Nidhan
టీమిండియాతో తొలి టెస్ట్ ఆడేందుకు సిద్ధమవుతున్న ఇంగ్లండ్కు షాక్. లాస్ట్ మూమెంట్లో ఆ జట్టుకు కోలుకోలేని ఎదురుదెబ్బ తగిలింది.
టీమిండియాతో తొలి టెస్ట్ ఆడేందుకు సిద్ధమవుతున్న ఇంగ్లండ్కు షాక్. లాస్ట్ మూమెంట్లో ఆ జట్టుకు కోలుకోలేని ఎదురుదెబ్బ తగిలింది.
Nidhan
భారత్-ఇంగ్లండ్ జట్లు తొలి టెస్ట్కు సిద్ధమవుతున్నాయి. ఉప్పల్లోని రాజీవ్ గాంధీ ఇంటర్నేషనల్ స్టేడియం ఆతిథ్యం ఇస్తున్న ఈ మ్యాచ్ గురువారం మొదలుకానుంది. దీంతో రెండు టీమ్స్ ప్లేయర్లు ముమ్మరంగా ప్రాక్టీస్ చేస్తున్నారు. వరల్డ్ టెస్ట్ ఛాంపియన్షిప్ ఫైనల్కు చేరాలంటే గెలుపు కీలకంగా మారడంతో సిరీస్ను పట్టేయాలని ప్రయత్నిస్తున్నారు. ఉప్పల్ టెస్ట్కు సంబంధించిన అన్ని ఏర్పాట్లు పూర్తయ్యాయి. బజ్బాల్ ఫార్ములాతోనే ముందుకు వెళ్తామని చెబుతూ వస్తున్న ఇంగ్లండ్ ఫస్ట్ టెస్ట్లోనే దాని రుచి ఏంటో భారత్కు చూపించాని భావిస్తోంది. టీమిండియా మాత్రం తమదైన శైలిలోనే ఆడుతూ పర్యాటక జట్టును చిత్తు చేయాలని చూస్తోంది. ఉప్పల్ గ్రౌండ్లో సూపర్బ్ రికార్డు ఉండటం రోహిత్ సేనకు కలిసొచ్చే అంశం. ఈ తరుణంలో ఇంగ్లండ్కు భారీ షాక్. లాస్ట్ మూమెంట్లో ఆ టీమ్కు కోలుకోలేని ఎదురుదెబ్బ తగిలింది.
ఇంగ్లండ్ యంగ్ స్పిన్నర్ షోయబ్ బషీర్ ఉప్పల్ టెస్ట్కు దూరమయ్యాడు. భారత్తో ఐదు టెస్టులకు ఎంపికైన జట్టులో అతడు కూడా ఉన్నాడు. ఈపాటికే అతడు ఇండియాకు రావాల్సింది. కానీ వీసా ఇష్యూ కారణంగా రాలేదు. వీసా సమస్య ఇంకా కొలిక్కి రాకపోవడంతో తొలి టెస్ట్కు అందుబాటులో లేకుండా పోయాడు. ఇది ఇంగ్లండ్కు పెద్ద ఎదురుదెబ్బేనని చెప్పాలి. బషీర్ స్టార్ బౌలర్ కాదు, ఒక్క టెస్ట్ ఆడిన అనుభవం కూడా అతడికి లేదు. అలాంటప్పుడు ఇంగ్లీష్ టీమ్కు పోయేది ఏముందని అనుకోవద్దు. భారత వికెట్లు టర్నింగ్ ట్రాక్స్ అనేది తెలిసిందే. ఇంగ్లండ్ బజ్బాల్తో టీమిండియాను చిత్తు చేయాలని అనుకుంటోంది. భారత్ స్పిన్ అస్త్రంతో పర్యాటక జట్టును మట్టికరిపించాలని ఎత్తుగడ వేస్తోంది. ఈ నేపథ్యంలో ఇంగ్లీష్ టీమ్ కూడా ముగ్గురు స్పిన్నర్ల ఫార్ములాను ప్రయోగించాలని అనుకుంటోందని తెలిసింది.
టీమ్లో ముగ్గురు స్పిన్నర్లు ఉండాలనుకుంటే బషీర్ను ఆడించాల్సిందే. జాక్ లీచ్, రెహాన్ అహ్మద్ రూపంలో ఆల్రెడీ ఇద్దరు స్పిన్నర్లు ఉన్నారు. బషీర్ మూడో స్పిన్నర్గా ఆడేవాడు. కానీ వీషా ఇష్యూ వల్ల అతడు అందుబాటులో ఉండటం లేదు. దీంతో ముగ్గురు పేసర్లు, ఇద్దరు స్పిన్నర్ల ఫార్ములాతో ఇంగ్లీష్ టీమ్ ముందుకు వెళ్లాల్సి ఉంటుంది. జో రూట్ రూపంలో ఓ స్పిన్నర్ ఉన్నా అతడు స్పెషలిస్ట్ స్పిన్నర్ కాదు. ఒకవేళ ఉప్పల్ పిచ్ స్పిన్నర్లకు అనుకూలిస్తే మాత్రం ఆ జట్టుకు దబిడిదిబిడే. ఈ నేపథ్యంలో బషీర్ లేని లోటును ఆ జట్టు ఎలా భర్తీ చేస్తుందో చూడాలి. ఇక, రేపటి మ్యాచ్లో ఇంగ్లండ్ ప్లేయింగ్ ఎలెవన్ను చూసుకుంటే.. ఓపెనర్లుగా జాక్ క్రాలే, బెన్ డకెట్ దిగడం ఖాయంగా కనిపిస్తోంది. ఓలీ పోప్ ఫస్ట్ డౌన్లో, జో రూట్ సెకండ్ డౌన్లో దిగుతారు. కెప్టెన్ బెన్ స్టోక్స్ మిడిలార్డర్ భారాన్ని మోస్తాడు. అతడి తర్వాత జానీ బెయిర్ స్టో (వికెట్ కీపర్) బ్యాటింగ్కు వస్తాడు. బెన్ ఫోక్స్, ఓలీ రాబిన్సన్, జేమ్స్ అండర్సన్ పేస్ బాధ్యతలు పంచుకుంటారు. రెహాన్ అహ్మద్, జాక్ లీచ్ స్పిన్ రెస్పాన్సిబిలిటీ తీసుకుంటారు. మ్యాచ్కు ముందు తుది జట్టులో ఇంకేమైనా మార్పులు చేస్తే తప్ప దాదాపుగా బరిలోకి దిగే టీమ్ ఇదే. మరి.. తొలి టెస్ట్కు ముందు ఇంగ్లండ్కు బిగ్ షాక్ తగలడంపై మీ అభిప్రాయాలను కామెంట్ చేయండి.
England’s uncapped spinner Shoaib Bashir has been ruled out of the first Test of the India tour due to visa issues 👀#INDvsENG #EnglandCricket #ShoaibBashir #CricketTwitter pic.twitter.com/j9nbdvXYKF
— InsideSport (@InsideSportIND) January 24, 2024
