లంక క్రికెట్​కు మరో షాక్ ఇచ్చిన ICC.. ఇక ఆ దేశం పనైపోయినట్లే!

క్రికెట్ లవర్స్​ను ఏడు వారాల పాటు అలరించిందిన వన్డే వరల్డ్ కప్-2023 ముగిసింది. అయితే మెగా టోర్నీ ఒక్కో టీమ్​కు ఒక్కో రకమైన ఎక్స్​పీరియెన్స్ ఇచ్చింది. కప్పు విజేతగా నిలిచిన ఆస్ట్రేలియా సంబురాల్లో మునిగిపోతే.. ఆఖరి మెట్టుపై బోల్తా పడిన భారత్ ఆ బాధ నుంచి బయటపడేందుకు ప్రయత్నిస్తోంది. ఈసారైనా ఫైనల్ చేరుకుందామని భావిస్తే మళ్లీ సెమీస్​లోనే ఆగిపోవడంతో సౌతాఫ్రికా టీమ్ నిరాశలో కూరుకుపోయింది. ఎంతగానో ప్రయత్నించినా టీమిండియాను ఆపలేక.. ఫైనల్​కు చేరకుండానే కథ ముగియడంతో న్యూజిలాండ్ కూడా బాధలోనే ఉంది. ఇక నాకౌట్​కు అర్హత సాధించకుండానే వెనుదిరిగిన ఇంగ్లండ్, పాకిస్థాన్, శ్రీలంక, బంగ్లాదేశ్​లు తీవ్ర విమర్శల్ని ఎదుర్కొంటున్నాయి. ఇప్పటికే ఆయా జట్లలో ప్రక్షాళన కూడా మొదలైంది. ఎన్నో ఆశలతో వరల్డ్ కప్​కు వస్తే సెమీస్​కు చేరకుండానే వెనక్కి రావడంపై ఆయా దేశాల క్రికెట్ ఫ్యాన్స్ ఆటగాళ్లపై ఫైర్ అవుతున్నారు.

నాకౌట్​కు క్వాలిఫై కావడంలో ఫెయిలైన పాకిస్థాన్​ క్రికెట్​లో ఎన్నో ఆసక్తికర పరిణామాలు చోటుచేసుకుంటున్నాయి. పాక్​ ఫెయిల్యూర్​కు బాధ్యత వహిస్తూ బౌలింగ్ కోచ్ మోర్నె మోర్కెల్, కెప్టెన్ బాబర్ ఆజం, చీఫ్ సెలెక్టర్ ఇంజమాముల్ హక్ తమ బాధ్యతల నుంచి తప్పుకున్నారు. ఆ జట్టు విదేశీ కోచింగ్ సిబ్బందిని పూర్తిగా తొలగించింది పాకిస్థాన్ క్రికెట్ బోర్డు (పీసీబీ). టీమ్​కు కొత్త డైరెక్టర్​గా మాజీ ప్లేయర్ మహ్మద్ హఫీజ్​ను నియమించింది. చీఫ్​ సెలెక్టర్​గా వహాబ్ రియాజ్​ను ఎంపిక చేసింది. టీ20 కెప్టెన్​గా షహీన్ షా అఫ్రిదీని.. టెస్టు కెప్టెన్​గా షాన్ మసూద్​ను నియమించింది పీసీబీ. మరోవైపు వరల్డ్‌ కప్ ఫెయిల్యూర్​తో లంక క్రికెట్​లో పెను దుమారం రేగింది. లంక టీమ్ ఓటమికి బాధ్యతగా అక్కడి క్రికెట్ బోర్డును రద్దు చేసింది ఆ దేశ ప్రభుత్వం. దాని ప్లేసులో వెటరన్ క్రికెటర్ అర్జున రణతుంగ నేతృత్వంలో ఓ తాత్కాలిక కమిటీని ఏర్పాటు చేసింది.

లంక క్రికెట్ బోర్డు వ్యవహారాల్లో ఆ దేశ సర్కారు జోక్యాన్ని సీరియస్​గా తీసుకుంది ఇంటర్నేషనల్ క్రికెట్ కౌన్సిల్ (ఐసీసీ). వెంటనే లంక క్రికెట్​పై బ్యాన్ విధించింది. దీంతో ఐసీసీ నిర్వహించే టోర్నీల్లో శ్రీలంక పాల్గొనేందుకు ఛాన్స్ లేకుండా పోయింది. తాజాగా లంక క్రికెట్​కు మరో షాక్ ఇచ్చింది ఐసీసీ. ఆ దేశంలో నిర్వహించాల్సిన అండర్-19 వరల్డ్ కప్​ను సౌతాఫ్రికాకు తరలించింది. ‘శ్రీలంక క్రికెట్ (ఎస్​ఎల్​సీ) సస్పెన్షన్ నేపథ్యంలో అండర్​-19 వరల్డ్ కప్​ను లంక నుంచి సౌతాఫ్రికాకు తరలించాం. ఈ టోర్నీలో పాల్గొనే దేశాలకు ఈ విషయాన్ని కొన్ని రోజుల ముందే చెప్పాం. అహ్మదాబాద్​లో నిర్వహించిన ఐసీసీ బోర్డు సమావేశం ఈ డెసిజన్​కు ఆమోదం తెలిపింది. అయితే ఐసీసీ టోర్నమెంట్​లు, ద్వైపాక్షిక సిరీస్​ల్లో మాత్రం శ్రీలంక పాల్గొనవచ్చు’ అని ఐసీసీ మెంబర్ తెలిపారు. అయితే వరల్డ్ కప్ లాంటి టోర్నీని లంక నుంచి తరలించడంతో ఆ దేశ టూరిజంపై తీవ్ర ప్రభావం పడుతుందని.. ఇక లంక పనైపోయినట్లేనని అనలిస్టులు అంటున్నారు. మరి.. లంక క్రికెట్​కు ఐసీసీ మరో బిగ్ షాక్ ఇవ్వడంపై మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: ఓ ఇంటివాడు కానున్న టీమిండియా స్టార్‌ క్రికెటర్‌! ఎంగేజ్ మెంట్ పిక్స్ వైరల్..

The ICC have moved the 2024 U19 World Cup from Sri Lanka to South Africa following Sri Lanka Cricket’s (SLC) suspension.

Sri Lanka, however, can continue to compete internationally both in bilateral and ICC events but the funding to SLC will be controlled by the ICC.… pic.twitter.com/FhQiAM6Tui

— Sportskeeda (@Sportskeeda) November 21, 2023