సామాన్యుల్లోని అసమాన్యుల సేవలను ప్రత్యేకంగా గుర్తించి ఏపీ ప్రభుత్వం ప్రతిష్టాత్మకంగా అందిస్తున్న వైఎస్సార్ లైఫ్ టైం అచీవ్ మెంట్ అవార్డులను గర్వకారణంగా నిలుస్తాయని ఏపీ సీఎం జగన్ పేర్కొన్నారు. సమాజంలో అసమాన్య సేవలు అందిస్తున్న ప్రముఖులు, మానవతా మూర్తులకు అభినందనలు తెలియజేస్తున్నట్లు తెలిపారు. వరుసగా రెండో ఏడాది రాష్ట్ర ప్రభుత్వం తరపున (వైఎస్సార్ అచీవ్మెంట్, వైఎస్సార్ లైఫ్ టైమ్ అచీవ్మెంట్) అత్యున్నత అవార్డులను ప్రదానం చేస్తున్నట్లు వివిరంచారు. ప్రత్యేక ఉన్న పురస్కారాలను వ్యక్తులుగా, సంస్ధలుగా వారు చేసిన గొప్ప సేవలకు గుర్తింపుగా ఇస్తున్నట్లు సీఎం జగన్ పేర్కొన్నారు.
రాష్ట్ర అవతరణ దినోత్సవం సందర్భంగా విజయవాడ ఏ కన్వెన్షన్ సెంటర్లో గవర్నర్ ముఖ్య అతిథిగా జరిగిన వైఎస్సార్ లైఫ్టైమ్ అచీవ్మెంట్, వైఎస్సార్ అచీవ్ మెంట్ – 2022 అవార్డుల ప్రదానోత్సవ కార్యక్రమంలో సీఎం జగన్ ప్రసంగించారు. కార్యక్రమంలో విశిష్ట అతిథిగా వైఎస్ విజయమ్మ హాజరయ్యారు. ఈ సందర్భంగా వివిధ రంగాల్లో విశేష కృషి చేసిన 35 మందికి (౩౦ సంస్థలకు) గవర్నర్ బిశ్వభూషణ్ హరిచందన్, సీఎం జగన్ తో కలిసి అవార్డులు ప్రధానం చేశారు. వ్యవసాయం, కళలు మరియు సంస్కృతి, సాహిత్యం, మహిళా శిశు సాధికారత, విద్య, జర్నలిజం, వైద్యం, పరిశ్రమలు వంటి రంగాలలో విశేష కృషి చేసిన వ్యక్తులు, సంస్ధలకు 20 వైఎస్సార్ లైఫ్టైమ్ అచీవ్మెంట్ అవార్డులు, 10 వైఎస్సార్ అచీవ్ మెంట్ అవార్డులు అందజేశారు.
దేశంలోనే ఎక్కాడా లేని విధంగా తమ శ్రమ, స్వేదంతో రాష్ట్ర చరిత్రను గొప్పగా లిఖిస్తున్న రైతన్నలకు లైఫ్ టైం అచీవ్ మెంట్ అవార్డులు ఇవ్వడం ఎంతో ఆనందంగా ఉందని సీఎం జగన్ పేర్కొన్నారు. ఈ అవార్డులతో మన సంస్కృతి, సంప్రదాయాలకు దశాబ్దాలుగా వారధులుగా ఉన్న వారిని గౌరవిస్తున్నట్లు పేర్కొన్నారు. మహిళల రక్షణకు నిరంతరం పాటుపడే రక్షణ సారధులను ఈ అవార్డుల్లో ప్రత్యేకంగా చేర్చినట్లు వివరించారు.
ఈ అవార్డులు వెనుకబాటుతనం, అణిచివేత, పెత్తందారీ పోకడలపై దండయాత్ర చేస్తున్న సామాజిక ఉద్యమకారులు, పాత్రికేయుల భిన్నమైన కళాలకు, గళాలకు మరింత దన్నుగా నిలుస్తాయని సీఎం జగన్ పేర్కొన్నారు. సమాజ సేవలో ఉన్న ప్రతి ఒక్కరికీ ప్రభుత్వం అండగా ఉంటుందని చెప్పడానికి ఈ అవార్డులు ప్రతీకగా నిలుస్తాయన్నారు. రాష్ట్ర అభివృద్ధికి ఎంతగానో క షి చేసిన ప్రియతమ నేత దివంగత సీఎం వైఎస్ రాజశేఖర్ రెడ్డి పేరుపై ఈ అవార్డులు ఇవ్వడం ద్వారా ఆ మహానేతను మరోసారి గుర్తు చేసుకున్నట్లేనని వివరించారు.
వైఎస్సార్ మార్క్ పాలనతో జాతీయస్థాయి గుర్తింపు: గవర్నర్ బిశ్వభూషన్ హరిచందన్
అంధ్రప్రదేశ్ రాష్ట్ర అభివృద్ధికి దివంగత నేత వైఎస్సార్ విశేష కృషి చేశారని గవర్నర్ బిశ్వభూషన్ హరిచందన్ పేర్కన్నారు. వైఎస్సార్ తన మార్క్ పాలనతో జాతీయస్థాయిలో గుర్తింపు పొందారని కొనియాడారు. అలాంటి మహానేత పేరుతో అవార్డులు ఇవ్వడం సంతోషంగా ఉందని అవార్డుల ప్రధానోత్సవంలో ముఖ్య అతిథిగా పాల్గొన్న గవర్నర్ బిశ్వభూషన్ హరిచందన్ పేర్కొన్నారు. ‘ఆంధ్రప్రదేశ్ గొప్ప సాంస్కృతిక వారసత్వం కలిగింది. బహుళ ప్రతిభలు కలగలిసిన రాష్ట్రం మనది. కళలు, చేతివృత్తులు, కూచిపూడి నృత్యం ఇక్కడ పుట్టి ప్రపంచ ఖ్యాతి పొందాయి. వెయ్యేళ్ల ఘన చరిత్ర కలిగిన తెలుగు భాష మధురం. ప్రసిద్ధ పుణ్యక్షేత్రాలు, గొప్ప వ్యక్తులు కలిగిన నేల నేడు అభివృద్ధి పథంలో దూసుకుపోతోంది. అని గవర్నర్ వివరించారు.
దివంగత నేత వైఎస్సార్ రాష్ట్రాభివృద్ధికి విశేష కృషి చేశారన్నారు. 4 సార్లు ఎంపీగా, 5 సార్లు ఎమ్మెల్యేగా, రెండు సార్లు సీఎంగా పని చేశారని కొనియాడారు. ప్రజల సమస్యలను పాదయాత్ర ద్వారా తెలుసుకుని దేశ చరిత్రలోనే వైఎస్సార్ అరుదైన నాయకుడిగా నిలిచారన్నారు. సీఎం అవ్వగానే సంక్షేమ కార్యక్రమాలతో పేదలకు మేలు చేశారన్నారు. ఉచిత విద్యుత్, ఆరోగ్య శ్రీ, 108, పావలా వడ్డీ, పేదలకు గృహ నిర్మాణం, ఫీజు రీయింబర్స్మెంట్ వంటి పథకాలతో పేదల గుండెల్లో నిలిచారని కొనియాడారు.
డాక్టర్ వైఎస్ఆర్ లైఫ్టైమ్ అచీవ్మెంట్ అవార్డు రూ. 10 లక్షల నగదు బహుమతి, డాక్టర్ వైఎస్ఆర్ కాంస్య బొమ్మ, జ్ఞాపిక మరియు ప్రశంసా పత్రాన్ని కలిగి ఉండగా, డాక్టర్ వైఎస్ఆర్ అచీవ్మెంట్ అవార్డు రూ. 5 లక్షల నగదు బహుమతి, మెమెంటో మరియు ప్రశంసా పత్రాన్ని కలిగి ఉంటుంది.
వ్యవసాయంలో వైఎస్సార్ అచీవ్మెంట్ అవార్డులు:
లలిత కళలు మరియు సంస్కృతిలో వైఎస్సార్ జీవితకాల సాఫల్య పురస్కారాలు
లలిత కళలు మరియు సంస్కృతిలో వైఎస్సార్ అచీవ్మెంట్ అవార్డులు:
సాహిత్యంలో వైఎస్సార్ జీవితకాల సాఫల్య పురస్కారాలు:
మహిళా సాధికారత మరియు రక్షణలో వైఎస్సార్ జీవితకాల సాఫల్య పురస్కారాలు:
5 దిశ పోలీసు అధికారులకు సంయుక్తంగా వైఎస్సార్ అచీవ్మెంట్ అవార్డులు:
రావాడ జయంతి, ఎస్వీవీ లక్ష్మీనారాయణ, రాయుడు సుబ్రహ్మణ్యం, హజత్రయ్య మరియు పి. శ్రీనివాసులు
విద్యలో వైఎస్సార్ జీవితకాల సాఫల్య పురస్కారాలు:
విద్యలో వైఎస్సార్ అచీవ్మెంట్ అవార్డులు:
జర్నలిజంలో వైఎస్ఆర్ లైఫ్టైమ్ అచీవ్మెంట్ అవార్డులు
వైద్య మరియు ఆరోగ్యంలో వైఎస్సార్ జీవితకాల సాఫల్య పురస్కారాలు:
పరిశ్రమల విభాగంలో వైఎస్సార్ జీవితకాల సాఫల్య పురస్కారాలు:
గ్రంథి మల్లికార్జునరావు.
