Mohammed Siraj: బజ్​బాల్​ స్ట్రాటజీపై సిరాజ్ షాకింగ్ రియాక్షన్.. అసలేం అనుకుంటున్నారు!

భారత్-ఇంగ్లండ్ సిరీస్​ క్రికెట్ ప్రపంచం మొత్తాన్ని తన వైపునకు తిప్పుకుంటోంది. టెస్ట్ ఫార్మాట్​లోని టాప్ టీమ్స్ మధ్య జరుగుతున్న ఈ సమరానికి చాలా స్పెషాలిటీ ఉంది. భారత్​ను తమ సొంతగడ్డ మీద ఓడించడం మామూలు విషయం కాదు. గతంలో ఎన్నోసార్లు ఇక్కడికి వచ్చిన తోపు జట్లు అన్నీ టీమిండియా స్పిన్ ఆయుధాన్ని తట్టుకోలేక తోకముడుచుకొని వెళ్లిపోయాయి. అలాంటి భారత్​పై బజ్​బాల్​ స్ట్రాటజీని అమలు చేసి విజయం సాధిస్తామంటోంది ఇంగ్లండ్. ధనాధన్ ఇన్నింగ్స్​లు, వికెట్లు టార్గెట్ చేసుకొని బౌలింగ్ చేస్తూ మ్యాచ్​ను త్వరగా ముగించేందుకు ప్లాన్ చేస్తోంది. కానీ స్పిన్ ట్రాక్స్ మీద పటిష్టమైన భారత జట్టుపై ఇది వర్కౌట్ అవడం కష్టమే. కానీ బజ్​బాల్​తోనే భారత్​ను పడగొడతామంటూ ఇంగ్లీష్ క్రికెటర్లు ప్రగల్భాలకు పోతున్నారు. దీనిపై స్టార్ పేసర్ మహ్మద్ సిరాజ్ రియాక్ట్ అయ్యాడు. ఆ జట్టుకు గట్టి కౌంటర్ ఇచ్చాడు.

అసలు ఇంగ్లండ్ తమ గురించి ఏమనుకుంటోందని సిరాజ్ అన్నాడు. బజ్​బాల్​ లేదు.. గిజ్​బాల్​ లేదు తోలు తీస్తామని వార్నింగ్ ఇచ్చాడు. మ్యాచ్​ను ఒక్క రోజులోనే ముగిస్తామని హెచ్చరించాడు. ‘ఒకవేళ ఇంగ్లండ్​ బజ్​బాల్​ స్ట్రాటజీతో ఆడితే మ్యాచ్ ఒక్క రోజులోనే ముగుస్తుంది. ఒకటి లేదా రెండ్రోజుల్లోనే ఇంగ్లీష్ టీమ్​ను చిత్తుగా ఓడిస్తాం. భారత్​లో బజ్​బాల్ పనిచేయదు. ఇక్కడ బాల్ ఒక్కోసారి గింగిరాలు తిరుగుతుంది. మరికొన్ని సార్లు బాల్ స్ట్రయిట్​గా వస్తుంది. కాబట్టి బజ్​బాల్​ ఫార్ములా ఇక్కడ వర్కవుట్ కాదు. అయినా సరే బజ్​బాల్​నే ప్రయోగిస్తామంటే ఆ ఛాలెంజ్​కు మేం రెడీ. అది మాకు మంచే చేస్తుంది. మ్యాచ్ త్వరగా ముగుస్తుంది’ అని సిరాజ్ స్పష్టం చేశాడు. ఈ సిరీస్ ప్రిపరేషన్స్ మీదా స్టార్ పేసర్ రియాక్ట్ అయ్యాడు. తాను బాగా సన్నద్ధం అయ్యానని.. కొత్త బంతితో బౌలింగ్ చేసేందుకు రెడీగా ఉన్నానని సిరాజ్ తెలిపాడు. న్యూ బాల్​తో బౌలింగ్ చేయడం అంత ఈజీ కాదన్నాడు.

‘నేను కొత్త బంతితో బౌలింగ్ చేస్తా. కాబట్టి నా లైన్ అండ్ లెంగ్త్ ఒకేలా ఉంటుంది. ఫార్మాట్ ఏదైనా సరే నేను పెద్దగా మార్పులు చేయను. రెడ్ బాల్, వైట్ బాల్​ దేంట్లోనైనా కేవలం స్వల్ప మార్పులతో ఆడేందుకు సిద్ధమవుతా. అయితే టెస్ట్ క్రికెట్​లో వికెట్​కు 5 నుంచి 6 మీటర్ల బౌలింగ్​లో బౌలింగ్ చేయాల్సి ఉంటుంది. బ్యాట్స్​మెన్​ క్రీజుకు ముందు బంతులు విసిరితేనే వికెట్లు పడే అవకాశాలు ఉంటాయి. ఒకవేళ బాల్ స్వింగ్ అవ్వకపోతే అప్పుడు లెంగ్త్​ను అడ్జస్ట్ చేసుకోవాలి. అందుకే బాల్​ను కన్​సిస్టెంట్​గా ఒకే స్పాట్​లో విసిరేందుకు ప్రయత్నిస్తుంటా. కొత్త బాల్ అయినా పాత బాల్ అయినా నా ప్రయత్నం లెంగ్త్​, స్పాట్​ను పట్టుకోవడం మీదే ఉంటుంది. ఆ కన్​సిస్టెన్సీనే నా సక్సెస్​కు కారణం’ అని సిరాజ్ చెప్పుకొచ్చాడు. బజ్​బాల్​కు కౌంటర్​గా సిరాజ్ కామెంట్స్ చేయడం, మ్యాచ్​ను ఒక్కరోజులోనే ముగిస్తామని చెప్పడంతో ఈ సిరీస్ మరింత ఆసక్తిని రేకెత్తిస్తోంది. మరి.. ఒక్కరోజులోనే మ్యాచ్​ను ముగిస్తామంటూ ఇంగ్లండ్​కు సిరాజ్ వార్నింగ్ ఇవ్వడంపై మీ అభిప్రాయాలను కామెంట్ల రూపంలో తెలియజేయండి.

Mohammad Siraj said – “Bazball won’t work in India. If England plays Bazball then match might end in one & half or two days”. pic.twitter.com/2gsKEsGvCW

— CricketMAN2 (@ImTanujSingh) January 24, 2024