కరెక్ట్ కాదంటూ..!
WICKET ON THE FIRST BALL BY MOHAMMED SHAMI…!!!
What a return to the team – New Zealand 2 down. pic.twitter.com/BN6boNOKVJ
— Mufaddal Vohra (@mufaddal_vohra) October 22, 2023
MOHAMMED SHAMI 1st wicket today💚 #INDvsNZ pic.twitter.com/yQz47OSu8s
— Alok Verma (@alokmmv) October 22, 2023
